តាកែវ —
សភាពការណ៍ជាទូទៅនៅថ្ងៃបោះឆ្នោតប្រចាំខេត្តតាកែវមានលក្ខណៈល្អប្រសើរនិងពុំឃើញមានភាពមិនប្រក្រតីឬអំពើហិង្សាគួរឱ្យកត់សម្គាល់ទេនៅថ្ងៃនេះ។ នេះបើតាមការអះអាងពីអ្នកសង្កេតការណ៍នៅមូលដ្ឋាន។
តាំងពីព្រលឹមស្រាងៗ ប្រជាពលរដ្ឋនៅស្រុកបាទី ខេត្តតាកែវភាគច្រើនបាននាំគ្នាទៅបោះឆ្នោតនៅមណ្ឌលបោះឆ្នោតនានានៅទូទាំងស្រុកនេះ។ មណ្ឌលបោះឆ្នោតជាទូទៅក្នុងស្រុកនេះមានដំណើរការជាធម្មតា និងពុំមានភាពមិនប្រក្រតីគួរឱ្យកត់សម្គាល់នោះទេ។ នេះបើតាមអ្នកសង្កេតការណ៍និងមន្ត្រីរៀបចំការបោះឆ្នោតនៅមូលដ្ឋាន។
លោក សូត្រ ទុំ ជាអ្នកសង្កេតការណ៍ម្នាក់របស់អង្គការបណ្តាញនិស្សិតប្រជាធិបតេយ្យកម្ពុជានៅមណ្ឌលបឋមសិក្សាបន្ទាយត្រាវក្នុងស្រុកបាទី។
«អ្នកខ្លះគាត់អត់យកអត្តសញ្ញាណប័ណ្ណ។ អ្នកខ្លះទៀតបាត់អត្តសញ្ញាណប័ណ្ណមានតែចុងសន្លឹក។ អត់មានអ្នកតវ៉ាទេ។ ការគ្រប់គ្រងនៅទីនេះឃើញមានភាពរលូនត្រឹមត្រូវល្អ»។
លោក សុង ហៀរ អ្នកសង្កេតការណ៍ពីគណបក្សប្រជាជនកម្ពុជា ប្រចាំមណ្ឌលបឋមសិក្សាពុតស ក៏បានថ្លែងថា មានប្រជាពលរដ្ឋប្រហែលជា១០នាក់ប៉ុណ្ណោះក្នុងចំណោមអ្នកបោះឆ្នោតសរុបជាង៦០០នាក់ក្នុងមណ្ឌលនេះ ដែលមានបញ្ហាមិនបានបោះឆ្នោត។
«ខុសនាមត្រកូលហើយនិងថ្ងៃខែឆ្នាំកំណើត។ អញ្ចឹងគាត់អត់ទាន់បានបោះឆ្នោតទេគឺចាំលោកប្រធានប្រជុំគ្នាសិន។ អត់មានបញ្ហាអ្វីទេ គឺសុវត្ថិភាពល្អប្រសើរ»។
ស្រុកបាទីមានចម្ងាយប្រមាណ៥០គីឡូម៉ែត្រពីរាជធានីភ្នំពេញ។ មណ្ឌលបោះឆ្នោតដែលរៀបចំឡើងនៅតាមសាលារៀននិងវត្តអារាមនានា។ មន្ត្រីគ.ជ.ប តំណាងគណបក្សប្រកួតប្រជែង និងអ្នកសង្កេតការណ៍របស់អង្គការក្នុងស្រុក និងកងកម្លាំងសន្តិសុខមានវត្តមាននៅទៅនេះ។
