វ៉ាស៊ីនតោន —
តំណាងពលរដ្ឋ ដែលរងផលប៉ះពាល់ជាច្រើនខេត្ត បានស្តីបន្ទោសធនាគារអភិវឌ្ឍន៍អាស៊ី (ADB) ចំពោះការមិនពិគ្រោះយោបល់ជាមួយពួកគេ មុនពេលធ្វើគម្រោងផែនការដោះស្រាយបញ្ហាគម្រោងស្តារផ្លូវរថភ្លើង ។
ក្រុមពលរដ្ឋសុំឲ្យធនាគារនេះបង្ហាញអំពីគម្រោងផែនការដោះស្រាយផលប៉ះពាល់ចំពោះអនុសាសន៍ដែលអនុម័តដោយក្រុមប្រឹក្សាភិបាលនៃធនាគារ ADB និងការពិគ្រោះយោបល់ជាមួយប្រជាពលរដ្ឋដែលរងផលប៉ះពាល់។
លិខិតរបស់តំណាងពលរដ្ឋ២២នាក់មកពីបណ្តាខេត្តជាច្រើន ដែលផ្ញើរជូនលោកអេរិក សិដវ៉ិក (Eric Sidgwick) ប្រធានធនាគារ ADB នៅកម្ពុជានោះ បានបញ្ជាក់តាមខ្លឹមសារដើមថា៖ «យើងខ្ញុំជាតំណាងប្រជាពលរដ្ឋដែលកំពុងរងផលប៉ះពាល់ដោយសារគម្រោងស្តារផ្លូវរថភ្លើងឡើងវិញ សូមសម្តែងការខកចិត្តយ៉ាងខ្លាំងចំពោះគណៈគ្រប់គ្រងនៃធនាគារអភិវឌ្ឍន៍អាស៊ី ដែលមិនបានធ្វើតាមសន្យារបស់ខ្លួនក្នុងការពិគ្រោះយោបល់ជាមួយយើងលើគម្រោងផែនការដោះស្រាយបញ្ហា»។
ក្រុមតំណាងពលរដ្ឋបានចោទប្រកាន់ថា គណៈគ្រប់គ្រងធនាគារនេះមានចេតនា ដាក់សេចក្តីព្រាងនេះដល់ក្រុមប្រឹក្សាភិបាលរបស់ខ្លួន ដោយគ្មានការពិគ្រោះ យោបល់ជាមួយពលរដ្ឋដែលប៉ះពាល់ ជាមុន ក្រៅពីបញ្ជាក់ថា វាជាការរំលោភ លើគោលនយោបាយការឃ្លាំមើលសុវត្ថិភាពរបស់ខ្លួនយ៉ាងធ្ងន់ធ្ងរ។
ក្រុមប្រជាពលរដ្ឋបានទទូចឲ្យគណៈគ្រប់គ្រងធនាគារ ADB ឆ្លើយតបនឹងសំណូមពររបស់ខ្លួនក្នុងរយៈពេល៧ថ្ងៃ។ ក្រុមប្រឹក្សាភិបាលរបស់ធនាគារនេះ បានអនុម័តលើគម្រោងផែនការដោះស្រាយកាលពីថ្ងៃទី៣១ខែមករាលើគម្រោងការស្តារផ្លូវរថភ្លើងកម្ពុជាឡើងវិញនេះ៕
ក្រុមពលរដ្ឋសុំឲ្យធនាគារនេះបង្ហាញអំពីគម្រោងផែនការដោះស្រាយផលប៉ះពាល់ចំពោះអនុសាសន៍ដែលអនុម័តដោយក្រុមប្រឹក្សាភិបាលនៃធនាគារ ADB និងការពិគ្រោះយោបល់ជាមួយប្រជាពលរដ្ឋដែលរងផលប៉ះពាល់។
លិខិតរបស់តំណាងពលរដ្ឋ២២នាក់មកពីបណ្តាខេត្តជាច្រើន ដែលផ្ញើរជូនលោកអេរិក សិដវ៉ិក (Eric Sidgwick) ប្រធានធនាគារ ADB នៅកម្ពុជានោះ បានបញ្ជាក់តាមខ្លឹមសារដើមថា៖ «យើងខ្ញុំជាតំណាងប្រជាពលរដ្ឋដែលកំពុងរងផលប៉ះពាល់ដោយសារគម្រោងស្តារផ្លូវរថភ្លើងឡើងវិញ សូមសម្តែងការខកចិត្តយ៉ាងខ្លាំងចំពោះគណៈគ្រប់គ្រងនៃធនាគារអភិវឌ្ឍន៍អាស៊ី ដែលមិនបានធ្វើតាមសន្យារបស់ខ្លួនក្នុងការពិគ្រោះយោបល់ជាមួយយើងលើគម្រោងផែនការដោះស្រាយបញ្ហា»។
ក្រុមតំណាងពលរដ្ឋបានចោទប្រកាន់ថា គណៈគ្រប់គ្រងធនាគារនេះមានចេតនា ដាក់សេចក្តីព្រាងនេះដល់ក្រុមប្រឹក្សាភិបាលរបស់ខ្លួន ដោយគ្មានការពិគ្រោះ យោបល់ជាមួយពលរដ្ឋដែលប៉ះពាល់ ជាមុន ក្រៅពីបញ្ជាក់ថា វាជាការរំលោភ លើគោលនយោបាយការឃ្លាំមើលសុវត្ថិភាពរបស់ខ្លួនយ៉ាងធ្ងន់ធ្ងរ។
ក្រុមប្រជាពលរដ្ឋបានទទូចឲ្យគណៈគ្រប់គ្រងធនាគារ ADB ឆ្លើយតបនឹងសំណូមពររបស់ខ្លួនក្នុងរយៈពេល៧ថ្ងៃ។ ក្រុមប្រឹក្សាភិបាលរបស់ធនាគារនេះ បានអនុម័តលើគម្រោងផែនការដោះស្រាយកាលពីថ្ងៃទី៣១ខែមករាលើគម្រោងការស្តារផ្លូវរថភ្លើងកម្ពុជាឡើងវិញនេះ៕
