ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សភា​អាហ្វហ្គានីស្ថាន​ពន្យា​រពេល​អណត្តិ​របស់​ខ្លួន​ ខណៈ​ពេល​មាន​ការ​ចោទ​សួរ​ពី​នីត្យានុកូលភាព​


ប្រធានាធិបតី​អាហ្វហ្គានីស្ថាន​ Ashraf Ghani (កណ្តាល​ខាង​ឆ្វេង) ធ្វើ​ការ​ថ្លែង​សុន្ទរកថា​ នៅ​ស្រប​ពេល​លោក​បើក​សមាជ​ប្រជុំ​សភា​ថ្មី​នៅ​វិមាន​សភា​នៅ​ក្រុង Kabul ប្រទេស​អាហ្វហ្គានីស្ថាន​ នា​ថ្ងៃ​ទី០៧ ខែ​មិនា​ ឆ្នាំ២០១៥។
ប្រធានាធិបតី​អាហ្វហ្គានីស្ថាន​ Ashraf Ghani (កណ្តាល​ខាង​ឆ្វេង) ធ្វើ​ការ​ថ្លែង​សុន្ទរកថា​ នៅ​ស្រប​ពេល​លោក​បើក​សមាជ​ប្រជុំ​សភា​ថ្មី​នៅ​វិមាន​សភា​នៅ​ក្រុង Kabul ប្រទេស​អាហ្វហ្គានីស្ថាន​ នា​ថ្ងៃ​ទី០៧ ខែ​មិនា​ ឆ្នាំ២០១៥។

កាល​ពី​ថ្ងៃ​សៅរ៍​សភា​នៃ​ប្រទេស​អាហ្វហ្គានីស្ថាន ​បាន​បោះឆ្នោត​ពន្យារ​ពេល​អណត្តិ​របស់​ខ្លួន​ហួស​ពី​ការ​អនុញ្ញាត​ដោយ​រដ្ឋធម្មនុញ្ញ​ដែល​មាន​កម្រិត៥ឆ្នាំ។​ សកម្មភាព​នេះ​បាន​ទទួល​ការ​គាំទ្រ​ពី​លោក​ប្រធានាធិបតី​អាហ្វហ្គានីស្ថាន ​Ashraf Ghani ​ដែល​ចង់​បញ្ចៀស​កុំឲ្យ​មាន​ភាព​ចន្លោះ​ខាង​ផ្លូវ​ច្បាប់​ដោយ​សារ​ការ​គ្មាន​ការ​បោះឆ្នោត​ជា​ថ្មី។​

ការិយាល័យ​របស់​លោក​បាន​និយាយ​ថា ការ​សម្រេច​ចិត្ត​នេះ​បាន​ត្រូវ​ធ្វើឡើង​ដោយ​មាន​ការ​ពិគ្រោះ​យោបល់​ជាមួយ​សាខា​តុលាការ ​សាខា​នីតិ​បញ្ញត្តិ​និង​សាខា​នីតិប្រតិបត្តិ​របស់​រដ្ឋាភិបាល។​

សមាជិក​ខ្លះ​នៃ​សភា ​និងក្រុម​អ្នកជំនាញការ​ខាង​ច្បាប់​ខ្លះ​នៅ​តែមាន​ការ​សង្ស័យ​អំពី​នីត្យានុកូលភាព​នៃ​សកម្មភាពនេះ។

លោក​ Abdul Qader Zazai ​សមាជិក​សភា​បាន​បន្ទោស​ការ​ប្រយុទ្ធ​គ្នា​ផ្ទៃ​ក្នុង​រវាង​ប្រធានាធិបតី Ghani និង​លោក​ Abdullah Abdullah ប្រធាន​ប្រតិបត្តិ​ថា​ បណ្តាល​ឲ្យ​មាន​វិបត្តិ​រដ្ឋធម្មនុញ្ញ​នេះ។​

លោក​ Zazai ​បាន​និយាយ​ថា ​«អស់​លោក​ទាំង​ពីរ​នាក់​នេះ​មិន​អាច​ធ្វើ​ឲ្យ​មាន​កំណែទម្រង់​ពិត​ប្រាកដ​អំពី​ការ​បោះឆ្នោត​សម្រាប់​ការ​បោះឆ្នោត​លើក​ក្រោយ​នៃ Wolesi Jirga»។

លោក​ Zazai បាននិយាយយោង​ដល់​ការ​សន្យា​អំពី​ការ​ធ្វើកំណែទម្រង់​ការ​បោះឆ្នោត​ដោយ​លោក​ Ghani និង​លោក​ Abdullah បន្ទាប់​ពី​ការ​បោះឆ្នោត​កាល​ពី​លើកមុន​របស់​អស់​លោក​មាន​បញ្ហា​ដោយសារ​ការ​ចោទ​ប្រកាន់​អំពី​ការ​បន្លំ​សន្លឹក​ឆ្នោត។​

ចាប់តាំង​ពី​ពេល​នោះ​មក​មាន​ការ​ជឿនលឿន​តែ​បន្តិចបន្តូច​ ពី​ព្រោះ​អស់លោក​ទាំង​ពីរ​នាក់​មិន​អាច​យល់ស្រប​គ្នា​អំពី​នរណា​ដែល​ដឹកនាំ​គណៈកម្មការ​កែទម្រង់​នេះ។​ ហើយ​ទស្សនៈអំពី​បញ្ហានេះ​ក៏មាន​ការ​ខ្វែង​គំនិត​គ្នា​ដែរ​នៅ​តាម​ផ្លូវ​ ក៏​ដូច​ជា​នៅ​ក្នុង​អាគារ​របស់​ក្រុម​អ្នក​កាន់​អំណាច៕

XS
SM
MD
LG