ប៉ុន្តែបរិយាកាសល្អបែបនេះប្រហែលជាមិនគ្រប់មណ្ឌលបោះឆ្នោតក្នុងស្រុកទាំងអស់ក្នុងខេត្តនេះទេ។ ជាឧទាហរណ៍នៅមណ្ឌលបោះឆ្នោតមួយនៅស្រុកព្រៃកប្បាស មានប្រជាពលរដ្ឋប្រហែល២០ភាគរយក្នុងចំណោមអ្នកបោះឆ្នោតចំនួនប្រហែល៥.០០០នាក់ពុំមានសិទ្ធិបោះឆ្នោត។ នេះបើតាមលោកកង ប៊ុនឡេង ជំទប់ទី១កូតាពីគណបក្សសម រង្ស៊ីប្រចាំស្រុកនេះ។ លោកអះអាងថា កាលពីការបោះឆ្នោតឃុំសង្កាត់នៅឆ្នាំ២០១២ ពួកគេទាំងនោះមានសិទ្ធិបោះឆ្នោតជាធម្មតា។
«គាត់អត់បានបោះដោយសារគាត់ខុសទិន្នន័យមួយក្នុងចំណោមទិន្នន័យទាំងអស់។ ឧទាហរណ៍គាត់ខុសនាមត្រកូល ប៉ុន្តែឈ្មោះគាត់ត្រូវថ្ងៃខែឆ្នាំកំណើតគាត់ត្រូវជាដើម។ ខ្ញុំសង្កេតឃើញថា ភាគច្រើនជាសកម្មជនគណបក្សប្រឆាំង»។
អ្នកស្រី សេង សុន្ធារី មន្ត្រីខុមហ្វ្រែលប្រចាំខេត្តតាកែវ ថ្លែងថា បរិយាកាសបោះឆ្នោតជាទូទៅនៅខេត្តនេះពុំមានភាពមិនប្រក្រតីគួរឱ្យកត់សម្គាល់នោះទេ។
«មានតិចតួចដូចជាគាត់រកឈ្មោះមិនឃើញ គាត់មិនយល់ពីនីតិវិធី ដូចជាពេលមកបោះឆ្នោត គាត់អត់យកអត្តសញ្ញាណបណ្ណមក។ គាត់យកតែបណ្ណព័ត៌មាន។ ហើយគាត់ចេះតែស្រែកថា គេអត់ឱ្យបោះ។ គេម៉េចនឹងឱ្យបោះ បើគាត់អត់មានអត្តសញ្ញាណប័ណ្ណនិងសៀវភៅគ្រួសារអញ្ចឹង»។
ខេត្តតាកែវមានប្រាំបីអសនៈក្នុងចំណោម១២៣អសនៈនៅទូទាំងខេត្តក្រុង៕
តាំងពីព្រលឹមស្រាងៗ ប្រជាពលរដ្ឋនៅស្រុកបាទី ខេត្តតាកែវភាគច្រើនបាននាំគ្នាទៅបោះឆ្នោតនៅមណ្ឌលបោះឆ្នោតនានានៅទូទាំងស្រុកនេះ។ មណ្ឌលបោះឆ្នោតជាទូទៅក្នុងស្រុកនេះមានដំណើរការជាធម្មតា និងពុំមានភាពមិនប្រក្រតីគួរឱ្យកត់សម្គាល់នោះទេ។ នេះបើតាមអ្នកសង្កេតការណ៍និងមន្ត្រីរៀបចំការបោះឆ្នោតនៅមូលដ្ឋាន។
លោក សូត្រ ទុំ ជាអ្នកសង្កេតការណ៍ម្នាក់របស់អង្គការបណ្តាញនិស្សិតប្រជាធិបតេយ្យកម្ពុជានៅមណ្ឌលបឋមសិក្សាបន្ទាយត្រាវក្នុងស្រុកបាទី។
«អ្នកខ្លះគាត់អត់យកអត្តសញ្ញាណប័ណ្ណ។ អ្នកខ្លះទៀតបាត់អត្តសញ្ញាណប័ណ្ណមានតែចុងសន្លឹក។ អត់មានអ្នកតវ៉ាទេ។ ការគ្រប់គ្រងនៅទីនេះឃើញមានភាពរលូនត្រឹមត្រូវល្អ»។
