ភ្នំពេញ —
នគរបាលជាតិបានអះអាងនៅថ្ងៃពុធនេះថា ជនសង្ស័យក្នុងការបាញ់ប្រហារលើកម្មករគឺលោកឈូក បណ្ឌិតកំពុងសំងំលាក់ខ្លួនក្នុងប្រទេសជិតខាងកម្ពុជាក៏ប៉ុន្តែលោកមិនបានបញ្ជាក់ថានៅប្រទេសណាមួយពិតប្រាកដទេ។
លោក ឈូក បណ្ឌិត អតីតអភិបាលក្រុងបាវិតត្រូវបានសាលាឧទ្ធរណ៍កាលពីថ្ងៃច័ន្ទសប្តាហ៍មុនបានសម្រេចតម្កល់សាលដីការបស់សាលាដំបូងខេត្តស្វាយរៀងដោយសម្រេចផ្តន្ទាទោសឱ្យជាប់ពន្ធនាគាររយៈពេល១ឆ្នាំ៦ខែពីបទបង្ករបួសស្នាមដោយអចេតនា។
សាលាឧទ្ធរណ៍ក៏បានសម្រេចពិន័យជាប្រាក់សរុប៣៨លានរៀល គឺប្រមាណជិតមួយម៉ឺនដុល្លារជាសំណងទៅឱ្យជនរងគ្រោះដែលជាកម្មការិនីចំនួនបីរូប។ ការសម្រេចនេះបានធ្វើឡើងដូចសាលក្រមរបស់តុលាការខេត្តស្វាយរៀងកាលពីថ្ងៃទី២៥ ខែមិថុនា។
តុលាការក៏បានចេញដីកាបង្គាប់ឱ្យតាមចាប់លោក ឈូក បណ្ឌិត ដែលកំពុងរត់គេចខ្លួនយកមកផ្តន្ទាទោសតាមច្បាប់ក្រោយពីបានបាញ់កម្មករបីនាក់ឱ្យរងរបួស។
លោក គៀត ច័ន្ទថារិទ្ធ អ្នកនាំពាក្យនៃអគ្គស្នងការនគរបាលជាតិបានបញ្ជាក់ថា សំណុំរឿងនេះអាជ្ញាធរមិនបានបញ្ចប់ការស៊ើបអង្កេតរបស់ខ្លួនទេ។ លោកបានអះអាងថា លោក ឈូក បណ្ឌិត អាចនឹងត្រូវចាប់ខ្លួនបានក្នុងពេលឆាប់ៗដ៏ខ្លីខាងមុខនេះ។
លោកនិយាយថា៖ «គ្រាន់តែចង់បញ្ជាក់ថាលទ្ធផលនៃការស៊ើបអង្កេតវាមានដំណើរការទៅមុខហើយយើងសង្ឃឹមថាមិនយូរមិនឆាប់ទេ»។
កាលពីពេលមុនសមត្ថកិច្ចបានអះអាងថាលោកឈូក បណ្ឌិតមិនអាចចេញទៅក្រៅប្រទេសបានទេ។ ក៏ប៉ុន្តែនៅពេលនេះបានបញ្ជាក់ថាជនជាប់ចោទកំពុងសំងំលាក់ខ្លួននៅឯប្រទេសជិតខាងកម្ពុជា។
ជនជាប់ចោទ ឈូក បណ្ឌិត ជាញឹកញាប់នៅមុនពេលចាប់ខ្លួនលោកធ្លាប់ចេញចូលប្រទេសវៀតណាមដោយសារតែលោកជាអតីតអភិបាលក្រុងបាវិតដែលមានព្រំប្រទល់ជាប់នឹងប្រទេសវៀតណាម តែលោក គៀត ច័ន្ទថារិទ្ធ មិនបានបញ្ជាក់ថាកំពុងលាក់ខ្លួនក្នុងប្រទេសណាទេ។
លោក ចាន់ សូវ៉េត អនុប្រធានផ្នែកស៊ើបអង្កេតរបស់សមាគមសិទ្ធិមនុស្សអាដហុកបានបញ្ជាក់ថាវិសាលភាពច្បាប់ដើម្បីចាប់ខ្លួនអ្នកមានអំណាចក្នុងជួររដ្ឋាភិបាលហាក់បីដូចជានៅមានកម្រិតទាបនៅឡើយ។
លោកបាននិយាយចំអកថា អាជ្ញាធរគ្មានឆន្ទៈក្នុងការចាប់ខ្លួនទេ ដរាបណាគ្មានបញ្ជាដោយផ្ទាល់ពីលោកនាយករដ្ឋមន្ត្រី ហ៊ុន សែន។ ដូចជាករណីលោកហេង ពៅ អតីតស្នងការប៉ូលិសក្រុងភ្នំពេញដែលរត់គេចខ្លួននៅឯបរទេសតែទីបំផុតនៅតែចាប់ខ្លួនបានយកមកផ្តន្ទាទោសតាមច្បាប់។
