ភ្នំពេញ —
ប្រធានគណបក្សសង្គ្រោះជាតិគឺលោកសម រង្ស៊ី បានអំពាវនាវនៅថ្ងៃសៅរ៍ឲ្យមានជំនួបកំពូលរវាងគណបក្សជំទាស់ជាមួយនឹងគណបក្សប្រជាជនកម្ពុជា។
សំណើនេះធ្វើឡើងដំណាលគ្នានឹងលោកនាយករដ្ឋមន្ត្រីហ៊ុន សែន បានវិលត្រឡប់មកកាន់ប្រទេសកម្ពុជាវិញក្រោយពីបានបំពេញទស្សនកិច្ចផ្លូវការរយៈពេលបីថ្ងៃនៅប្រទេសវៀតណាម។
លោកសម រង្ស៊ី បានថ្លែងក្នុងសន្និសីទសារព័ត៌មាននៅក្នុងទីក្រុងភ្នំពេញថាទិដ្ឋភាពកាន់តែមានការរីករាលដាលហើយការជួបប្រជុំរវាងគណបក្សជាប់ឆ្នោតទាំងពីរគឺដើម្បីស្វែងរកដំណោះស្រាយបញ្ហាទាំងនេះ។
«បំណងនៃសន្និសីទកាសែតរបស់យើងនៅថ្ងៃនេះគឺមានសំណើចង់ឲ្យមានការជួបចរចាគ្នាជាទ្រង់ទ្រាយធំមួយ។ មានអ្នកចូលរួមទាំងគណបក្សនយោបាយទាំងសង្គមស៊ីវិលផងនៅសប្តាហ៍ក្រោយគឺឆ្នាំក្រោយនេះដើម្បីជួបជជែកគ្នាក្នុងស្មារតីស្ថាបនាវិជ្ជមាន នាំមកនូវស្ថានការណ៍ថ្មីមួយ សេចក្តីសង្ឃឹមសម្រាប់ប្រជារាស្ដ្រខ្មែរ»។
នេះគឺជាការស្វែងរកការចចារជាលើកដំបូងរបស់ប្រមុខដឹកនាំគណបក្សជំទាស់ក្រោយពីបានដឹកនាំបាតុកម្មទ្រង់ទ្រាយធំនៅក្នុងប្រទេសអស់រយៈពេលពីរសប្តាហ៍ជាប់គ្នាមក នេះ។
លោកស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផៃ្ទនិងជាប្រធានក្រុមចរចាខាងគណបក្សប្រជាជនកម្ពុជាមានប្រសាសន៍ថាគណបក្សរបស់លោកនៅតែប្រកាន់ជំហរចរចា។
«គណបក្សប្រជាជនប្រកាន់ជំហរយូរហើយតើ។គណបក្សសង្គ្រោះជាតិទេចេះតែ ផ្លាស់ ប្តូរ។ ដូច្នេះគណបក្សប្រជាជននៅតែរក្សាជំហរដដែលហើយក្រុម(ចរចា)មានស្រាប់ហើយ»។
លោកស ខេង បញ្ជាក់យ៉ាងដូច្នេះទៅកាន់ក្រុមអ្នកយកព័ត៌មាននៅអាកាសយានដ្ឋានអន្តរជាតិក្រុងភ្នំពេញក្នុងឱកាសការនិវត្តន៍ពីដំណើរទស្សនកិច្ចរបស់លោកនាយករដ្ឋមន្ត្រីហ៊ុន សែន នៅប្រទេសវៀតណាម។
លោកកៅ គឹមហួន រដ្ឋមន្ត្រីប្រតិភូអមនាយករដ្ឋមន្រ្តីបានថ្លែងថាក្នុងឱកាសទស្សនកិច្ចនោះក៏មានការពិភាក្សាអំពីស្ថានការណ៍នយោបាយនៅប្រទេសកម្ពុជាផងដែរ។ប៉ុន្តែលោកមិនបានលម្អិតព័ត៌មាននោះទេ។
