សកម្មជនគណបក្សនយោបាយនៅអាមេរិក ចង់ឲ្យសហគមន៍ជនអន្តោប្រវេសន៍អាហ្វ្រិក ចូលពាក់ព័ន្ធក្នុងការបោះឆ្នោត
លោក Sylvester Okere ដែលជាពលរដ្ឋអាមេរិកាំងដើមកំណើតនីហ្សេរីយ៉ា ធ្លាប់ជាប្រតិភូពិសេសសម្រាប់រដ្ឋ Maryland នៅក្នុងមហាសន្និបាតជាតិនៃគណបក្សប្រជាធិបតេយ្យកាលពីឆ្នាំ២០១២។ នៅពេលដែលការបោះឆ្នោតប្រធានាធិបតីនៅឆ្នាំនោះ កំពុងមានភាពក្តៅគគុកលោក Okere បានអំពាវនាវដល់សហគមន៍ជនអន្តោប្រវេសន៍អាហ្វ្រិក ឱ្យចូលពាក់ព័ន្ធក្នុងការបោះឆ្នោតនេះតាមរយៈការស្វែងយល់ឲ្យស្គាល់ពួកបេក្ខជន ចូលរួមក្នុងការប្រជុំប្រមូលផ្តុំ និងនិយាយជាមួយមនុស្សផ្សេងៗទៀតអំពីពួកបេក្ខជនរបស់ពួកគេ។ អ្នកស្រី Mariama Diallo បានជួបជាមួយអ្នកជំនួញនិងសកម្មជននយោបាយរូបនេះ ហើយសរសេរសេចក្តីរាយការណ៍នេះ ហើយលោក ឈឹម សុមេធ ជូនសេចក្តីប្រែសម្រួល៕
