បទឈប់បាញ់គ្នាជាបណ្តោះអាសន្នរវាងអ៊ីស្រាអែលនិងក្រុមហាម៉ាស់របស់បាឡេស្ទីនហាក់ដូចជាបរាជ័យតែប៉ុន្មានម៉ោងបន្ទាប់ពីបានចាប់ផ្តើមនៅថ្ងៃសុក្រនេះ។ ការបរាជ័យនេះកើតឡើងនៅពេលដែលកងរថក្រោះរបស់អ៊ីស្រាអែលបានបាញ់គ្រាប់ផ្លោងដាក់តំបន់កាហ្សាភាគខាងត្បូង ហើយក្រុមជីវពលបាឡេស្ទីនបានវាយប្រហារគ្រាប់រ៉ុកកែតដាក់អ៊ីស្រាអែលវិញ។
ក្រុមមន្ត្រីក្នុងតំបន់កាហ្សាបាននិយាយថា យ៉ាងហោចណាស់មានពលរដ្ឋប៉ាឡេស្ទីន៣០នាក់ស្លាប់ក្នុងការវាយប្រហារដ៏សាហាវចុងក្រោយនោះ ក្នុងទីក្រុងរ៉ាហ្វា (Rafah) ក្រោយពេលតែពីរម៉ោងដែលកិច្ចឈប់បាញ់គ្នាចូលជាធរមាន។ មានសំឡេងស៊ីរ៉ែនរោទ៍នៅភាគខាងត្បូងអ៊ីស្រាអែលក្នុងក្រុងការឹម ស្សាឡំ (Karem Shalom) ដែលគេសន្មតថា ជាលទ្ធផលនៃការវាយប្រហារគ្រាប់ រ៉ុកកែតរបស់កងជីវពលហាម៉ាស់របស់ប៉ាឡេស្ទីន។
ការិយាល័យលោក នាយករដ្ឋមន្ត្រីអ៊ីស្រាអែល បេនយ៉ាមីន នេតាន់យ៉ាហ៊ូ (Benjamin Netanyahu) បានចេញសេចក្តីថ្លែងការណ៍ស្តីបន្ទោសកងជីវពលហាម៉ាស់ពីការរំលោភលើបទឈប់បាញ់គ្នារយៈពេលបីថ្ងៃនោះ។
ព័ត៌មានចុងក្រោយពីយោធាអ៊ីស្រាអែលឲ្យដឹងថា មានទាហានខ្លួនមួយរូបឈ្មោះ Hadar Goldin អាយុ២៣ឆ្នាំត្រូវគេចាប់ខ្លួននៅក្រុង Rafah៕
ទាហានអ៊ីស្រាអែលនៅជិតតំបន់ហ្គាហ្សា