Your browser doesn’t support HTML5
សិទ្ធិពលរដ្ឋនិងការបោះឆ្នោត៖ ឥទ្ធិពលនៃទិវា៧មករាចំពោះអ្នកបោះឆ្នោតវ័យក្មេង វ៉ាស៊ីនតោន៖ គណបក្សនយោបាយក្នុងប្រទេសកម្ពុជានៅប្រទាញប្រទង់គ្នាក្នុងការបកស្រាយកេងយកចំណេញនយោបាយរៀងៗខ្លួនអំពីបញ្ហាថ្ងៃប្រាំពីរមករា និង បញ្ហាជនអន្តោរប្រវេសន៍វៀតណាម។ តែអ្នកវិភាគបានចាត់ទុកថាបញ្ហានេះមិនមែនជាឥទ្ធិពលនិងជាចំណុចទាក់ទាញសម្រាប់យុវជននិងអ្នកជំនាន់ក្រោយទៀតទេ។ នេះជាការអះអាងរបស់លោក អ៊ូ វីរៈ នាយកមជ្ឈមណ្ឌលសិទ្ធិមនុស្សកម្ពុជា ដែលថ្លែងក្នុងកម្មវិធីហេឡូវីអូអេកាលពីថ្ងៃព្រហស្បតិ៍។
លោកអ៊ូ វីរៈ ថ្លែងថា ចំពោះក្មេងៗនឹងមិនចងចាំទេ ព្រោះពួកគាត់មិនទាន់កើត ហើយបើគាត់កើតក៏អត់ចាំដែរ។ ហើយអ្នករស់នៅភាគច្រើនអត់បានរស់នៅទាន់ របបខ្មែរក្រហមផ្ទាល់ទេ។ លោកថ្លែងថា យុវជនអាចដូរជោគវាសនាប្រទេស ជាតិបានបើសិនជាគាត់ចូលរួមក្នុងការបោះឆ្នោតនៅខែកក្កដាខាងមុខនេះ។
ថ្ងៃ«៧មករា» និង បញ្ហាអន្តោរប្រវេសន៍វៀតណាមដែលកំពុងរស់ក្នុងទឹកដីកម្ពុជាស្ថិតនៅជាប្រធានបទឃោសនាបោះឆ្នោតជារៀងរាល់អាណតិ្តរវាងគណបក្សប្រជាជនកម្ពុជារបស់លោកនាយករដ្ឋមន្ត្រី ហ៊ុន សែន ដែលទទួលផលប្រយោជន៍ពីថ្ងៃ ៧ មករា ឆ្នាំ១៩៧៩ និងគណបក្សជំទាស់ដែលរិះគន់ថ្ងៃ ៧មករាថាជាថ្ងៃឈ្លានពានរបស់កងទ័ពវៀតណាម ហើយនឹងការបន្សល់ទុក ជនអន្តោរប្រវេសន៍ជាច្រើននោះ៕
តើអ្នកគិតថាយុវជនវ័យក្មេងកម្ពុជាយល់យ៉ាងណាដែរចំពោះថ្ងៃ«៧មករា»?