គណបក្សជំទាស់ក្នុងប្រទេសអាល់បានីបានអំពាវនាវឲ្យមានបាតុកម្មច្រើនថែមទៀត ដើម្បីបន្តដាក់សម្ពាធលើរដ្ឋាភិបាល។ គណបក្សជំទាស់ប្រកាន់នយោបាយកណ្តាល ប្រទេសអាល់បានី បានអំពាវនាវឲ្យមានការធ្វើបាតុកម្មបន្តទៀត ខណៈដែលខ្លួនបន្ត កិច្ចប្រឹងប្រែងរយៈពេល១ខែ ដើម្បីបង្ខំឲ្យមេដឹកនាំរដ្ឋាភិបាលដែលប្រកាន់នយោបាយឆ្វេងនិយមលាលែងពីមុខតំណែង ហើយបង្ខំឲ្យមានការបោះឆ្នោតជ្រើសរើសសភាឲ្យបានឆាប់។
គណបក្សប្រជាធិបតេយ្យបាននិយាយ បន្ទាប់ពីកិច្ចប្រជុំនៃក្រុមមេដឹកនាំរបស់ខ្លួន កាលពីថ្ងៃទី១២ ខែឧសភាថា ខ្លួននឹងធ្វើបាតុកម្មបន្តទៀតនៅថ្ងៃទី១៣ ឧសភា។ ទង្វើនេះកើតឡើង បន្ទាប់ពីមានក្រុមបាតុកររាប់ពាន់នាក់បានប្រមូលផ្តុំគ្នាកាលពីថ្ងៃទី១១ នៅពីមុខអគាររដ្ឋ Martyrs ក្នុងរដ្ឋធានីទីរ៉ាណា (Tirana) ដែលស្ថិតនៅលើមហាវិថី Nation Boulevard នៅមុនពេលចល័តទៅកាន់កន្លែងផ្សេងៗទៀត។
ក្រុមបាតុករបានចោលដុំភ្លើង គ្រឿងផ្ទុះ គ្រាប់បែកសាំង និងឧបករណ៍ផ្សេងៗទៀត ដាក់ក្រុមអាជ្ញាធរសន្តិសុខ ដែលបានប្រើឧស្ម័នបង្ហូរទឹកភ្នែក នៅពេលដែលហ្វូងមនុស្សបានបំបែកខ្សែការពារប៉ូលិស ហើយព្យាយាមសម្រុកចូលអគាររដ្ឋាភិបាល។ ក្រុមបាតុករក្រោយមកមិនបានចូលទេ តែបន្ទាប់មកពួកគេបានប៉ះទង្គិចគ្នាជាមួយប៉ូលិសនៅជិតអគាររដ្ឋសភា៕