មួយថ្ងៃបន្ទាប់ពីមេដឹកនាំសាសនាដែនដីទីបេតិដ៍ (Tibet) បានចូលរួមក្នុងពិធីសូត្រធម៌ជាតិប្រចាំឆ្នាំនៅពេលព្រឹកដែលត្រូវបានហៅ National Prayer Breakfast នៅក្រុង វ៉ាស៊ីនតោន អ្នកនាំពាក្យរដ្ឋាភិបាលចិនម្នាក់បាននិយាយនៅថ្ងៃសុក្រនេះថា ក្រុងប៉េកាំងប្រឆាំងនឹងប្រទេសដទៃណាដែលទទួលស្វាគមន៍សម្តេច ដាឡៃ ឡាម៉ា (Dalai Lama)។
លោក Hong Lei អ្នកនាំពាក្យក្រសួងការបរទេសចិនបានប្រាប់អ្នករាយការណ៍ព័ត៌មាននៅក្រុង ប៉េកាំង ថា សម្តេច ដាឡៃ ឡាម៉ា ជា«អ្នកនិរទេសនយោបាយដែលបានចូលរួមក្នុងសកម្មភាពបំបែកខ្លួនប្រឆាំងនិងចិនជាយូរមកហើយ ដោយប្រើមូលហេតុសាសនា»។
លោកប្រធានាធិបតីសរអា បារ៉ាក់ អូបាម៉ា មិនបានជួបផ្ទាល់ជាមួយសម្តេច ដាឡៃ ឡាម៉ា កាលពីថ្ងៃព្រហស្បតិ៍ទេ តែបានអង្គុយមិនឆ្ងាយពីគ្នា ហើយបានសម្តែងការរាក់ទាក់ដាក់គ្នាទៅវិញទៅមក។
លោក អូបាម៉ា បានសរសើរសម្តេច ឡាម៉ា ថាជាវរជនដែលមានមេត្តាធម៌ ហើយបានជួយលើកទឹកចិត្តឲ្យយើងទាំងអស់គ្នាហ៊ាននិយាយអំពីសេរីភាពនិងសេចក្តីថ្លៃថ្នូររបស់មនុស្សគ្រប់រូប៕