គណបក្សសង្គ្រោះជាតិនិងគណបក្សប្រជាជនកម្ពុជាដែលជាគណបក្សជាប់ឆ្នោតបានចរចាគ្នាជាច្រើនលើកក្រោយពីមិនចុះសម្រុងគ្នាលើលទ្ធផលបោះឆ្នោតក៏ប៉ុន្តែការចរចានោះមិនបានជោគជ័យនោះទេ។
គណបក្សជំទាស់បានបរិហារពីការកេងបន្លំសន្លឹកឆ្នោតហើយបានទាមទារឲ្យមានការ បោះឆ្នោតឡើងវិញប៉ុន្តែគណបក្សកាន់អំណាចបញ្ជាក់ថាមិនអាចធ្វើទៅបាននោះទេ។
ដោយសារការមិនត្រូវរ៉ូវគ្នានេះគណបក្សសង្គ្រោះជាតិបានដឹកនាំបាតុកម្មជាបន្តបន្ទាប់ដើម្បីដាក់សម្ពាធលើការចរចា។
នៅថ្ងៃសៅរ៍នេះមនុស្សច្រើនម៉ឺននាក់បន្តចូលរួមបាតុកម្មរបស់គណបក្សសង្គ្រោះជាតិ។ គណបក្សសង្គ្រោះជាតិដែលបន្តទាមទារឲ្យមានការបោះឆ្នោតឡើងវិញនិងទាមទារឲ្យលោកនាយករដ្ឋមន្ត្រីហ៊ុន សែន ចុះពីអំណាច។
ដោយឡែកនៅថ្ងៃនេះដែរកម្មកររោងចក្ររាប់ម៉ឺននាក់ក៏នៅតែបន្តធ្វើបាតុកម្មទាមទារការដំឡើងប្រាក់ខែឲ្យដល់១៦០ដុល្លារអាមេរិកក្នុងមួយខែដែរ។ការធ្វើបាតុកម្មប្រព្រឹត្តទៅនៅតាមកន្លែងដោយដោយឡែកៗពីគ្នា៕
សំណើនេះធ្វើឡើងដំណាលគ្នានឹងលោកនាយករដ្ឋមន្ត្រីហ៊ុន សែន បានវិលត្រឡប់មកកាន់ប្រទេសកម្ពុជាវិញក្រោយពីបានបំពេញទស្សនកិច្ចផ្លូវការរយៈពេលបីថ្ងៃនៅប្រទេសវៀតណាម។
លោកសម រង្ស៊ី បានថ្លែងក្នុងសន្និសីទសារព័ត៌មាននៅក្នុងទីក្រុងភ្នំពេញថាទិដ្ឋភាពកាន់តែមានការរីករាលដាលហើយការជួបប្រជុំរវាងគណបក្សជាប់ឆ្នោតទាំងពីរគឺដើម្បីស្វែងរកដំណោះស្រាយបញ្ហាទាំងនេះ។
«បំណងនៃសន្និសីទកាសែតរបស់យើងនៅថ្ងៃនេះគឺមានសំណើចង់ឲ្យមានការជួបចរចាគ្នាជាទ្រង់ទ្រាយធំមួយ។ មានអ្នកចូលរួមទាំងគណបក្សនយោបាយទាំងសង្គមស៊ីវិលផងនៅសប្តាហ៍ក្រោយគឺឆ្នាំក្រោយនេះដើម្បីជួបជជែកគ្នាក្នុងស្មារតីស្ថាបនាវិជ្ជមាន នាំមកនូវស្ថានការណ៍ថ្មីមួយ សេចក្តីសង្ឃឹមសម្រាប់ប្រជារាស្ដ្រខ្មែរ»។
