ភ្ជាប់​ទៅ​គេហទំព័រ​ទាក់ទង

ក្រុម​អភិរក្សចម្រុះ​កូរ៉េខាងត្បូង​ថ្មីលេចឡើង​ដើម្បី​ការពារអ្នកស្រី​ប្រធានាធិបតី Park Geun-hye


ផ្ទាំង​បដា​មួយ​បង្ហាញ រូប​អ្នកស្រី​ប្រធានាធិបតី ​Park Geun-hye​និង​ប្រធានាធិបតី​អាមេរិក Donald Trump នៅ​ពេល​ដែល​អ្នកគាំទ្ររបស់​អ្នកស្រី​បក់​ទង់ជាតិ​ក្នុង​បាតុកម្ម​បរឆាំង​នឹង​ការ​ចោទ​ប្រកាន់ នៅ​ទីក្រុង​សេអ៊ូល ប្រទេស​កូរ៉េខាងត្បូង។

ក្រុម​អភិរក្សកូរ៉េខាង​ត្បូងចម្រុះថ្មីមួយ​មាន​ឈ្មោះ​ថា​ «Alt Right» បានត្រូវ​បង្កើត​ឡើង​ដើម្បី​ប្រយុទ្ធ​នឹងអ្វី​ដែលពួកគេ​និយាយ​ថាជាការចោទ​ប្រកាន់ «ដោយ​ខុស​ច្បាប់» ចំពោះ​លោកស្រី​ Park Geun-hye ប្រធានាធិបតី​តាម​រយៈការ​បោះឆ្នោត​ដោយ​ត្រឹមត្រូវ​ដោយសារ «បណ្តាញ​ផ្សាយព័ត៌មាន​ដែលនិយាយ​កុហក» និង ​«ពួកវីរជនកាន់អំណាច» លម្អៀង​ទៅ​ខាង​កូរ៉េខាង​ជើង។​

ពួកអភិរក្សនិយមលម្អៀងទៅខាង​លោកស្រី​ Park មានការ​យឺតយូរក្នុងការ​រៀបចំនៅ​ក្រោយ​មាន​រឿង​អាស្រូវ​ទាក់ទិន​នឹង​អំពើ​ពុក​រលួយ​របស់លោកស្រីប្រធានាធិបតីដែល​បានកើត​មានឡើងកាលពីខែ​តុលា​ឆ្នាំ​។

លោក​ Chulhong Kim សាស្ត្រាចារ្យ​ជំនួយ​នៅ​ឯមហាវិទ្យាល័យ​ Presbyterian និង​ Theological Seminar ក្នុង​ក្រុង​សេអ៊ូល​បាន​និយាយ​ថា «ការ​ប៉ុនប៉ង​របស់យើង​ក្នុង​ការជួយ​សង្គ្រោះ​លោក​ស្រី​ប្រធានាធិបតី​ប្រហែល​យឺត​ណាស់​ហើយ​ឬ​មួយ​ក៏​យឺត​បន្តិច​។ ហេតុអ្វី? ពីព្រោះ​អ្វី​ទាំង​អស់​មិន​បានគិតទុក​ជាមុនទេ។» លោក Chulhong Kim បានក្លាយទៅ​ជាមេដឹកនាំ​ម្នាក់នៃ​ក្រុមអភិរក្សនិយម​ថ្មីនេះ​ដែលនឹង​ក្លាយ​ទៅ​ជា​អង្គការ​ផ្លូវការ​មួយ។​

លោកស្រី​ប្រធានាធិបតី Park បានធ្លាក់ពី​តំណែង​ដោយសារមានការ​ចោទប្រកាន់ថា​លោកស្រី​បានឃុបឃិត​ជាមួយ​ឬ​មួយ​បានត្រូវ​បំភាន់​ដោយ​អ្នកស្រី​ Choi Soon-sil មិត្តយូរយា​មក​ហើយ​របស់លោកស្រី​ និងសហការី

ជិតស្និទ្ធខ្លះ​របស់លោកស្រី​ក្នុងការ​បង្ខិតបង្ខំ​ក្រុមហ៊ុនកូរ៉េធំៗ​ឱ្យធ្វើវិភាគ​ទាន​ជិត​៦៥​លាន​ដុល្លារ​ដល់​មូលនិធិពីរមានការ​សង្ស័យ។ គេ​រាយការណ៍​ថា​អ្នកស្រី​ Choi បានទទួល​អត្ថប្រយោជន៍ពី​កុងត្រា​ជាមួយ​ក្រុមហ៊ុនរបស់​អ្នកស្រីផ្ទាល់និង​ក្រុមហ៊ុនរបស់មិត្តភក្តិអ្នកស្រី​ផងដែរ៕

XS
SM
MD
LG