ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

មហាសេដ្ឋី​ពាណិជ្ជកម្ម​មីយ៉ាន់ម៉ា​គាំទ្រ​គម្រោង​កសាង​រដ្ឋ Rakhine ឡើង​វិញ


លោកស្រី​រដ្ឋ​មន្ត្រី​ក្រសួង​ការបរទេស Aung San Suu Kyi ថ្លែង​ទៅ​កាន់​សារព័ត៌មាន ក្នុង​បែល​សន្និស្នីទ​កាតសែត​មួយ​ជាមួយ​នឹង​រដ្ឋ​មន្ត្រី​ការបរទេស Taro Kono នៅ​ក្រសួង​ការបរទេស​ក្នុង​ក្រុង Naypyitaw កាលពី​ថ្ងៃទី១២ ខែមករា ឆ្នាំ២០១៨។

មេដឹកនាំ​ពាណិជ្ជកម្ម​កំពូល​នានា​នៅ​ក្នុង​ប្រទេស​មីយ៉ាន់ម៉ា​បាន​រួម​គ្នា​គាំទ្រ​គម្រោង​របស់​ទីប្រឹក្សា​រដ្ឋ​លោកស្រី Aung San Suu Kyi សម្រាប់​រដ្ឋ Rakhine ដែល​គម្រោង​នេះ​នឹង​ចំណាយ​ថវិកា និង​ធនធាន​លើ​កិច្ច​ប្រឹងប្រែង​សំខាន់ៗ​ដើម្បី​សម្រួល​ដល់​ការ​តាំង​ទី​លំនៅ​ជា​ថ្មី​របស់​ជន​ភៀស​ខ្លួន Rohingya និង​ការ​កសាង​ឡើង​វិញ​នូវ​ហេដ្ឋារចនាសម្ព័ន្ធ។

ទីភ្នាក់ងារ​រដ្ឋាភិបាល​មួយ​ដែល​ដឹកនាំ​ដោយ​លោកស្រី Aung San Suu Kyi ក៏​កំពុងតែ​ទាក់ទាញ​ការ​វិនិយោគ​ពី​ឯកជន​លើ​តំបន់​មួយ​ដែល​មិន​សូវ​មាន​មនុស្ស​មនុស្ស​ច្រើន​រស់នៅ។ ការ​វាយ​ប្រហារ​របស់​ពួក​សកម្ម​ប្រយុទ្ធ Rohingya លើ​ប៉ុស្តិ៍​ប៉ូលិស​កាល​ពី​ខែ​សីហា ឆ្នាំ​មុន បាន​បង្ក​ឲ្យ​មាន​ការ​បង្ក្រាប​ពី​សំណាក់​យោធា​មីយ៉ាន់ម៉ា ដែល​ការ​បង្ក្រាប​នេះ​បាន​ធ្វើ​ឲ្យ​ជាតិ​សាសន៍​ជាង ៦ សែន ៥ ម៉ឺន​នាក់​គេច​ចេញ​ទៅ​កាន់​ប្រទេស​បង់ក្លាដែស។

ឧត្ដមស្នងការ​អង្គការ​សហប្រជាជាតិ​ទទួល​បន្ទុក​ជន​ភៀស​ខ្លួន UNHCR បាន​បញ្ជាក់​ប្រាប់ VOA ថា៖ «ស្ថានភាព​នៅ​ក្នុង​រដ្ឋ Rakhine នៅ​តែ​មិន​ទាន់​រួចរាល់​ពេញលេញ​សម្រាប់​ឲ្យ​ជន​ភៀស​ខ្លួន Rohingya ធ្វើ​ដំណើរ​ត្រឡប់​ទៅ​កាន់​ផ្ទះ​សម្បែង​របស់​ពួកគេ​វិញ​ដោយ​សុវត្ថិភាព​នោះ​ទេ‍»។

ការ​ធ្វើ​មាតុភូមិ​និវត្តន៍​របស់​ជន​ភៀស​ខ្លួន Rohingya នេះ ត្រូវ​បាន​ពន្យារ​ពេល ហើយ​មេដឹកនាំ​សហគមន៍ Rohingya បាន​ទាមទារ​សំណង​ជា​ដី​សហគមន៍ ដំណោះស្រាយ​ផ្លូវ​ច្បាប់​សម្រាប់​អំពើ​ឃោរឃៅ​យង់ឃ្នង​របស់​ពួក​យោធា​មីយ៉ាន់ម៉ា និង​សិទ្ធិ​ទទួល​បាន​សញ្ជាតិ ជា​លក្ខខ័ណ្ឌ​កំណត់​ទុក​ជា​មុន។

រដ្ឋាភិបាល​ស៊ីវិល​មីយ៉ាន់ម៉ា​ដែល​ដឹកនាំ​ដោយ​គណបក្ស​សម្ព័ន្ធ​ជាតិ​ដើម្បី​លទ្ធិ​ប្រជាធិបតេយ្យ​របស់​លោកស្រី Aung San Suu Kyi ត្រូវ​បាន​រារាំង​តាម​រដ្ឋធម្មនុញ្ញ​មិន​ឲ្យ​មាន​សិទ្ធិ​ធ្វើ​យ៉ាង​ណា​ឲ្យ​ពួក​យោធា​ទទួល​ខុស​ត្រូវ​ចំពោះ​មុខ​ច្បាប់។ រដ្ឋាភិបាល​នេះ​បាន​ព្យាយាម​គ្រប់គ្រង​តាម​វិធីសាស្ត្រ​ផ្សេង ដែល​ជា​ចម្បង​គឺ​តាម​រយៈ​ការិយាល័យ​សហគ្រាស​សហជីព​ដើម្បី​ជំនួយ​មនុស្សធម៌ ការ​តាំង​ទី​លំនៅ​ជា​ថ្មី និង​ការ​អភិវឌ្ឍ​នៅ​ក្នុង​រដ្ឋ Rakhine៕

XS
SM
MD
LG