ភ្ជាប់​ទៅ​គេហទំព័រ​ទាក់ទង

ទីបញ្ជាការ​អាមេរិក​នៅ​ទ្វីបអាហ្រ្វិក​មាន​មេបញ្ជាការថ្មី​ម្នាក់


​លោកឧត្តមសេនីយ​ Ward​ មេបញ្ជាការ​ទី១​នៃ​ទី​បញ្ជាការ​នៅ​ទ្វីប​​​អាហ្វ្រិក​របស់​កង​កម្លាំង​ស.រ.អា Africom (ខាងឆ្វេង)​ ចាប់​ដៃ​មេ​បញ្ជាការ​​ថ្មី​​​ លោក​ឧត្តមសេនីយ​ Carter Ham​ ក្នុង​ពិធី​ផ្ទេរ​តំណែង​ នៅទីក្រុង Stuttgart ប្រទេសអាល្លឺម៉ង់ នៅ​ថ្ងៃ​ទី៩​ខែ​មិនា ឆ

មេបញ្ជាការ​ទី១​នៃ​ទី​បញ្ជាការ​នៅ​ទ្វីប​អាហ្វ្រិក​ របស់​កង​កម្លាំង​ស.រ.អា​បាន​ចូល​និវត្តន៍​ក្រោយ​ពី​បាន​បម្រើ​កងទ័ព​អស់​រយៈ​ជិត​៤០​ឆ្នាំ​ ដោយ​និយាយ​ថា​មុខនាទី​របស់​កងទ័ព​នៅ​ក្នុង​តំបន់​បះបោរ​នៃ​អាហ្វ្រិក​ខាង​ជើង​នៅ​ក្នុង​បច្ចុប្បន្ន​នេះ​ ជា​សក្ខីភាព​នៃ​គុណសម្បត្តិ​នៃ​ការទំនាក់​ទំនង​បញ្ជាការ​ដែល​បាន​បង្កើត​ឡើង​ដើម្បី​លើក​ស្ទួយ​កងទ័ព។

គឺជា​ពិធី​ដ៏​រំជួល​ចិត្ត​មួយ​សម្រាប់​លោក​ឧត្តមសេនីយ​ William Ward​ ព្រោះ​លោក​បាន​បញ្ចប់​កាតព្វកិច្ច​ពេញលេញ​ជាង​បី​ឆ្នាំ​មក​នេះ​ នៅ​ទី​បញ្ជាការ​ទ័ព​ក្នុង​ទ្វីប​អាហ្វ្រិក​ហៅ​កាត់​ថា​Africom។​ លោក​ឧត្តមសេនីយ​ បាន​ប្រាប់​ដល់​ទាហាន​ច្រើន​រយនាក់​នៅ​ក្នុង​ពិធី​ប្តូរ​បញ្ជាការ​ថា​ កិច្ចប្រតិបត្តិការ​របស់​លោក​បាន​ពង្រីក​សហប្រតិបត្តិការ​កងកម្លាំងទ័ព​ជា​មួយ​ប្រទេស​ក្នុង​ទ្វីប​អាហ្វ្រិក​ជាច្រើន​ រួម​មាន​ទាំង​កិច្ចប្រតិបត្តិការ​ហ្វឹកហ្វឺន​យោធា​រួម​ថ្មី​ផង​ដែរ។

នៅ​ក្នុង​ប៉ុន្មាន​សប្តាហ៍​ថ្មីៗ​នេះ​ Africom​ បាន​ធ្វើ​បេសកកម្ម​ខាង​យុទ្ធសាស្ត្រ​យោធា​ដំបូង​របស់​ខ្លួន​ ដើម្បី​ជួយ​ជម្លៀស​ពួក​ជន​បរទេស​ចេញ​ពី​ប្រទេស​លីប៊ី​ និង​ដឹក​ជញ្ជូន​គ្រឿង​សម្ភារៈ​មនុស្សធម៌​ទៅ​ឲ្យ​ជន​ភៀសខ្លួន​នៅ​ក្នុង​ប្រទេស​ទុយនេហ្ស៊ី។​ បញ្ជាការ​នោះ​ក៏​មាន​មុខ​នាទី​សំខាន់​មួយ​ដែរ​ នៅ​ក្នុង​ការ​រៀបចំ​ នូវ​អ្វី​ដែល​ក្រុម​នាយ​ទាហាន​ហៅ​ថា​ “ជម្រើស​ផ្សេងៗ​ជាច្រើន” ​នៅ​ក្នុង​ករណី​លោក​ប្រធានាធិបតី​ដាក់​បទបញ្ជា​ឲ្យ​ធ្វើ​អន្តរាគមន៍​យោធា​នៅក្នុង​ប្រទេស​លីប៊ី។

