ប្រទេសបារាំងនឹងប្រកួតជាមួយប្រទេសអាល្លឺម៉ង់ នៅទីក្រុង Rio de Janeiro នៅម៉ោង១១យប់ ម៉ោងនៅកម្ពុជា។
បារាំងបានលេងឈ្នះអាល្លឺម៉ង់៤ដង ក្នុងការប្រកួត៦ដងចុងក្រោយនេះ ហើយបានឈ្នះពានពិភពលោកចុងក្រោយក្នុងឆ្នាំ១៩៩៨។ អាល្លឺម៉ង់បានឈ្នះពានពិភពលោកចុងក្រោយក្នុងឆ្នាំ ១៩៩០ ដោយក្រុមកីឡាប្រទេសអាល្លឺម៉ង់ខាងលិច។
ម្ចាស់ជើងឯកពានពិភពលោក៥ដង គឺប្រទេសប្រេស៊ីល ដែលនឹងប្រកួតជាមួយប្រទេសកូឡុំប៊ី នៅក្រុង Fortaleza។ កូឡុំប៊ី មិនដែលបានឈ្នះពានពិភពលោកនេះទេ។
ការប្រកួត១ភាគ៤ផ្ដាច់ព្រាត់ ២ក្រុមទៀត នឹងលេងនៅថ្ងៃសៅរ៍ ដែលមានក្រុមអាហ្សង់ទីនប្រកួតជាមួយក្រុមបែលហ្សិកនៅក្រុង Brasilia និងហុឡង់ដ៍ត្រូវប៉ះជាមួយប្រទេសកូស្តារីកានៅក្រុង Salvador។
ការប្រកួតផ្ដាច់ព្រ័ត្រនៃពានរង្វាន់កំពូលនេះនឹងប្រព្រឹត្តធ្វើនៅថ្ងៃទី១៣ ខែកក្កដា នៅទីក្រុង Rio de Janeiro ប្រទេសប្រេស៊ីល៕