លោក សុង ហៀរ អ្នកសង្កេតការណ៍ពីគណបក្សប្រជាជនកម្ពុជា ប្រចាំមណ្ឌលបឋមសិក្សាពុតស ក៏បានថ្លែងថា មានប្រជាពលរដ្ឋប្រហែលជា១០នាក់ប៉ុណ្ណោះក្នុងចំណោមអ្នកបោះឆ្នោតសរុបជាង៦០០នាក់ក្នុងមណ្ឌលនេះ ដែលមានបញ្ហាមិនបានបោះឆ្នោត។
«ខុសនាមត្រកូលហើយនិងថ្ងៃខែឆ្នាំកំណើត។ អញ្ចឹងគាត់អត់ទាន់បានបោះឆ្នោតទេគឺចាំលោកប្រធានប្រជុំគ្នាសិន។ អត់មានបញ្ហាអ្វីទេ គឺសុវត្ថិភាពល្អប្រសើរ»។
ស្រុកបាទីមានចម្ងាយប្រមាណ៥០គីឡូម៉ែត្រពីរាជធានីភ្នំពេញ។ មណ្ឌលបោះឆ្នោតដែលរៀបចំឡើងនៅតាមសាលារៀននិងវត្តអារាមនានា។ មន្ត្រីគ.ជ.ប តំណាងគណបក្សប្រកួតប្រជែង និងអ្នកសង្កេតការណ៍របស់អង្គការក្នុងស្រុក និងកងកម្លាំងសន្តិសុខមានវត្តមាននៅទៅនេះ។
ប៉ុន្តែបរិយាកាសល្អបែបនេះប្រហែលជាមិនគ្រប់មណ្ឌលបោះឆ្នោតក្នុងស្រុកទាំងអស់ក្នុងខេត្តនេះទេ។ ជាឧទាហរណ៍នៅមណ្ឌលបោះឆ្នោតមួយនៅស្រុកព្រៃកប្បាស មានប្រជាពលរដ្ឋប្រហែល២០ភាគរយក្នុងចំណោមអ្នកបោះឆ្នោតចំនួនប្រហែល៥.០០០នាក់ពុំមានសិទ្ធិបោះឆ្នោត។ នេះបើតាមលោកកង ប៊ុនឡេង ជំទប់ទី១កូតាពីគណបក្សសម រង្ស៊ីប្រចាំស្រុកនេះ។ លោកអះអាងថា កាលពីការបោះឆ្នោតឃុំសង្កាត់នៅឆ្នាំ២០១២ ពួកគេទាំងនោះមានសិទ្ធិបោះឆ្នោតជាធម្មតា។
«គាត់អត់បានបោះដោយសារគាត់ខុសទិន្នន័យមួយក្នុងចំណោមទិន្នន័យទាំងអស់។ ឧទាហរណ៍គាត់ខុសនាមត្រកូល ប៉ុន្តែឈ្មោះគាត់ត្រូវថ្ងៃខែឆ្នាំកំណើតគាត់ត្រូវជាដើម។ ខ្ញុំសង្កេតឃើញថា ភាគច្រើនជាសកម្មជនគណបក្សប្រឆាំង»។
អ្នកស្រី សេង សុន្ធារី មន្ត្រីខុមហ្វ្រែលប្រចាំខេត្តតាកែវ ថ្លែងថា បរិយាកាសបោះឆ្នោតជាទូទៅនៅខេត្តនេះពុំមានភាពមិនប្រក្រតីគួរឱ្យកត់សម្គាល់នោះទេ។
«មានតិចតួចដូចជាគាត់រកឈ្មោះមិនឃើញ គាត់មិនយល់ពីនីតិវិធី ដូចជាពេលមកបោះឆ្នោត គាត់អត់យកអត្តសញ្ញាណបណ្ណមក។ គាត់យកតែបណ្ណព័ត៌មាន។ ហើយគាត់ចេះតែស្រែកថា គេអត់ឱ្យបោះ។ គេម៉េចនឹងឱ្យបោះ បើគាត់អត់មានអត្តសញ្ញាណប័ណ្ណនិងសៀវភៅគ្រួសារអញ្ចឹង»។
ខេត្តតាកែវមានប្រាំបីអសនៈក្នុងចំណោម១២៣អសនៈនៅទូទាំងខេត្តក្រុង៕