អាជ្ញាធរតាលីបង់ក្នុងប្រទេសអាហ្វាហ្គានីស្ថាន បានឱ្យដឹងនៅថ្ងៃព្រហស្បតិ៍ថា ចំនួនអ្នកស្លាប់ពីការផ្ទុះគ្រាប់បែកមួយកាលពីយប់មិញ កើនដល់យ៉ាងតិច២១នាក់ហើយ។
លោក Khalid Zadran ដែលជាអ្នកនាំពាក្យប៉ូលីសម្នាក់នៅក្នុងរដ្ឋធានីកាប៊ុល បានប្រាប់វីអូអេថា អ្នកបន់ស្រន់យ៉ាងតិច ៣៣នាក់ទៀត បានរងរបួស។
សាក្សីនិងប៉ូលីសបាននិយាយថា ការផ្ទុះយ៉ាងខ្លាំងបានកើតឡើងនៅក្នុងវិហារសាសនាអ៊ីស្លាម Siddiquiya Mosque នៅក្នុងតំបន់ Kher Khanna ដែលស្ថិតនៅភាគខាងជើង ក្នុងអំឡុងពេលបន់ស្រន់ព្រះ កាលពីយប់ថ្ងៃពុធ។
មន្ទីពេទ្យសប្បុរសធម៌ Emergency ដែលប្រទេសអ៊ីតាលីចាត់ចែងនៅក្នុងរដ្ឋធានីកាប៊ុល បាននិយាយក្នុងសេចក្តីថ្លែងការណ៍មួយថា ក្នុងចំណោមជនរងគ្រោះដែលគេដឹកមកពីកន្លែងកើតហេតុនោះ មាន២នាក់ស្លាប់ និងម្នាក់ទៀតស្លាប់ក្នុងបន្ទប់ជួយសង្គ្រោះអាសន្ន។ មន្ទីពេទ្យនោះបានឱ្យដឹងទៀតថា កុមារ៥នាក់ ដែលមានរួមកុមារអាយុ៧ឆ្នាំម្នាក់ ស្ថិតក្នុងចំណោមអ្នកត្រូវរបួស។
អ្នកនាំពាក្យតាលីបង់ Zabihullah Mujahid បានថ្កោលទោសចំពោះការវាយប្រហារយ៉ាងបង្ហូរឈាមនោះ ដោយនិយាយថា៖ «ជនដៃដល់ក្នុងឧក្រិដ្ឋកម្មបែបនេះ នឹងត្រូវនាំខ្លួនមកកាត់ទោស នៅពេលឆាប់ៗ ហើយនឹងត្រូវផន្ទាទោស។
ពុំទាន់មានជនណាចេញមុខទទួលខុសត្រូវចំពោះការវាយប្រហារនេះនៅឡើយទេ៕
ចំនួនអ្នកស្លាប់កើនដល់២១នាក់ ក្នុងការបំផ្ទុះគ្រាប់បែកនៅប្រទេសអាហ្វហ្គានីស្ថាន
ក្រុមអ្នកកាន់ទុក្ខសែងសាកសពនៃជនរងគ្រោះម្នាក់ដែលបានស្លាប់ក្នុងការបំផ្ទុះគ្រាប់បែកនៅវិហារអ៊ីស្លាមមួយកន្លែង នៅក្នុងទីក្រុងកាប៊ុល ប្រទេសអាហ្វហ្គានីស្ថាន កាលពីថ្ងៃទី១៨ ខែសីហា ឆ្នាំ២០២២។
ក្រុងអ៊ីស្លាម៉ាបាដ ប្រទេសប៉ាគីស្ថាន —