លោកនិយាយថា៖ «សម្តេចនាយករដ្ឋមន្ត្រីហាក់បីដូចជាអត់បានបញ្ចេញមហិទ្ធឫទ្ធិនេះតទៅទៀត។មានន័យថាវាហាក់បីដូចជាទំនាក់ទំនងអញ្ចឹងលោកអត់ទាន់បានប្រតិកម្មថាតើត្រូវចាប់ជនហ្នឹងត្រឡប់មកវិញឱ្យខាងតែបានដើម្បីមកអនុវត្តច្បាប់គេហៅថាលើកតម្លៃកិត្តិយសច្បាប់ជាតិឱ្យវាល្អឡើងវិញគឺមិនទាន់ឃើញមានចំណុចនេះទេ»។
លោក ជិន លីដា មេធាវីការពារក្តីជនរងគ្រោះបានឱ្យដឹងថាកូនក្តីរបស់លោកនៅតែមានការព្រួយបារម្មណ៍ពីសុវត្ថិភាពរបស់ខ្លួននៅឡើយនៅពេលជនជាប់ចោទឈូកបណ្ឌិតមិនទាន់ត្រូវបានចាប់ខ្លួនដោយសារតែមានទំនាក់ទំនងជាមួយអ្នកមានអំណាច។
លោកបានជំរុញឱ្យអាជ្ញាធរគួរតែពន្លឿនការចាប់ខ្លួនមកផ្តន្ទាទោសពីព្រោះថាដីកាបង្គាប់ឱ្យចាប់ខ្លួនបានចេញដោយសាលាដំបូងខេត្តស្វាយរៀងតាំងពីខែមិថុនាមកម្ល៉េះ។
លោកនិយាយថា៖ «ជនរងគ្រោះផ្ទាល់មានតែស្នើសុំឱ្យសមត្ថកិច្ចសហការជាមួយខាងស្ថាប័នតុលាការក្នុងការអនុវត្តទៅតាមដីកាឱ្យបានល្អដើម្បីឱ្យពង្រឹងអំណាចតុលាការ ការអនុវត្តច្បាប់ក៏ដូចជានីតិរដ្ឋនៅប្រទេសយើង»។
មកទល់ពេលនេះមានរយៈពេលជិតពីរឆ្នាំហើយលោក ឈូក បណ្ឌិតអតីតអភិបាលក្រុងបាវិតនៅតែមិនទាន់ចាប់ខ្លួនមកផ្តន្ទាទោសបាននៅឡើយក្រោយពីលោកបានបាញ់កម្មការិនីបីនាក់ឈ្មោះ កែវ នា នុត សាខន និង ប៊ុនចិន្តា ឱ្យរងរបួសកាលពីថ្ងៃទី២០ខែកុម្ភៈឆ្នាំ២០១២៕
លោក ឈូក បណ្ឌិត អតីតអភិបាលក្រុងបាវិតត្រូវបានសាលាឧទ្ធរណ៍កាលពីថ្ងៃច័ន្ទសប្តាហ៍មុនបានសម្រេចតម្កល់សាលដីការបស់សាលាដំបូងខេត្តស្វាយរៀងដោយសម្រេចផ្តន្ទាទោសឱ្យជាប់ពន្ធនាគាររយៈពេល១ឆ្នាំ៦ខែពីបទបង្ករបួសស្នាមដោយអចេតនា។
សាលាឧទ្ធរណ៍ក៏បានសម្រេចពិន័យជាប្រាក់សរុប៣៨លានរៀល គឺប្រមាណជិតមួយម៉ឺនដុល្លារជាសំណងទៅឱ្យជនរងគ្រោះដែលជាកម្មការិនីចំនួនបីរូប។ ការសម្រេចនេះបានធ្វើឡើងដូចសាលក្រមរបស់តុលាការខេត្តស្វាយរៀងកាលពីថ្ងៃទី២៥ ខែមិថុនា។
តុលាការក៏បានចេញដីកាបង្គាប់ឱ្យតាមចាប់លោក ឈូក បណ្ឌិត ដែលកំពុងរត់គេចខ្លួនយកមកផ្តន្ទាទោសតាមច្បាប់ក្រោយពីបានបាញ់កម្មករបីនាក់ឱ្យរងរបួស។
លោក គៀត ច័ន្ទថារិទ្ធ អ្នកនាំពាក្យនៃអគ្គស្នងការនគរបាលជាតិបានបញ្ជាក់ថា សំណុំរឿងនេះអាជ្ញាធរមិនបានបញ្ចប់ការស៊ើបអង្កេតរបស់ខ្លួនទេ។ លោកបានអះអាងថា លោក ឈូក បណ្ឌិត អាចនឹងត្រូវចាប់ខ្លួនបានក្នុងពេលឆាប់ៗដ៏ខ្លីខាងមុខនេះ។
លោកនិយាយថា៖ «គ្រាន់តែចង់បញ្ជាក់ថាលទ្ធផលនៃការស៊ើបអង្កេតវាមានដំណើរការទៅមុខហើយយើងសង្ឃឹមថាមិនយូរមិនឆាប់ទេ»។