ប៉ុន្តែ​លោកឧត្តមសេនីយ​ Ward​ បាន​មាន​ប្រសាសន៍​ថា​កិច្ចការ​ប្រចាំ​ថ្ងៃ​នៅ​ក្នុង​ទ្វីប​អាហ្វ្រិក​ដោយ​កងកម្លាំង​ស.រ.អា​ មាន​ការហ្វឹកហាត់​និង​ជំនួយ​មនុស្សធម៌​ បាន​ធ្វើ​ឲ្យ​ពួក​ជនជាតិ​អាហ្វ្រិក​ដែល​មាន​ការសង្ស័យ​ជា​ច្រើន​ ទុកចិត្ត​ថា​បញ្ជាការ​ថ្មី​ មិនមែន​ជា​ការគំរាម​កំហែង​ទេ។​លោក​បាន​ថ្លែង​នូវ​អ្វី​ដែល​លោក​បាន​ហៅ​ថា​ “ការចូល​ទាក់ទិន​ជាបន្ត”​ នោះ​ បាន​បញ្ជាក់​ពី​គុណសម្បត្តិ​របស់​ខ្លួន​យ៉ាង​ខ្លាំងក្លា​នៅ​ក្នុង​ប៉ុន្មាន​សប្តាហ៍​ថ្មីៗ​នេះ។

«គ្មាន​សក្ខីភាព​ណា​ដែល​សព្វថ្ងៃ​នេះ​ធំ​ជាង​ អ្វី​ដែល​មាន​ នៅ​ក្នុង​តំបន់​ខាងជើង​នៃ​ទ្វីប​នេះ​ នោះទេ។​ នៅ​កន្លែង​ដែល​យើង​មាន​ទំនាក់ទំនង​បន្ត​ជាប់​គ្មាន​អាក់​នោះ​ យើង​ឃើញ​ពួក​យោធា​ធ្វើ​ការងារ​នៅ​ក្នុង​លក្ខណៈ​មួយ​ដែល​នាំ​មក​នូវ​ស្ថិរភាព​នៃ​សង្គម​មួយ។​ហើយ​នៅ​កន្លែង​ណា​ដែល​យើង​គ្មាន​ទំនាក់​ទំនង​បែប​នេះ​ ពួក​យោធា​នាំ​ឲ្យ​មាន​អស្ថិរភាព»។

លោក​ឧត្តមសេនីយ​ Ward​ បាន​សំដៅ​យ៉ាង​ជាក់ស្តែង​ទៅលើ​ប្រទេស​អេហ្ស៊ីព​ កន្លែង​ដែល​កង​កម្លាំង​យោធា​មួយ​ជិតស្និទ្ធ​នឹង​ស.រ.អា​ បាន​បំពេញ​មុខងារ​ជាមួយ​នឹង​ការអត់ធ្មត់​ហើយ​បាន​សម្រួល​ការ​ផ្ទេរ​អំណាច​យ៉ាង​ស្ងាត់​ស្ងៀមមួយ​ ហើយ​នឹង​ប្រទេស​លីប៊ី​ កន្លែង​ដែល​កង​យោធា​កាត់ផ្តាច់​ចេញ​ពី​ស.រ.អា​ ត្រូវ​បាន​បែកបាក់​គ្នា​ និង​មាន​អង្គភាព​ខ្លះ​កំពុង​បាញ់​ប្រហារ​ទៅ​លើ​ពលរដ្ឋ​របស់​ខ្លួន​ផ្ទាល់។

លោក​ Robert Gates​ រដ្ឋមន្ត្រី​ការពារ​ប្រទេស​ ស.រ.អា​ បាន​ថ្លែង​ទៅ​កាន់​ការប្រជុំ​នោះ​ថា​ ឧត្តមសេនីយ​ Ward​ និង​ក្រុម​របស់​លោក​បាន​បង្ហាញ​ឲ្យ​ឃើញថា​ការបង្កើត​បញ្ជាការ​នៅ​ទ្វីប​អាហ្វ្រិក​មិនបាន​ធ្វើ​ឲ្យ​មាន​សកម្មភាព​យោធា​ស.រ.អា​ច្រើន​លើ​ទ្វីប​នោះទេ​ ឬ​នាំ​ឲ្យ​មាន​គោល​នយោបាយ​យោធា​ស.រ.អា​ ឆ្ពោះ​ទៅ​កាន់​ទ្វីប​អាហ្វ្រិក​ក៏​ទេ​ដែរ។​ លោក​ក៏​បាន​ថ្លែង​អំពី​ការ​បះបោរនៅ​ក្នុង​អាហ្វ្រិក​ខាងជើង​ផង​ដែរ។

