រដ្ឋមន្រ្តីការបរទេសសហរដ្ឋអាមេរិកលោក Mike Pompeo មានគម្រោងជួបជាមួយប្រធានាធិបតីរុស្ស៊ីលោក Vladimir Putin និងរដ្ឋមន្រ្តីការបរទេសរុស្ស៊ី Sergey Lavrov នៅសប្តាហ៍ក្រោយ នៅពេលដែលប្រទេសទាំង២ ប៉ះទង្គិចគ្នាលើបញ្ហាមួយចំនួន រួមមានបញ្ហាប្រទេសវ៉េណេស៊ុយអេឡា អ៊ីរ៉ង់ និងការជ្រៀតជ្រែករបស់រុស្ស៊ីក្នុងការបោះឆ្នោតប្រធានាធិបតីសហរដ្ឋអាមេរិកនៅឆ្នាំ ២០១៦។
លោករដ្ឋមន្រ្តីការបរទេសអាមេរិក Pompeo នឹងចាកចេញដំណើរទៅកាន់ទីក្រុងម៉ូស្គូនៅថ្ងៃទី១២ ខែឧសភានេះ ក្នុងដំណើរទស្សនកិច្ចលើកទី១ របស់លោកទៅកាន់ប្រ ទេសរុស្ស៊ីជាប្រមុខការទូតសហរដ្ឋអាមេរិក។
មន្រ្តីកំពូលៗរបស់អាមេរិក រួមទាំងលោក Pompeo និងលោក Mike Pence អនុប្រធានាធិបតី បានចោទប្រកាន់រុស្ស៊ីពីការប្រឆាំងលោក Juan Guaido មេដឹកនាំជាប់ឆ្នោតតាមបែបប្រជាធិបតេយ្ យនិងជាមេដឹកនាំគណបក្សប្រឆាំង នៅក្នុងការប៉ុនប៉ងរបស់លោកដើម្បីបណ្តេញប្រធានាធិបតីមានជម្លោះលោក Nicolas Maduro ចេញពីដំណែង។
សហរដ្ឋអាមេរិក ចោទប្រកាន់រុស្ស៊ីពីការស្វះស្វែងរកការឈរជើងនៅក្នុងតំបន់អភិវឌ្ឍ គោលខាងលិចតាមរយៈប្រទេសវ៉េណេស៊ុយអេឡា។
មន្រ្តីជាន់ខ្ពស់ម្នាក់របស់ក្រសួងការបរទេសសហរដ្ឋអាមេរិក បានប្រាប់អ្នកយកព័ត៌ មានកាលពីថ្ងៃសុក្រថា «យើងមានការព្រួយកង្វល់អំពីសកម្មភាពរបស់រុស្ស៊ីក្នុងប្រ ទេសវ៉េណេស៊ុយអេឡា ហើយយើងគិតថា ការគាំទ្រប្រធានាធិបតីម៉ាឌុយរ៉ូ គឺជាការភ្នាល់ចាញ់។ ដូច្នេះ ការគាំទ្ររបស់យើងដល់ប្រជាពលរដ្ឋវ៉េណេស៊ុយអេឡា ត្រូវតែបន្ត ហើយបញ្ហានេះនឹងក្លាយជាប្រធានបទមួយសម្រាប់ពិភាក្សា»៕