កាលពីពេលមុនសមត្ថកិច្ចបានអះអាងថាលោកឈូក បណ្ឌិតមិនអាចចេញទៅក្រៅប្រទេសបានទេ។ ក៏ប៉ុន្តែនៅពេលនេះបានបញ្ជាក់ថាជនជាប់ចោទកំពុងសំងំលាក់ខ្លួននៅឯប្រទេសជិតខាងកម្ពុជា។
ជនជាប់ចោទ ឈូក បណ្ឌិត ជាញឹកញាប់នៅមុនពេលចាប់ខ្លួនលោកធ្លាប់ចេញចូលប្រទេសវៀតណាមដោយសារតែលោកជាអតីតអភិបាលក្រុងបាវិតដែលមានព្រំប្រទល់ជាប់នឹងប្រទេសវៀតណាម តែលោក គៀត ច័ន្ទថារិទ្ធ មិនបានបញ្ជាក់ថាកំពុងលាក់ខ្លួនក្នុងប្រទេសណាទេ។
លោក ចាន់ សូវ៉េត អនុប្រធានផ្នែកស៊ើបអង្កេតរបស់សមាគមសិទ្ធិមនុស្សអាដហុកបានបញ្ជាក់ថាវិសាលភាពច្បាប់ដើម្បីចាប់ខ្លួនអ្នកមានអំណាចក្នុងជួររដ្ឋាភិបាលហាក់បីដូចជានៅមានកម្រិតទាបនៅឡើយ។
លោកបាននិយាយចំអកថា អាជ្ញាធរគ្មានឆន្ទៈក្នុងការចាប់ខ្លួនទេ ដរាបណាគ្មានបញ្ជាដោយផ្ទាល់ពីលោកនាយករដ្ឋមន្ត្រី ហ៊ុន សែន។ ដូចជាករណីលោកហេង ពៅ អតីតស្នងការប៉ូលិសក្រុងភ្នំពេញដែលរត់គេចខ្លួននៅឯបរទេសតែទីបំផុតនៅតែចាប់ខ្លួនបានយកមកផ្តន្ទាទោសតាមច្បាប់។
លោកនិយាយថា៖ «សម្តេចនាយករដ្ឋមន្ត្រីហាក់បីដូចជាអត់បានបញ្ចេញមហិទ្ធឫទ្ធិនេះតទៅទៀត។មានន័យថាវាហាក់បីដូចជាទំនាក់ទំនងអញ្ចឹងលោកអត់ទាន់បានប្រតិកម្មថាតើត្រូវចាប់ជនហ្នឹងត្រឡប់មកវិញឱ្យខាងតែបានដើម្បីមកអនុវត្តច្បាប់គេហៅថាលើកតម្លៃកិត្តិយសច្បាប់ជាតិឱ្យវាល្អឡើងវិញគឺមិនទាន់ឃើញមានចំណុចនេះទេ»។
លោក ជិន លីដា មេធាវីការពារក្តីជនរងគ្រោះបានឱ្យដឹងថាកូនក្តីរបស់លោកនៅតែមានការព្រួយបារម្មណ៍ពីសុវត្ថិភាពរបស់ខ្លួននៅឡើយនៅពេលជនជាប់ចោទឈូកបណ្ឌិតមិនទាន់ត្រូវបានចាប់ខ្លួនដោយសារតែមានទំនាក់ទំនងជាមួយអ្នកមានអំណាច។
លោកបានជំរុញឱ្យអាជ្ញាធរគួរតែពន្លឿនការចាប់ខ្លួនមកផ្តន្ទាទោសពីព្រោះថាដីកាបង្គាប់ឱ្យចាប់ខ្លួនបានចេញដោយសាលាដំបូងខេត្តស្វាយរៀងតាំងពីខែមិថុនាមកម្ល៉េះ។
លោកនិយាយថា៖ «ជនរងគ្រោះផ្ទាល់មានតែស្នើសុំឱ្យសមត្ថកិច្ចសហការជាមួយខាងស្ថាប័នតុលាការក្នុងការអនុវត្តទៅតាមដីកាឱ្យបានល្អដើម្បីឱ្យពង្រឹងអំណាចតុលាការ ការអនុវត្តច្បាប់ក៏ដូចជានីតិរដ្ឋនៅប្រទេសយើង»។
មកទល់ពេលនេះមានរយៈពេលជិតពីរឆ្នាំហើយលោក ឈូក បណ្ឌិតអតីតអភិបាលក្រុងបាវិតនៅតែមិនទាន់ចាប់ខ្លួនមកផ្តន្ទាទោសបាននៅឡើយក្រោយពីលោកបានបាញ់កម្មការិនីបីនាក់ឈ្មោះ កែវ នា នុត សាខន និង ប៊ុនចិន្តា ឱ្យរងរបួសកាលពីថ្ងៃទី២០ខែកុម្ភៈឆ្នាំ២០១២៕