សមាជិកសភាអាមេរិកចេញដីកាកោះហៅអតីតប្រធានាធិបតីលោក Donald Trump
ក្រុមសមាជិកសភាសហរដ្ឋអាមេរិកដែលស៊ើបអង្កេតលើព្រឹត្តិការណ៍ថ្ងៃទី៦ ខែមករា ឆ្នាំ២០២១ ដែលមានការវាយប្រហារលើវិមានរដ្ឋសភារបស់សហរដ្ឋអាមេរិក បានបោះឆ្នោតកាលពីថ្ងៃព្រហស្បតិ៍ ដើម្បីកោះហៅអតីតប្រធានាធិបតី លោក Donald Trump ដោយបង្ខំលោកតាមផ្លូវច្បាប់ឱ្យឡើងធ្វើសក្ខីកម្មអំពីតួនាទីរបស់លោក ក្នុងការប៉ុនប៉ងច្រានចោលលទ្ធផលនៃការបោះឆ្នោតឆ្នាំ២០២០។ អ្នកស្រី Katherine Gypson អ្នកឆ្លើយឆ្លងព័ត៌មានរបស់ VOA ប្រចាំរដ្ឋសភាសហរដ្ឋអាមេរិករាយការណ៍អំពីសវនាការនេះ។ អ្នកនាង ស្រេង លក្ខិណា ជូនសេចក្តីប្រែសម្រួល៕