«នៅ​ក្នុង​អាហ្វ្រិក​ខាងជើង​ យើង​ឃើញ​មនុស្ស​ប្រយុទ្ធគ្នា​ដើម្បី​ការផ្លាស់ប្តូរ​នយោបាយ​ ចេញ​ពី​ការបដិវត្តន៍​មួយ​នៅ​ក្នុង​ប្រទេស​លីប៊ី​ ទៅ​ប្រទេស​ស៊ូដង់​ខាងត្បូង​ ប្រជាជាតិ​ថ្មីមួយ​ក៏​បាន​លេច​រូបរាង​ឡើង។​ នៅ​ពាសពេញទាំង​តំបន់​ ប្រជាជាតិ​កំពុង​ពុះពារ​ឲ្យ​ ដល់​ប្រជាជន​ដែល​កើន​យ៉ាងលឿន​របស់​ខ្លួន​ នូវ​សេរីភាព​ ភាព​ចាំបាច់​ជា​មូលដ្ឋាន​ និង​ឱកាស​ធំទូលាយ​ នៅ​ពេល​ប្រយុទ្ធ​ទល់នឹង​ការបំផ្លាញ​ដោយ​ភេរវកម្ម​ អំពើ​ពុករលួយ​ និង​ចោរកម្ម​តាម​សមុទ្រ។​បញ្ជាការទ័ព​ក្នុង​ទ្វីប​អាហ្វ្រិក​ ឬ​ Africom​ ត្រូវតែ​បន្ត​មុខនាទី​របស់​ខ្លួន​នៅ​ក្នុង​ការ​លើកស្ទួយ​ការវិវត្តន៍​នេះ​ ទប់ស្កាត់​ការប្រយុទ្ធ​គ្នា​ និង​គាំទ្រ​ស្ថិរភាព​ជា​គោល»។

មេបញ្ជាការ​ថ្មី​នៃ​បញ្ជាការទ័ព​ក្នុង​ទ្វីប​អាហ្វ្រិក​ លោក​ឧត្តមសេនីយ​ Carter Ham​ បាន​មាន​ប្រសាសន៍​ថា​ លោក​មាន​បំណង​រក្សា​ទុក​កិច្ចការ​ដែល​លោក​ឧត្តមសេនីយ​ Ward​ បាន​បង្កើត​ឡើង។

លោក​ឧត្តមសេនីយ​ Ham​ ធ្លាប់​បាន​បំរើ​មុខងារ​ជា​មេបញ្ជាការ​របស់​កងកម្លាំង​ស.រ.អា​នៅ​ក្នុង​ទ្វីប​អឺរ៉ុប​រយៈ​ពីរ​ឆ្នាំ​កន្លះ​កន្លង​ទៅនេះ​ ហើយ​លោក​ធ្លាប់​មាន​ករណីយកិច្ច​បញ្ជាការ​ច្រើន​ និង​មាន​បេសកកម្ម​នៅ​មន្ទីរ​ប៉ង់តាហ្គោន​ច្រើន។

បញ្ជាការទ័ព​ក្នុង​ទ្វីប​អាហ្វ្រិក​មាន​កង​យោធា​ពិសេស​រកគ្មាន​មួយ​ និង​រចនា​សម្ព័ន្ធ​ស៊ីវិល​ដែល​រៀបចំ​ឡើង​ សម្រាប់​ធ្វើ​ឲ្យ​មាន​សហប្រតិបត្តិការ​ ឲ្យ​បាន​ច្រើន​ ជាមួយនឹង​ប្រទេស​៥៣​នៃ​ទ្វីប​អាហ្វ្រិក។​ បញ្ជាការទ័ព​នោះ​មាន​មនុស្ស​ប្រមាណ​ពីរពាន់​នាក់​ ពាក់​កណ្តាល​នៃ​ចំនួន​នេះ​ជា​ជនស៊ីវិល​ ហើយ​មនុស្ស​តែ​១០០នាក់​ប៉ុណ្ណោះ​ដែល​ប្រចាំការ​ជា​អចិន្ត្រៃយ៍​ នៅ​ក្នុង​បណ្តា​ប្រទេស​អាហ្វ្រិក។

ប្រែសម្រួល​ដោយ​ នុច សារីតា

XS
SM
MD
LG