អ្នកថតរូបផ្តិតយកទិដ្ឋភាពនៃការផ្លាស់ប្តូរនៅកម្ពុជា
០៧ កក្កដា ២០១១ ភ្នំពេញ កម្ពុជា៖ អ្នកភូមិបឹងកក់មួយរូបចែវទូកឈើបញ្ច្រាស់ខ្យល់ព្យុះដែលមកជិតដល់ក្រុងភ្នំពេញ។ នៅផ្នែកខាងក្រោយនៃរូបថតគេឃើញអគារនៃទីស្តីការគណៈរដ្ឋមន្ត្រី និងវិមាននាយករដ្ឋមន្ត្រី។ © Nicolas Axelrod / Ruom
២៧ មិនា ២០០៩ ភ្នំពេញ កម្ពុជា៖ កុមារម្នាក់ក្នុងទឹកភក់ដែលត្រូវបាញ់ចេញពីបំពង់បែកមួយ ដែលជាផ្នែកនៃបំពង់បូមខ្សាច់ចូលបឹងធម្មជាតិបឹងកក់នៅឯសហគមន៍បូរីរីករាយ។ © Nicolas Axelrod / Ruom
២៤ មករា ២០០៩ ភ្នំពេញ កម្ពុជា៖ អ្នកភូមិរត់គេចពីយានយន្តឈូសដីដែលបានសម្រុកចូលឈូសបំណែកសេសសល់ពីផ្ទះសម្បែងដែលត្រូវបំផ្លាញក្នុងអំឡុងពេលការជម្លៀសប្រជាជនដោយបង្ខំពីសហគមន៍ដីក្រហម។ © Nicolas Axelrod / Ruom
២៧ កក្កដា ២០១២ ភ្នំពេញ កម្ពុជា៖ បូរី Camko City ជាគម្រោងអភិវឌ្ឍបូរីមួយនៅចម្ងាយប្រមាណ៣គីឡូម៉ែត្រពីសង្កាត់កណ្តាលរបស់រាជធានីភ្នំពេញ។ © Nicolas Axelrod / Ruom
២៣ សីហា ២០១០ ភ្នំពេញ កម្ពុជា៖ កម្មករមួួយរូបរុះរើផ្ទះមួយនៅបឹងកក់។ អ្នកភូមិបឹងកក់មានជម្រើសអាចទទួលយកលុយ ៨.៥០០ដុល្លារ ជាថ្នូរនឹងផ្ទះ ឬ ទទួលយកលុយ ៥០០ដុល្លារ ដើម្បីទៅរស់នៅផ្ទះសាងសង់ដោយក្រុមហ៊ុនអភិវឌ្ឍនៅជាយក្រុងភ្នំពេញ។ © Nicolas Axelrod / Ruom
៤ ធ្នូ ២០១៣ កំពង់ធំ កម្ពុជា៖ ព្រះសង្ឃរៀបចំព្រះកាយនៅក្នុងថ្ងៃទី៤នៃធម្មយាត្រាសិទ្ធិមនុស្សទៅកាន់រាជធានីភ្នំពេញតាមផ្លូវជាតិលេខ៦។ © Nicolas Axelrod / Ruom
២៧ មករា ២០១៤ ភ្នំពេញ កម្ពុជា៖ លោក ម៉ម សូណង់ដូ (មិនមានក្នុងរូបថត) និងអ្នកគាំទ្រប៉ះទង្គិចជាមួយក្រុមប៉ូលីសបង្ក្រាបកុប្បកម្មក្នុងអំឡុងបាតុកម្មទាមទារឲ្យរដ្ឋាភិបាលផ្តល់អាជ្ញាប័ណ្ណដល់រូបលោកអាចពង្រីកកម្លាំងផ្សាយវិទ្យុនិងបង្កើតស្ថានីយទូរទស្សន៍។ © Nicolas Axelrod / Ruom
៣០ មិនា ២០១៤ ភ្នំពេញ កម្ពុជា៖ ពាណិជ្ជករនិយាយទូរស័ព្ទក្នុងអំឡុងការតាំងពិព័រណ៍មួយនៅកោះពេជ្រ។ ក្រុងរណបជាច្រើនត្រូវបានគេសាងសង់នៅជុំវិញរាជធានីភ្នំពេញ ហើយផ្តល់ឲ្យនូវផ្ទះមានគំរូដូចៗគ្នានៅក្នុងតំបន់លំនៅដ្ឋានធំៗ។ © Nicolas Axelrod / Ruom