ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ផលិតករ​ភាពយន្ត​ខ្មែរអាមេរិកាំង​តាំង​ចិត្ត​បង្ហាញ​អត្តសញ្ញាណ​ជនអន្តោប្រវេសន៍


ទាញ​យក​ពី​តំណភ្ជាប់​ដើម

អ្នកស្រី Caylee So ផលិតករ​ភាពយន្ត​វ័យ ៤១ឆ្នាំ បាន​មក​ដល់​សហរដ្ឋ​អាមេរិក​នៅ​ពេល​អ្នកស្រី​ជា​កុមារភៀស​ខ្លួន​។ បន្ទាប់​ពី​បញ្ចប់​ការសិក្សា​ថ្នាក់​វិទ្យាល័យ អ្នកស្រី​បាន​ចំណាយ​ពេល ៨​ឆ្នាំ នៅ​ក្នុង​កង​ទ័ព​សហរដ្ឋ​អាមេរិក ហើយ​ត្រូវ​បាន​គេ​ដាក់​ឲ្យ​តាំង​ជើង​ពីរ​ដង​នៅ​ប្រទេស​អ៊ីរ៉ាក់។ នៅ​ក្នុង​តំបន់​សង្រ្គាម​នោះ អ្នកស្រី Caylee So បាន​រក​ឃើញ​ចំណង់​ចំណូល​ចិត្ត​ក្នុង​ការនិទាន​រឿង​តាមរយៈ​ភាពយន្ត​ បន្ទាប់​ពី​អ្នកស្រី​ត្រូវ​បាន​បំផុស​គំនិត​ដោយ​ខ្សែភាពយន្ត​មួយ។ ហើយ​ក្រោយ​មក អ្នកស្រី​បាន​ត្រឡប់​ទៅ​សិក្សា​ផ្នែក​ផលិត​ភាពយន្ត​នៅ​ក្នុង​រដ្ឋ California សហរដ្ឋអាមេរិក។ សំឡេង​ពិសេស​ស្តី​អំពី​អត្តសញ្ញាណជន​អន្តោប្រវេសន៍​ បាន​ដឹកនាំ​អាជីព​ជា​ផលិតករ​ភាពយន្ត​របស់​អ្នកស្រី Caylee So។ អ្នកស្រី Caylee So ធ្លាប់​បាន​ដឹកនាំ​ផលិតភាពយន្ត​​ជា​ប្រាំ​ភាសា និង​បាន​ដឹកនាំ​ផលិត​ភាពយន្ត​ខ្មែរ​អាមេរិកាំង​ដែល​ទទួល​បាន​ការ​សរសើរ​ចំនួន​ពីរ។ ឥឡូវនេះ អ្នកស្រី​ Caylee So កំពុង​ដឹកនាំភាពយន្ត​ថ្មី​អំពី​សាច់​រឿង​​​គ្រួសារ​អន្តោប្រវេសន៍មួយ​ចំណង​ជើង​ថា «The Harvest» ដែល​​ និពន្ធនិង​សម្តែង​ដោយ​តារា​ភាពយន្ត​ជនជាតិ​ម៉ុងអាមេរិកាំងលោក Doua Moua។ ភាពយន្ត​អំពី​​ជន​អន្តោ​ប្រវេសន៍​ជនជាតិ​ម៉ុង​ថ្មី​នេះ ត្រូវ​បាន​រំពឹង​ថា​នឹង​ចាក់​បញ្ចាំងជា​លើក​ដំបូង​​នៅ​ឆ្នាំ២០២៣។

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG