ភ្នំពេញ —
ក្រុមប្រជាពលរដ្ឋរងគ្រោះពីការបណ្តេញចេញដោយបង្ខំក្នុងរាជធានីភ្នំពេញ នៅព្រឹកថ្ងៃព្រហស្បតិ៍នេះបានដាក់សម្ពាធបន្ថែមទៀតឱ្យអាជ្ញាធរក្រុងរកដំណោះស្រាយសម្រាប់អ្នកភូមិបុរីកីឡាដើម្បីឱ្យពួកគេទទួលបានជម្រកនៅហ្នឹងកន្លែង។
ក្រុមប្រជាពលរដ្ឋមកពីសហគមន៍បុរីកីឡាដែលគាំទ្រដោយសហគមន៍ផ្សេងៗទៀតដូចជាសហគមន៍បឹងកក់និងថ្មគោលសរុបប្រហែល១០០នាក់បាននាំគ្នាដើរដង្ហែរញត្តិពីសហគមន៍ខ្លួនទៅកាន់សាលាក្រុងភ្នំពេញ។ ញត្តិនោះទាមទារឱ្យក្រុមហ៊ុន ផាន អ៊ីមិច របស់អ្នកស្រី ស៊ុយ សុផាន គោរពតាមកិច្ចសន្យារបស់ខ្លួនជាមួយក្រុមប្រជាពលរដ្ឋ ដោយសន្យាសាងសង់សំណង់១០អគារសម្រាប់ពលរដ្ឋនៅទីនោះជាថ្នូរនឹងការទទួលបានសិទ្ធិអភិវឌ្ឍន៍នៅតំបន់បុរីកីឡានេះ។ ប៉ុន្តែក្រុមហ៊ុននេះបានសាងសង់តែ៨អគារប៉ុណ្ណោះ ដែលធ្វើឱ្យពលរដ្ឋជាង៦០គ្រួសារពុំមានលំនៅដ្ឋាន។
លោក ពេជ្រ លឹមឃុន តំណាងប្រជាពលរដ្ឋរងគ្រោះនៅសហគមន៍បុរីកីឡា បានដាក់កំហិតរយៈពេល១សប្តាហ៍ដើម្បីឱ្យអាជ្ញាធរក្រុងភ្នំពេញឆ្លើយតបនឹងសំណូមពររបស់ពួកគេ។
«ថ្ងៃនេះគោលបំណងរបស់អ្នកភូមិបុរីកីឡាគឺដើម្បីឱ្យសាលារាជធានីភ្នំពេញដោះស្រាយជាបន្ទាន់។ ប៉ុន្តែលើកនេះខ្ញុំសូមបញ្ជាក់ហើយបញ្ជាក់ទៀត គឺខ្ញុំទុកពេលឱ្យគាត់១អាទិត្យទេ ផាត់ថ្ងៃសៅរ៍និងថ្ងៃអាទិត្យទៅសល់៥ថ្ងៃ ត្រូវតែមានដំណោះស្រាយឱ្យពួកខ្ញុំ។ បើមិនឃើញទេ ខ្ញុំនឹងមកដាក់ចង្រ្កាន ដាក់ឆ្នាំងនៅកន្លែងនេះ ព្រោះកន្លែងនេះស្អាតជានៅបុរីកីឡា»។
ក្រុមប្រជាពលរដ្ឋនៃសហគមន៍ក្រីក្រទាំងនេះរួមមានទាំងមនុស្សចាស់និងកុមារតូចៗត្រូវបានរារាំងដោយកងកម្លាំងប្រដាប់អាវុធនៅជាច្រើនកន្លែង។
មុននឹងពួកគេទៅដល់សាលារាជធានីភ្នំពេញ នៅទីនោះ ពួកគេបានបិទផ្លូវព្រះមុនី្នវង្សមួយរយៈពេលខ្លី ដោយសារមិនទទួលបានដំណោះស្រាយ ប៉ុន្តែក្រោយមកពួកគេត្រូវបានកងរាជអាវុធហត្ថប្រដាប់ដោយខែលនិងដំបងប្រហែល១០០នាក់បានរុញច្រានពួកគេឱ្យចេញពីផ្លូវនេះ ប៉ុន្តែការបង្ក្រាបនេះមិនបានបណ្តាលឱ្យមានរបួសធ្ងន់ធ្ងរទេ។
បន្ទាប់មក ក្រុមបាតុករនៅតែបន្តស្រែកទាមទារនៅខាងមុខសាលាក្រុង រហូតទាល់តែលោក ឃួន ស្រេង អភិបាលរងក្រុងភ្នំពេញចេញមកទទួលញត្តិពីបាតុករ ប៉ុន្តែលោកមិនបានធ្វើអត្ថាធិប្បាយណាមួយទេ ដោយគ្រាន់តែថ្លែងថាលោកគ្រាន់តែត្រូវបានចាត់តាំងមកទទួលញត្តិតែប៉ុណ្ណោះ។
លោកប៉ា សុជាតិវង្ស អភិបាលក្រុងភ្នំពេញថ្មី បានសន្យារកដំណោះស្រាយជូនពលរដ្ឋរងគ្រោះដែលនៅសេសសល់ទាំងនោះឱ្យបានមុនថ្ងៃបោះឆ្នោត ប៉ុន្តែមកទល់ពេលនេះគេពុំទាន់ឃើញមានចំណាត់ការជាវិជ្ជមានណាមួយនៅឡើយទេ។
កាលពីសប្តាហ៍មុន គឺនៅចំថ្ងៃទិវាសិទ្ធិលំនៅដ្ឋានពិភពលោក ក្រុមសហគមន៍ដែលត្រូវបានបណ្តេញចេញដោយបង្ខំបានដាក់ញត្តិមួយរួចមកហើយនៅសាលារាជធានីភ្នំពេញដើម្បីរំឭកឱ្យមានដំណោះស្រាយដល់ពួកគេ។ លោក កើត ឆែ នាយករដ្ឋបាលសាលាក្រុងភ្នំពេញ បានសន្យាថានឹងផ្តល់ចម្លើយដល់ពួកគេក្នុងរយៈពេលមួយសប្តាហ៍ តែរហូតមកទល់ពេលនេះ ក្រុមប្រជាពលរដ្ឋអះអាងថាមិនទាន់បានទទួលចម្លើយតបនៅឡើយទេ។
លោក អំ សំអាត ប្រធានផ្នែកបច្ចេកទេសស៊ើបអង្កេតរបស់អង្គការសិទ្ធិមនុស្ស លីកាដូ ដែលបានចុះទៅអង្កេតការណ៍ផ្ទាល់ ស្នើឱ្យរដ្ឋាភិបាលពន្លឿនចំណាត់ការលើជម្លោះដីធ្លីដ៏រ៉ាំរ៉ៃនេះ។
«អ្នកបុរីកីឡាឥឡូវនេះកាន់តែវេទនាទៅដោយសារតែខែភ្លៀង គាត់រស់នៅក្រោមតង់រហែក គំនរសំរាម អញ្ចឹងធ្វើឱ្យប៉ះពាល់ដល់សុខភាពគាត់កាន់តែធ្ងន់ធ្ងរទៅ ទើបពួកគាត់សម្រេចចិត្តមកដាក់ញត្តិឱ្យលោកអភិបាលក្រុង។ ការដែលបិទផ្លូវនេះពួកគាត់និយាយថាពួកគាត់អត់ចង់ទេ ប៉ុន្តែពួកគាត់មិនដឹងធ្វើម៉េចដើម្បីទាញចំណាប់អារម្មណ៍លោកអភិបាលក្រុងក៏ដូចជារដ្ឋាភិបាលឱ្យជួយដោះស្រាយបញ្ហាពួកគាត់។ យើងសង្ឃឹមថារដ្ឋាភិបាលអាណត្តិថ្មីនឹងដោះស្រាយបញ្ហាដីធ្លីជូនប្រជាពលរដ្ឋ»។
លោក ឡុង ឌីម៉ង់ អ្នកនាំពាក្យសាលាក្រុងភ្នំពេញស្នើមិនធ្វើអត្ថាធិប្បាយទេ ដោយសារលោកមិនទាន់ទទួលបានព័ត៌មានគ្រប់ជ្រុងជ្រោយដោយរង់ចាំពិភាក្សាជាមួយថ្នាក់លើរបស់លោកសិន៕
ក្រុមប្រជាពលរដ្ឋមកពីសហគមន៍បុរីកីឡាដែលគាំទ្រដោយសហគមន៍ផ្សេងៗទៀតដូចជាសហគមន៍បឹងកក់និងថ្មគោលសរុបប្រហែល១០០នាក់បាននាំគ្នាដើរដង្ហែរញត្តិពីសហគមន៍ខ្លួនទៅកាន់សាលាក្រុងភ្នំពេញ។ ញត្តិនោះទាមទារឱ្យក្រុមហ៊ុន ផាន អ៊ីមិច របស់អ្នកស្រី ស៊ុយ សុផាន គោរពតាមកិច្ចសន្យារបស់ខ្លួនជាមួយក្រុមប្រជាពលរដ្ឋ ដោយសន្យាសាងសង់សំណង់១០អគារសម្រាប់ពលរដ្ឋនៅទីនោះជាថ្នូរនឹងការទទួលបានសិទ្ធិអភិវឌ្ឍន៍នៅតំបន់បុរីកីឡានេះ។ ប៉ុន្តែក្រុមហ៊ុននេះបានសាងសង់តែ៨អគារប៉ុណ្ណោះ ដែលធ្វើឱ្យពលរដ្ឋជាង៦០គ្រួសារពុំមានលំនៅដ្ឋាន។
លោក ពេជ្រ លឹមឃុន តំណាងប្រជាពលរដ្ឋរងគ្រោះនៅសហគមន៍បុរីកីឡា បានដាក់កំហិតរយៈពេល១សប្តាហ៍ដើម្បីឱ្យអាជ្ញាធរក្រុងភ្នំពេញឆ្លើយតបនឹងសំណូមពររបស់ពួកគេ។
«ថ្ងៃនេះគោលបំណងរបស់អ្នកភូមិបុរីកីឡាគឺដើម្បីឱ្យសាលារាជធានីភ្នំពេញដោះស្រាយជាបន្ទាន់។ ប៉ុន្តែលើកនេះខ្ញុំសូមបញ្ជាក់ហើយបញ្ជាក់ទៀត គឺខ្ញុំទុកពេលឱ្យគាត់១អាទិត្យទេ ផាត់ថ្ងៃសៅរ៍និងថ្ងៃអាទិត្យទៅសល់៥ថ្ងៃ ត្រូវតែមានដំណោះស្រាយឱ្យពួកខ្ញុំ។ បើមិនឃើញទេ ខ្ញុំនឹងមកដាក់ចង្រ្កាន ដាក់ឆ្នាំងនៅកន្លែងនេះ ព្រោះកន្លែងនេះស្អាតជានៅបុរីកីឡា»។
ក្រុមប្រជាពលរដ្ឋនៃសហគមន៍ក្រីក្រទាំងនេះរួមមានទាំងមនុស្សចាស់និងកុមារតូចៗត្រូវបានរារាំងដោយកងកម្លាំងប្រដាប់អាវុធនៅជាច្រើនកន្លែង។
មុននឹងពួកគេទៅដល់សាលារាជធានីភ្នំពេញ នៅទីនោះ ពួកគេបានបិទផ្លូវព្រះមុនី្នវង្សមួយរយៈពេលខ្លី ដោយសារមិនទទួលបានដំណោះស្រាយ ប៉ុន្តែក្រោយមកពួកគេត្រូវបានកងរាជអាវុធហត្ថប្រដាប់ដោយខែលនិងដំបងប្រហែល១០០នាក់បានរុញច្រានពួកគេឱ្យចេញពីផ្លូវនេះ ប៉ុន្តែការបង្ក្រាបនេះមិនបានបណ្តាលឱ្យមានរបួសធ្ងន់ធ្ងរទេ។
បន្ទាប់មក ក្រុមបាតុករនៅតែបន្តស្រែកទាមទារនៅខាងមុខសាលាក្រុង រហូតទាល់តែលោក ឃួន ស្រេង អភិបាលរងក្រុងភ្នំពេញចេញមកទទួលញត្តិពីបាតុករ ប៉ុន្តែលោកមិនបានធ្វើអត្ថាធិប្បាយណាមួយទេ ដោយគ្រាន់តែថ្លែងថាលោកគ្រាន់តែត្រូវបានចាត់តាំងមកទទួលញត្តិតែប៉ុណ្ណោះ។
លោកប៉ា សុជាតិវង្ស អភិបាលក្រុងភ្នំពេញថ្មី បានសន្យារកដំណោះស្រាយជូនពលរដ្ឋរងគ្រោះដែលនៅសេសសល់ទាំងនោះឱ្យបានមុនថ្ងៃបោះឆ្នោត ប៉ុន្តែមកទល់ពេលនេះគេពុំទាន់ឃើញមានចំណាត់ការជាវិជ្ជមានណាមួយនៅឡើយទេ។
កាលពីសប្តាហ៍មុន គឺនៅចំថ្ងៃទិវាសិទ្ធិលំនៅដ្ឋានពិភពលោក ក្រុមសហគមន៍ដែលត្រូវបានបណ្តេញចេញដោយបង្ខំបានដាក់ញត្តិមួយរួចមកហើយនៅសាលារាជធានីភ្នំពេញដើម្បីរំឭកឱ្យមានដំណោះស្រាយដល់ពួកគេ។ លោក កើត ឆែ នាយករដ្ឋបាលសាលាក្រុងភ្នំពេញ បានសន្យាថានឹងផ្តល់ចម្លើយដល់ពួកគេក្នុងរយៈពេលមួយសប្តាហ៍ តែរហូតមកទល់ពេលនេះ ក្រុមប្រជាពលរដ្ឋអះអាងថាមិនទាន់បានទទួលចម្លើយតបនៅឡើយទេ។
លោក អំ សំអាត ប្រធានផ្នែកបច្ចេកទេសស៊ើបអង្កេតរបស់អង្គការសិទ្ធិមនុស្ស លីកាដូ ដែលបានចុះទៅអង្កេតការណ៍ផ្ទាល់ ស្នើឱ្យរដ្ឋាភិបាលពន្លឿនចំណាត់ការលើជម្លោះដីធ្លីដ៏រ៉ាំរ៉ៃនេះ។
«អ្នកបុរីកីឡាឥឡូវនេះកាន់តែវេទនាទៅដោយសារតែខែភ្លៀង គាត់រស់នៅក្រោមតង់រហែក គំនរសំរាម អញ្ចឹងធ្វើឱ្យប៉ះពាល់ដល់សុខភាពគាត់កាន់តែធ្ងន់ធ្ងរទៅ ទើបពួកគាត់សម្រេចចិត្តមកដាក់ញត្តិឱ្យលោកអភិបាលក្រុង។ ការដែលបិទផ្លូវនេះពួកគាត់និយាយថាពួកគាត់អត់ចង់ទេ ប៉ុន្តែពួកគាត់មិនដឹងធ្វើម៉េចដើម្បីទាញចំណាប់អារម្មណ៍លោកអភិបាលក្រុងក៏ដូចជារដ្ឋាភិបាលឱ្យជួយដោះស្រាយបញ្ហាពួកគាត់។ យើងសង្ឃឹមថារដ្ឋាភិបាលអាណត្តិថ្មីនឹងដោះស្រាយបញ្ហាដីធ្លីជូនប្រជាពលរដ្ឋ»។
លោក ឡុង ឌីម៉ង់ អ្នកនាំពាក្យសាលាក្រុងភ្នំពេញស្នើមិនធ្វើអត្ថាធិប្បាយទេ ដោយសារលោកមិនទាន់ទទួលបានព័ត៌មានគ្រប់ជ្រុងជ្រោយដោយរង់ចាំពិភាក្សាជាមួយថ្នាក់លើរបស់លោកសិន៕