ជនអន្តោប្រវេសន៍ Hispanic ធ្វើដំណើរទៅមកក្រុងជនបទមួយនៃរដ្ឋPennsylvania
ការបង្កើនការពង្រឹងច្បាប់របស់រដ្ឋបាលលោក Trump ប្រឆាំងនឹងជនអន្តោប្រវេសន៍ខុសច្បាប់ កំពុងជះឥទ្ធិពលដល់សហគមន៍ជាតិសាសន៍ Hispanic ធំៗជាច្រើននៅទូទាំងសហរដ្ឋអាមេរិក ដែលក្នុងនោះមានទាំងក្រុងជនបទតូចមួយនៅភាគអាគ្នេយ៍រដ្ឋ Pennsylvania ផងដែរ។ ក្រុងជនបទដ៏តូចមួយនេះគឺជាប្រភពនៃកម្លាំងពលកម្មសម្រាប់កសិដ្ឋាន និងចម្ការផ្លែឈើនៅតំបន់ជុំវិញក្រុងនេះ។ ក្រុងដែលមានឈ្មោះថា York Springs នេះ បានវិវត្តន៍ពីសហគមន៍បុរាណដែលមានតែជនជាតិស្បែកសរស់នៅកាលពីប៉ុន្មានទសវត្សរ៍កន្លងទៅនេះ ទៅជាសហគមន៍មួយដែលស្ទើរតែពាក់កណ្ដាលនៃប្រជាពលរដ្ឋសរុបចំនួន ៨ រយនាក់នៅក្នុងក្រុងនេះ ជាជាតិសាសន៍ Hispanic ដែលភាគច្រើននៃអ្នកទាំងនេះមកពីប្រទេសម៉ិកស៊ិក។ លោក Bill Rodgers នៃ VOA រាយការណ៍អំពីរឿងនេះពីក្រុង York Springs រដ្ឋ Pennsylvania។ លោក ភី សុភាដា ជូនសេចក្ដីប្រែសម្រួល៕
