រដ្ឋបាលលោកប្រធានាធិបតីដូណាល់ត្រាំបានហាមឃាត់ក្រុមហ៊ុនចិនចំនួន៦៦ពីការលក់ម៉ាស់មុខឲ្យបុគ្គលិកសុខាភិបាលនៅក្នុងសហរដ្ឋងាមេរិកដោយសារអ្នកជំនាញអះអាងថាម៉ាស់របស់ក្រុមហ៊ុនទាំង៦៦នេះមិនមានគុណភាព។
ម៉ាស់ប្រភេទ N95 តែងមានតម្រូវការខ្លាំងពីវេជ្ជបណ្ឌិត គិលានុប្បដ្ឋាកនិងមន្ទីរពេទ្យនានាដោយសារវាមានប្រសិទ្ធភាពជាងម៉ាស់សម្រាប់វះកាត់ឬក្រណាត់រុំមុខ។ ម៉ាស់នេះមានឈ្មោះថា N95 ដោយសារវាអាចចម្រោះជាតិមេរោគក្នុងខ្យល់ដូចជាវីរុសកូរ៉ូណាបានរហូតដល់៩៥%។
រដ្ឋបាលអាហារនិងឱសថសហរដ្ឋអាមេរិក FDA ថ្លែងកាលពីថ្ងៃព្រសហ្បតិ៍ថា ម៉ាស់ប្រភេទ K95 ដែលផលិតនៅប្រទេសចិន អាចចម្រោះមេរោគក្នុងខ្យល់បានត្រឹម២៤% ប៉ុណ្ណោះ ដោយមានម៉ាសដែលនាំចូលមកខ្លះចម្រោះបានត្រឹម១%។
រដ្ឋបាល FDA ថាការហាមឃាត់ចុងក្រោយនេះ ធ្វើឲ្យចំនួននៃក្រុមហ៊ុនចិនដែលអាចផ្តល់ម៉ាស់មុខដល់បុគ្គលិកសុខាភិបាលអាមេរិកបានថយចុះពី៨០មកត្រឹម១៤ក្រុមហ៊ុន។
និយតករសហរដ្ឋអាមេរិកចាប់ផ្តើមទិញម៉ាស់ប្រភេទ N95 ពីប្រទេសចិនកាលពីខែមេសោដោយសារកង្វះម៉ាស់មុខនៅអាមេរិក។
កាលពីថ្ងៃព្រហស្បតិ៍ផងដែរ រដ្ឋបាល FDA និយាយថាខ្លួនបានព្រមានដល់ក្រុមហ៊ុនចំនួន៤២ ដែលអះអាងថាលក់ថ្នាំព្យាបាលនិងឧបករណ៍ធ្វើតេស្តជំងឺកូវីដ១៩ ដែលទំនងក្លែងក្លាយ៕