បទសម្ភាសន៍ VOA៖ ជោគជ័យរបស់ក្រុមបាតុករប្រជាធិបតេយ្យអាចជាមេរៀនសម្រាប់កម្ពុជា
ក្រុមបាតុករយុវជនប្រជាធិបតេយ្យហុងកុង បានធ្វើការតវ៉ាតាមដងផ្លូវជាងបីខែមកហើយ។ មូលហេតុនៃការតវ៉ា គឺដើម្បីប្រឆាំងទៅនឹងសេចក្តីព្រាងច្បាប់ស្តីពីបត្យាប័នដែលអនុញ្ញាតឲ្យបញ្ជូនអ្នកទោសទៅឲ្យប្រទេសចិន។ បន្ទាប់ពីការតវ៉ាយ៉ាងស្វិតស្វាញនិងជួនកាលប្រកបដោយហឹង្សាផង អាជ្ញាធរស្វយ័តទីក្រុងហុងបានសុខចិត្តបោះបង់ចោលសេចក្តីព្រាងច្បាប់ដ៏ចម្រូងចម្រាស់នេះ។ ទោះជាទទួលបានជោគជ័យក្នុងការតវ៉ានេះ ប៉ុន្តែក្រុមបាតុករនៅតែបន្តការតវ៉ានៅឡើយដោយបន្ថែមការទាមទារលើចំណុចផ្សេងទៀតដូចជាការទាមទារឲ្យដោះលែងពួកគេដែលត្រូវអាជ្ញាធរចាប់ខ្លួន។ លោកគង់ សុឋានរិទ្ធ នៃ VOA បានសម្ភាសន៍តាមទួរស័ព្ទជាមួយលោកឯម សុវណ្ណារ៉ា សាស្ត្រាចារ្យផ្នែកវិទ្យាសាស្ត្រនយោបាយក្នុងទីក្រុងភ្នំពេញ ដើម្បីពិនិត្យមើលឡើងវិញពីជ័យជំនះរបស់ក្រុមបាតុករប្រជាធិបតេយ្យហុងកុង និងមេរៀនមួយសម្រាប់ប្រទេសកម្ពុជា៕
