នាយករដ្ឋមន្ត្រីអ៊ីស្រាអែលលោក បេនចាមីនណេតាន់យ៉ាហ៊ូ (Benjamin Netanyahu) នៅថ្ងៃអាទិត្យនេះបានព្រមានក្រុមអ្នកស្រុកជនជាតិប៉ាឡេស្ទីនដែលកំពុងរស់នៅក្នុងតំបន់ហ្គាហ្សាឲ្យជម្លៀសចេញជាបណ្ដោះអាសន្នសិន ពីតំបន់ដែលមានវត្តមានក្រុមសកម្មប្រយុទ្ធហាម៉ាស់។ លោកបញ្ជាក់ថាកងទ័ពរបស់អ៊ីស្រាអែលអាចនឹងធ្វើយុទ្ធនាការយោធារបស់ខ្លួនក្នុងពេលខាងមុខ។
ការលើកឡើងរបស់លោក បេនចាមីន ណេតាន់យ៉ាហ៊ូ ធ្វើឡើងមួយថ្ងៃក្រោយពេលដែលកងទ័ពអ៊ីស្រាអែលបានវាយប្រហារយោធាលើអាគារមួយក្នុងតំបន់ហ្គាហ្សា។
លោកថ្លែងដូច្នេះថា៖« ក្រុមប្រជាពលរដ្ឋត្រូវតែចាកចេញជាបន្ទាន់ ពីកន្លែងដែលក្រុមហាម៉ាស់ធ្វើសកម្មភាព។យើងអាចនឹងធ្វើការវាយប្រហារក្នុងពេលឆាប់ៗ»៕