សហរដ្ឋអាមេរិកនិងប្រទេសប៉ាពូនូវែលហ្គីណេបានចុះហត្ថលេខាលើកិច្ចព្រមព្រៀងសន្តិសុខមួយដែលមានរួមការអនុញ្ញាតឱ្យកងកម្លាំងសហរដ្ឋអាមេរិកចូលក្នុងដែនទឹក និងកំពង់ផែរបស់ប្រទេសក្នុងតំបន់មហាសមុទ្រប៉ាស៊ីហ្វិកនេះ។
កិច្ចព្រមព្រៀងនេះបានធ្វើឡើងនៅពេលដែលសហរដ្ឋអាមេរិកផ្តោតទៅលើតំបន់នេះនិងបារម្ភអំពីឥទ្ធិពលរបស់ចិននៅទីនោះ។
ក្រសួងការបរទេសសហរដ្ឋអាមេរិកបាននិយាយថាកិច្ចព្រមព្រៀងនេះ នឹងពង្រឹងកងការពារប្រទេសរបស់ប្រទេសប៉ាពូនូវែលហ្គីណេ ពង្រឹងកិច្ចសហប្រតិបត្តិការសន្តិសុខ និងបង្កើនស្ថិរភាពក្នុងតំបន់។
លោករដ្ឋមន្ត្រីការបរទេសសហរដ្ឋអាមេរិក Anthony Blinken បានចុះហត្ថលេខាលើកិច្ចព្រមព្រៀងនេះក្នុងអំឡុងពេលនៃដំណើរទស្សនកិច្ចទៅកាន់រដ្ឋធានីព័រម៉ូរេសប៊ី។
លោក Blinken បានសរសេរសារ Twitter មួយបន្ទាប់ពីបានជួបលោកនាយករដ្ឋមន្ត្រីប៉ាពូនូវែលហ្គីណេ James Marape (ម៉ារ៉េប) ថា«ប្រទេសយើងទាំងពីរកំពុងលើកស្ទួយសន្តិភាព សន្តិសុខនិងភាពរុងរឿងក្នុងតំបន់ប៉ាស៊ីហ្វិក»។
លោក Blinken បានទៅបំពេញទស្សនកិច្ចនៅប្រទេសប៉ាពូនូវែលហ្គីណេ ជំនួសលោកប្រធានាធិបតី Joe Biden ដែលបានលប់ចោលទស្សនកិច្ចទៅកាន់ប្រទេសនេះ ដោយ សារការចចារដែលនៅធ្វើឡើយជាបន្តដើម្បីបញ្ជៀសវិបត្តិប្រាក់បំណុលក្នុងសហរដ្ឋអាមេរិក៕
ព័ត៌មានខ្លះនៃសេចក្តីរាយការណ៍នេះដកស្រង់ពីទីភ្នាក់ងារព័ត៌មានAP, AFPនិង Reuters
