អាមេរិក និងចិនព្យាយាមបន្ធូរបន្ថយភាពតានតឹង ខណៈតៃវ៉ាន់នៅតែជាចំណុចក្តៅ
ឆ្នាំដ៏ច្របូកច្របល់នៅក្នុងទំនាក់ទំនងរវាងសហរដ្ឋអាមេរិក និងចិនបានឈានដល់ចំណុចខ្ពស់នៅក្នុងកិច្ចពិភាក្សារវាងមេដឹកនាំប្រទេសទាំងពីរនៅខាងក្រៅកិច្ចប្រជុំកំពូល APEC នៅទីក្រុង San Francisco សហរដ្ឋអាមេរិក ក្នុងខែវិច្ឆិកា។ នៅទីនោះ ប្រធានាធិបតីចិន លោក Xi Jinping បានប្រាប់ប្រធានាធិបតីសហរដ្ឋអាមេរិក លោក Joe Biden ថា តៃវ៉ាន់គឺជាបញ្ហារសើបបំផុតនៅក្នុងទំនាក់ទំនងទ្វេភាគីរបស់ភាគីទាំងពីរ។ អ្នកស្រី Nike Ching ប្រធានការិយាល័យ VOA ប្រចាំក្រសួងការបរទេសអាមេរិក រាយការណ៍អំពីកត្តានានាដែលកោះតៃវ៉ាន់ជះឥទ្ធិពលក្នុងទំនាក់ទំនងរវាងប្រទេសមហាអំណាចទាំងពីរ។ លោក សុខ ខេមរា ជូនសេចក្តីប្រែសម្រួល៕