នេះគឺជាការស្វែងរកការចចារជាលើកដំបូងរបស់ប្រមុខដឹកនាំគណបក្សជំទាស់ក្រោយពីបានដឹកនាំបាតុកម្មទ្រង់ទ្រាយធំនៅក្នុងប្រទេសអស់រយៈពេលពីរសប្តាហ៍ជាប់គ្នាមក នេះ។
លោកស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផៃ្ទនិងជាប្រធានក្រុមចរចាខាងគណបក្សប្រជាជនកម្ពុជាមានប្រសាសន៍ថាគណបក្សរបស់លោកនៅតែប្រកាន់ជំហរចរចា។
«គណបក្សប្រជាជនប្រកាន់ជំហរយូរហើយតើ។គណបក្សសង្គ្រោះជាតិទេចេះតែ ផ្លាស់ ប្តូរ។ ដូច្នេះគណបក្សប្រជាជននៅតែរក្សាជំហរដដែលហើយក្រុម(ចរចា)មានស្រាប់ហើយ»។
លោកស ខេង បញ្ជាក់យ៉ាងដូច្នេះទៅកាន់ក្រុមអ្នកយកព័ត៌មាននៅអាកាសយានដ្ឋានអន្តរជាតិក្រុងភ្នំពេញក្នុងឱកាសការនិវត្តន៍ពីដំណើរទស្សនកិច្ចរបស់លោកនាយករដ្ឋមន្ត្រីហ៊ុន សែន នៅប្រទេសវៀតណាម។
លោកកៅ គឹមហួន រដ្ឋមន្ត្រីប្រតិភូអមនាយករដ្ឋមន្រ្តីបានថ្លែងថាក្នុងឱកាសទស្សនកិច្ចនោះក៏មានការពិភាក្សាអំពីស្ថានការណ៍នយោបាយនៅប្រទេសកម្ពុជាផងដែរ។ប៉ុន្តែលោកមិនបានលម្អិតព័ត៌មាននោះទេ។
គណបក្សសង្គ្រោះជាតិនិងគណបក្សប្រជាជនកម្ពុជាដែលជាគណបក្សជាប់ឆ្នោតបានចរចាគ្នាជាច្រើនលើកក្រោយពីមិនចុះសម្រុងគ្នាលើលទ្ធផលបោះឆ្នោតក៏ប៉ុន្តែការចរចានោះមិនបានជោគជ័យនោះទេ។
គណបក្សជំទាស់បានបរិហារពីការកេងបន្លំសន្លឹកឆ្នោតហើយបានទាមទារឲ្យមានការ បោះឆ្នោតឡើងវិញប៉ុន្តែគណបក្សកាន់អំណាចបញ្ជាក់ថាមិនអាចធ្វើទៅបាននោះទេ។
ដោយសារការមិនត្រូវរ៉ូវគ្នានេះគណបក្សសង្គ្រោះជាតិបានដឹកនាំបាតុកម្មជាបន្តបន្ទាប់ដើម្បីដាក់សម្ពាធលើការចរចា។
នៅថ្ងៃសៅរ៍នេះមនុស្សច្រើនម៉ឺននាក់បន្តចូលរួមបាតុកម្មរបស់គណបក្សសង្គ្រោះជាតិ។ គណបក្សសង្គ្រោះជាតិដែលបន្តទាមទារឲ្យមានការបោះឆ្នោតឡើងវិញនិងទាមទារឲ្យលោកនាយករដ្ឋមន្ត្រីហ៊ុន សែន ចុះពីអំណាច។
ដោយឡែកនៅថ្ងៃនេះដែរកម្មកររោងចក្ររាប់ម៉ឺននាក់ក៏នៅតែបន្តធ្វើបាតុកម្មទាមទារការដំឡើងប្រាក់ខែឲ្យដល់១៦០ដុល្លារអាមេរិកក្នុងមួយខែដែរ។ការធ្វើបាតុកម្មប្រព្រឹត្តទៅនៅតាមកន្លែងដោយដោយឡែកៗពីគ្នា៕