កម្មវិធីវិទ្យុ
ព័ត៌មានពេលព្រឹក
ព័ត៌មានអំពីកម្ពុជាមានដូចជា ការបង្ក្រាបអ្នកតវ៉ាបន្ថែមទៀតវាស់វែងឥទ្ធិពលរបស់សហភាពអឺរ៉ុបនៅកម្ពុជា។ ព័ត៌មានអន្តរជាតិវិញមានដូចជា ការប្រែប្រួលអាកាសធាតុក្លាយជាប្រធានបទមួយនៅក្នុងយុទ្ធនាការបោះឆ្នោតនៅសហរដ្ឋអាមេរិក។ ក្រុមហ៊ុន TikTok នៅអាមេរិក ត្រូវគេរាយការណ៍ថាអាចមានម្ចាស់ថ្មីគឺក្រុមហ៊ុន Oracle។ ប្រធានាធិបតីបេឡារុសធ្វើដំណើរទៅរុស្ស៊ី ខណៈមានបាតុកម្មបន្តប្រឆាំងរដ្ឋាភិបាលលោក។ សម្ព័ន្ធមិត្តលោកNavalny ឈ្នះអាសនៈមូលដ្ឋានខ្លះ ខណៈបក្សកាន់អំណាចរុស្ស៊ីប្រកាសជ័យជម្នះ។ ក្តីសង្ឃឹមចំពោះវ៉ាក់សាំងកូវីដ១៩ ជំរុញកំណើនទីផ្សារភាគហ៊ុនពិភពលោកនៅដើមសប្តាហ៍។ អនុប្រធានប៉ូលិសស្រុកស្បែកសម្នាក់នៅអាមេរិកត្រូវបណ្តេញពីការងារ ក្រោយបានវាយបុរសស្បែកខ្មៅ៕
ព័ត៌មានពេលរាត្រី
ព័ត៌មានអំពីកម្ពុជាមានដូចជា ឧបការីអាមេរិកអំពាវនាវឲ្យដោះលែងជាបន្ទាន់សកម្មជនដែលត្រូវចាប់ខ្លួននៅកម្ពុជា។ ការស្រាវជ្រាវមួយរកឃើញថា ប្រាក់ឈ្នួលកម្មករទូទៅថយចុះខ្លាំងដោយសារវិបត្តិជំងឺកូវីដ១៩។ ទីភ្នាក់ងារអង្គការសហប្រជាជាតិថ្កោលទោសការគាបសង្កត់កាន់តែខ្លាំងឡើងលើអ្នកការពារសិទ្ធិមនុស្សនៅកម្ពុជា។ ព័ត៌មានអន្តរជាតិវិញមានដូចជា មេបញ្ជាការអាមេរិកព្រមានថា ចិននឹងបង្កើនអាវុធនុយក្លេអ៊ែររបស់ខ្លួន។ ការស្ទង់មតិថ្មីមួយបង្ហាញថា ពលរដ្ឋអាមេរិកភាគច្រើនគាំទ្រកិច្ចព្រមព្រៀងរបស់លោក Trump ជាមួយក្រុមតាលីបង់ដើម្បីបញ្ចប់សង្គ្រាមអាហ្វហ្គានីស្ថាន។ ក្រសួងការបរទេសអាមេរិកបន្ធូរបន្ថយសេចក្ដីណែនាំអំពីការធ្វើដំណើរទៅប្រទេសចិនសម្រាប់ពលរដ្ឋអាមេរិក។ សហរដ្ឋអាមេរិកសរសើរតួនាទីរបស់ប៉ាគីស្ថានក្នុងការជុំវិញដំណើរសន្តិភាពនៅអាហ្វហ្គានីស្ថាន។ លោក Trump និងលោក Biden មានទស្សនៈផ្ទុយគ្នាអំពីវិធីដោះស្រាយភ្លើងឆេះព្រៃ។ សហរដ្ឋអាមេរិកអំពាវនាវជាថ្មីដល់បណ្តាប្រទេសនៅតំបន់ឈូងសមុទ្រពែកឲ្យដោះស្រាយបញ្ហាបែកបាក់គ្នា។ វេណេហ្ស៊ុយអេឡាចោទប្រកាន់ពលរដ្ឋអាមេរិកាំងម្នាក់ពីបទភេរវកម្ម។ ឯកអគ្គរដ្ឋទូតសហរដ្ឋអាមេរិកប្រចាំនៅប្រទេសចិននឹងចុះចេញពីតំណែងនៅខែក្រោយ និងព័ត៌មានសំខាន់ៗមួយចំនួនទៀត៕
