កម្មវិធីវិទ្យុ
ព័ត៌មានពេលព្រឹក៖ ១១ មីនា ២០២១
ព័ត៌មានអំពីកម្ពុជាមានដូចជា បទសម្ភាសន៍ VOA ស្ដីអំពី លោក សម រង្ស៊ី ជឿថា ប្រធានាធិបតីសហរដ្ឋអាមេរិក លោក Joe Biden អឺរ៉ុប និងអង្គការសហប្រជាជាតិនឹងជួយដោះស្រាយនយោបាយកម្ពុជា។ លោក ហ៊ុន សែន អនុញ្ញាតឲ្យសាសនិកឥស្លាមអាចបញ្ចុះសពបាន បើមានករណីស្លាប់ដោយសារជំងឺកូវីដ១៩។ រីឯព័ត៌មានអន្តរជាតិវិញមានដូចជា រដ្ឋមន្រ្តីការបរទេសនិងការពារជាតិអាមេរិកនឹងធ្វើទស្សនកិច្ចទៅជប៉ុននិងកូរ៉េខាងត្បូងនៅសប្តាហ៍ក្រោយ។ ស្រីលង្កាអញ្ជើញរដ្ឋមន្រ្តីការបរទេសនៃរដ្ឋាភិបាលយោធាមីយ៉ាន់ម៉ាឲ្យចូលរួមកិច្ចប្រជុំថ្នាក់តំបន់។ រដ្ឋាភិបាលយោធាមីយ៉ាន់ម៉ាចំណាយ ២ លានដុល្លារជួលអ្នកបញ្ចុះបញ្ចូលឲ្យពន្យល់អន្តរជាតិអំពីការធ្វើរដ្ឋប្រហារ។ ចក្រភពអង់គ្លេសច្រានចោលការអះអាងរបស់សហភាពអឺរ៉ុបដែលថាខ្លួនរាំងខ្ទប់ការនាំចេញវ៉ាក់សាំងកូវីដ១៩។ ចិនថា ខ្លួននឹងជ្រើសរើសអ្នកតាក់តែងច្បាប់សម្រាប់ទីក្រុងហុងកុង៕
ព័ត៌មានពេលរាត្រី៖ ១១ មីនា ២០២១
ព័ត៌មានសំខាន់ៗអំពីកម្ពុជាមានដូចជា ព្រឹទ្ធសភាការពារច្បាប់ស្តីពីវិធានការប្រឆាំងកូវីដ១៩ ខណៈអនុម័តដោយ«ឥតកែប្រែ»។ ចំនួនអ្នកចាក់វ៉ាក់សាំងកើនជាង២០ម៉ឺននាក់ ខណៈករណីឆ្លងកូវីដបន្តកើនឡើងគួរឲ្យព្រួយបារម្ភ។ ក្រសួងសុខាភិបាលថា អ្នកជំងឺកូវីដម្នាក់ស្លាប់ ខណៈស្ថានភាពមនុស្សមួយចំនួនទៀតមិនសូវល្អ។ នៅក្នុងកម្មវិធី Hello VOA ស្តីអំពីការប្រឆាំងអំពើពុករលួយ មានការពិភាក្សាអំពី «ផលប៉ះពាល់នៃការយកលុយក្រៅផ្លូវការទៅលើសុខភាពសាធារណៈក្នុងគ្រាកូវីដ១៩។ រីឯព័ត៌មានអន្តរជាតិវិញមានដូចជា សហរដ្ឋអាមេរិកនឹងផ្តល់ជំនួយអន្តរជាតិដែលមានប្រាក់ ១១ពាន់លានដុល្លារ នៅក្នុងសេចក្តីព្រាងច្បាប់សង្គ្រោះពីកូវីដដែលរដ្ឋសភាទើបអនុម័ត។ យោធាមីយ៉ាន់ម៉ាចោទអ្នកស្រី Aung San Suu Kyi ពីការទទួលសំណូក ខណៈយោធាត្រូវរងការចោទថាប្រើយុទ្ធសាស្ត្រសង្គ្រាមប្រឆាំងបាតុករ។ ជប៉ុនប្រារព្ធខួបលើកទី១០នៃគ្រោះរញ្ជួយដី រលកយក្សស៊ូណាមីនិងនុយក្លែអ៊ែដ៏ប្រល័យ។ សមាជិកសភាចិនគាំទ្រការរឹតបន្តឹងការគ្រប់គ្រងលើទីក្រុងហុងកុង។ មន្ត្រីកំពូលអាមេរិកនិងចិននឹងជួបគ្នានៅសប្ដាហ៍ក្រោយក្នុងរដ្ឋ Alaska។ ការប្រគល់ពានរង្វាន់ប្រចាំឆ្នាំដល់ស្ត្រីក្លាហាន។ រយៈពេលមួយឆ្នាំ សហរដ្ឋអាមេរិកព្យាយាមទប់ស្កាត់ជំងឺរាតត្បាត និងព័ត៌មានផ្សេងៗទៀត៕
