នៅ​សប្ដាហ៍​នេះ គណបក្ស​សាធារណរដ្ឋ​សង្ឃឹម​ថា​នឹង​អាច​ត្រួស​ត្រាយ​ផ្លូវ​សម្រាប់​ការ​ឈ្នះ​តំណែង​​ប្រធានាធិបតី​ជា​ថ្មី​ម្ដង​ទៀតរបស់​លោក Donald Trump ដូច​ឆ្នាំ ២០១៦ តាមរយៈ​ការពង្រឹង​ភាពស្មោះត្រង់​ក្នុង​បក្ស និង​ទាក់ទាញ​អ្នក​បោះឆ្នោត​ដែល​មិន​ទាន់​សម្រេច​ចិត្ត​ថា​គួរ​គាំទ្រ​គណបក្ស​ណា​មួយ។ ការស្ទង់​មតិ​សាធារណៈ​បង្ហាញ​លោក Trump ស្ថិត​នៅ​ពី​ក្រោយ​បេក្ខជន​ប្រធានាធិបតី​ខាង​គណបក្ស​ប្រជាធិបតេយ្យ លោក Joe Biden។ នៅក្នុង​សន្និបាត​ថ្នាក់​ជាតិ​របស់​គណបក្ស​សាធារណរដ្ឋ​នៅទីក្រុង​Charlotte រដ្ឋ Carolina អ្នកស្រី Carolyn Presutti នៃ VOA បាន​និយាយ​ជាមួយ​អ្នក​បោះឆ្នោត​ជា​ច្រើន​នាក់​ដែល​ថា​ពួកគេ​មិន​បាន​គាំទ្រ​លោក Trump ទេ​កាល​ពី​ឆ្នាំ ២០១៦ ប៉ុន្តែ​ងាក​មក​គាំទ្រ​លោក Trump វិញ​នៅ​ក្នុង​ឆ្នាំ​នេះ។ លោក សឿន វឌ្ឍនា ជូន​សេចក្ដី​ប្រែ​សម្រួល៕