ភ្ជាប់​ទៅ​គេហទំព័រ​ទាក់ទង

លោក​នាយករដ្ឋ​មន្រ្តី​ជប៉ុន Shinzo Abe ​សង្ឃឹម​ថា​ កា​រលេង​កូន​ហ្គោល​អាច​បញ្ចុះ​បញ្ចូល​ប្រធានាធិបតី ដូណាល់​​ ត្រាំ


លោក Jim Mattis (រូប​ឆ្វេង) រដ្ឋ​មន្រ្តី​ការបរទេស​អាមេរិក​ចាប់​ដៃ​ជាមួយ​នឹង​លោក​នាយក​រដ្ឋ​មន្រ្តី​ជប៉ុន Shinzo Abe នៅ​ក្នុង​វិមាន​នាយក​រដ្ឋ​មន្រ្តី​កាលពី​ថ្ងៃទី៣ ខែកក្កដា ឆ្នាំ២០១៧។

ជំនួប​នៅ​ការិយាល័យ​ Oval ​ការ​ទទួល​ទានអាហារ​ថ្ងៃ​ត្រង់​នៅ​សេតវិមាន​ និង​ការ​លេង​កូន​ហ្គោលនៅ​រដ្ឋ Florida មាន​គោល​បំណង​បញ្ជាក់​ឡើង​វិញ​ប្រាប់​មេដឹកនាំ​ជប៉ុន​ថា ​រដ្ឋបាល​របស់​លោក​ត្រាំ​ឈរ​ជាមួយ​សម្ព័ន្ធ​មិត្តដោយ​ការ​ប្រគៀក​ស្មា​គ្នា​១០០ភាគរយ ​នេះ​តាម​ការ​បញ្ជាក់​របស់​មន្រ្តី​រដ្ឋបាល​សហរដ្ឋ​អាមេរិក​កាល​ពី​ថ្ងៃ​សុក្រ។

លោក​នាយក​រដ្ឋ​មន្រ្តី​ជប៉ុន Shinzo Abe ​ទៅ​ដល់​រដ្ឋធានី​វ៉ាស៊ីនតោន​កាល​ពី​រសៀល​ថ្ងៃ​ព្រហស្បតិ៍​មួយ​ថ្ងៃ​មុន​លោក​ក្លាយ​ជា​មេដឹកនាំ​បរទេស​ទី២​ដែល​បាន​ជួប​ជា​ផ្លូវ​ការ​ជាមួយ​ប្រធានាធិបតី​សហរដ្ឋ​អាមេរិក ​ដូណាល់ ​ត្រាំ។

កាលពី​ពេល​មុន លោក​នាយករដ្ឋ​មន្រ្តី​ Abe ​ស្វះស្វែង​ធ្វើ​ឲ្យ​មាន​ទំនាក់​ទំនង​ល្អ​ជាមួយ​នឹង​លោក​ប្រធានាធិបតី​ជាប់​ឆ្នោត ដូណាល់ ​ត្រាំ ​ហើយ​បាន​ធ្វើ​ដំណើរ​តាម​យន្តហោះ​ទៅ​កាន់​ទីក្រុង​ញូវយ៉ក​ដើម្បី​ជួប​ជាមួយ​លោក​ត្រាំកាល​ពី​ខែវិច្ឆិកា ​ភ្លាមៗ​បន្ទាប់​ពី​ជ័យ​ជម្នះនៅ​ក្នុង​ការ​បោះ​ឆ្នោត​ដ៏​ភ្ញាក់​ផ្អើល​របស់​ពាណិជ្ជករ​រូប​នេះ។

យោង​តាមពួក​មន្រ្តី​យោធា​សហរដ្ឋ​អាមេរិក ​មក​ពី​ភាព​ជិត​ស្និទ្ធ​គ្នា​យ៉ាង​ខ្លាំងក្នុង​ចំណង​ទាក់​ទង​ខាង​យោធា​ និង​ពាណិជ្ជកម្ម ​ជប៉ុន​មិន​មាន​ជម្រើស​ទេ ​ក៏ប៉ុន្តែ​ត្រូវ​ស្វែងរក​ការ​ទាក់​ទង​គ្នា​ដ៏​ល្អ​ជាមួយ​ប្រធានាធិបតី​សហរដ្ឋ​អាមេរិក។

ក៏ប៉ុន្តែ ​ជប៉ុន​មាន​ការ​មិន​ស្ងប់​ចិត្ត​ពី​សុន្ទរកថា​របស់​លោក​ត្រាំ​កាល​ពី​ពេល​មុន ​ហើយ​និង​ផលប៉ះពាល់​ទៅ​លើ​តំបន់​អាស៊ី​ខាង​កើត។

ក្នុង​អំឡុង​ពេល​នៃ​យុទ្ធនាការ​ឃោសនា​បោះ​ឆ្នោត ​លោក​ដូណាល់ ត្រាំ ​ដែល​ជា​បេក្ខជន​ប្រធានាធិបតី​ខាង​គណបក្ស​សាធារណរដ្ឋ ​បាន​អំពាវនាវ​ឲ្យ​សម្ព័ន្ធ​មិត្តរបស់​អាមេរិក​បង់​ប្រាក់​ចំណែករបស់​ខ្លួន​កាន់​តែ​ច្រើន​ឡើង​សម្រាប់​ឲ្យ​អាមេរិក​បោះ​ទី​តាំងនៅ​ទី​នោះ៕

XS
SM
MD
LG