សមយុទ្ធសង្គ្រាមក្នុងសមុទ្រចិនខាងត្បូង ដែលមានជម្លោះក្នុងរយៈពេល២ខែកន្លងមកនេះ បានបង្ហាញពី ការ រីកកាន់តែធំឡើងរយៈពេលយូរនៃសកម្មភាពរបស់ជប៉ុនក្នុងតំបន់ដែលរដ្ឋាភិបាលក្រុងតូក្យូមានផលប្រយោជន៍ខាងយុទ្ធសាស្រ្ត ដែលរួមមានការទប់ទល់សកម្មភាពរបស់រដ្ឋាភិបាលក្រុងប៉េកាំង។
កាលពីខែកញ្ញា នាវាមុជទឹក នាវាផ្ទុកឧទ្ធម្ភាគចក្រ និងនាវាពិឃាតុ២គ្រឿងរបស់ជប៉ុនបានបើកក្នុងសមុទ្រមានជម្លោះ ដែលរដ្ឋាភិបាល៦ផ្សេងទៀតបានទាមទារជាមួយចិនដែលមានកម្លាំងយោធាខ្លាំងជាងគេបំផុត។ សមយុទ្ធនេះមានរយៈពេល២ខែ ដែលត្រូវបានគេហៅថា ការដាក់ពង្រាយកម្លាំងនៅតំបន់ឥណ្ឌូ អាស៊ីអាគ្នេយ៍ឆ្នាំ២០១៨ ដែលបានធ្វើឡើងដើម្បីបង្ហាញសមត្ថភាពនាវារបស់ដៃគូយើង។ នេះតាមការបញ្ជាក់របស់កងកម្លាំងការពារនាវាជប៉ុននៅក្នុងវេបសាយរបស់ខ្លួន។
បន្ទាប់មក កាលពីថ្ងៃចន្ទ លោកនាយករដ្ឋមន្រ្តីជប៉ុន Shinzo Abe បានសន្យាធ្វើការជាមួយប្រទេសវៀតណាមស្តីពីសន្តិសុខក្នុងសមុទ្រចិនខាងត្បូង។ កាលពី២ថ្ងៃមុន កងកម្លាំងរបស់លោកបានធ្វើសមយុទ្ធវាយសង្គ្រប់ឆ្នេរសមុទ្រជាមួយសមភាគីផ្សេងទៀតនៅក្នុងប្រទេសហ្វីលីពីន។
ប្រទេសជប៉ុនមិនបានទាមទារសមុទ្រចិនខាងត្បូង ដែលមានទំហំ៣លាន៥សែនគីឡូម៉ែត្រការេ ដែលលាតសន្ធឹងពីទីក្រុងហុងកុងទៅកោះ Borneo ដូចប្រទេសវៀតណាម និងហ្វីលីពីនទេ។ ក៏ប៉ុន្តែ ជប៉ុនចង់រក្សាផ្លូវនាវាចរណ៍នោះឲ្យបើកចំហ ខណៈដែលមិនមាននិយាយស្តីពីត្រួតត្រាកំពុងកើនឡើងរបស់ប្រទេសចិនដែលរួមមានការបង្កើតកោះសិប្បនិមិត្តសម្រាប់ហេដ្ឋារចនាសម្ព័ន្ធខាងយោធា។ រដ្ឋាភិបាលក្រុងតូក្យូ ដែលជាសម្ព័ន្ធមិត្តរបស់សហរដ្ឋអាមេរិកក៏បានប្រកួតប្រជែងជាមួយរដ្ឋាភិបាលក្រុងប៉េកាំងនៅក្នុងជម្លោះដាច់ដោយឡែកនៅសមុទ្រចិនខាងកើតផងដែរ៕