យោងតាមរបាយការណ៍នោះ វៀតណាមបានសាងសង់លើផ្ទៃដីសរុបចំនួន ២៨០ ហិកតានៅទូទាំង ទីតាំងចំនួន ១០ ដែលខ្លួនគ្រប់គ្រងនៅក្នុងប្រជុំកោះក្នុងឆមាសទីមួយនៃឆ្នាំ ២០២៤ ធៀបនឹងផ្ទៃដីសរុបចំនួន ៣០១ ហិកតា ក្នុងរយៈពេល ១១ ខែដំបូងនៃឆ្នាំ ២០២៣ និងផ្ទៃដីសរុបនៃឆ្នាំ ២០២២។
កាសែត The Washington Post របស់អាមេរិក បានរាយការណ៍កាលពីដើមខែឧសភាថា ប្រទេសចិនគ្រោងនឹងបញ្ជូនរោងចក្រថាមពលនុយក្លេអ៊ែរអណ្តែត២០ទៅកាន់បណ្តាកោះដែលខ្លួនទាមទារថាជារបស់ផងខ្លួននៅក្នុងសមុទ្រចិនខាងត្បូង។
ពួកគេបាននិយាយថា វៀតណាមទំនងជាមិនអាចងាកចេញពីគោលនយោបាយការបរទេសមួយដែលមានតុល្យភាពបែបប្រយ័ត្នប្រយែងនោះទេ ដែលក្នុងនោះរួមមានទាំងទំនាក់ទំនងកាន់តែរឹងមាំជាមួយសហរដ្ឋអាមេរិកនិងជប៉ុន ដែលបានធ្វើឡើងកាលពីពេលថ្មីៗនេះផងដែរ។
ទំនាស់ផលប្រយោជន៍ ដែលរដ្ឋាភិបាលក្រុងហាណូយកំពុងប្រឈមមុខ គឺត្រូវគិតគូរដល់ទំនាក់ទំនងដ៏ជូរចត់ជាប្រវត្តិសាស្ត្រជាមួយនឹងចិន ទំនាក់ទំនងទ្វេភាគីជាមួយនឹងដៃគូដែលមានចិត្តគំនិតស្រដៀងគ្នាជាមួយនឹងរុស្ស៊ី និងទំនាក់ទំនងកាន់តែកក់ក្តៅជាមួយសហរដ្ឋអាមេរិក។
