ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កងទ័ព​តួកគី​ប្រកាស​ថា​ ខ្លួន​ត្រៀម​លក្ខណៈ​រួចរាល់​ ​ដើម្បី​ចាប់ផ្តើម​ប្រតិបត្តិការបង្ក្រាប​កងកម្លំាង​ឃឺត​នៅ​ស៊ីរី


រថក្រោះតួកគីត្រូវ​បាន​បញ្ជូន​ទៅ​ទីតាំងថ្មី​តាម​បណ្តោយ​ព្រំដែនតួកគី និងស៊ីរី នៅខេត្ត Sanliurfa ប្រទេស​តួកគី កាលពីថ្ងៃទី០៨ ខែតុលា ឆ្នាំ២០១៩។
រថក្រោះតួកគីត្រូវ​បាន​បញ្ជូន​ទៅ​ទីតាំងថ្មី​តាម​បណ្តោយ​ព្រំដែនតួកគី និងស៊ីរី នៅខេត្ត Sanliurfa ប្រទេស​តួកគី កាលពីថ្ងៃទី០៨ ខែតុលា ឆ្នាំ២០១៩។

កងប្រដាប់​អាវុធ​តួកគី​បាន​បញ្ជាក់​ដូច្នេះ​ថា «កងទ័ព​ដ៏​អង់អាចរបស់​យើង​ត្រៀម​លក្ខណៈ​រួចរាល់​ហើយ​ សម្រាប់​ចាប់ផ្តើម​ប្រតិបត្តិការ​នៅ​តំបន់សុវត្ថិភាព»។

ក្រុមមន្រ្តី​យោធា​តួកគី​បាន​និយាយ​ថា​ ទាហាន​របស់​ពួកគេ​ត្រៀម​លក្ខណៈ​រួចរាល់​ហើយ​ដើម្បី​ចាប់ផ្តើម​វាយលុក​ចូល​ប្រទេសស៊ីរី​ ដើម្បី​បង្ក្រាប​កងកម្លាំង​ឃឺត​ ដែល​រដ្ឋាភិបាល​ក្រុងអង់ការ៉ា​ចាត់ទុក​ថា​ជា​ក្រុមភេរវកម្ម​ ប៉ុន្តែ​ត្រូវ​បាន​ប្រទេស​លោក​ខាងលិច​យល់​ថា​ជា​ដៃគូ​ដ៏​សំខាន់​នៅក្នុង​ការវាយប្រយុទ្ធ​ប្រឆាំង​នឹង​ក្រុមភេរវកម្ម​រដ្ឋ​ឥស្លាម។

កងប្រដាប់​អាវុធ​តួកគី​បាន​បង្ហោះ​សារ​កាល​ពី​យប់​ថ្ងៃអង្គារ​ ដោយ​សច្ចា​ថា​នឹង​ប្រយុទ្ធ​ប្រឆាំង​នឹង​អ្វី​ដែល​ពួកគេ​ហៅ​ជា​ក្រុមភេរវកម្ម​ឃឺត​ ព្រមទាំង​ប្រឆាំង​នឹង​រដ្ឋឥស្លាម​ជាមួយ​នឹង​ការ​តាំងចិត្ត។

កងប្រដាប់​អាវុធ​តួកគី​បាន​បញ្ជាក់​ដូច្នេះ​ថា «កងទ័ព​ដ៏​អង់អាចរបស់​យើង​ត្រៀម​លក្ខណៈ​រួចរាល់​ហើយ​ សម្រាប់​ចាប់ផ្តើម​ប្រតិបត្តិការ​នៅ​តំបន់សុវត្ថិភាព»។

លោក Fahrettin Altun នាយក​ផ្នែក​ទំនាក់ទំនង​របស់​លោកប្រធានាធិបតី Recep Tayyip Erdogan បាន​សរសេរ​នៅក្នុង​វិចារណកថា​ និង​ការបញ្ចេញ​មតិ​នៅក្នុង​កាសែត Washington Post ថា​ កងកម្លាំង​តួកគី​សហការ​ជាមួយ​នឹង​កងទ័ព​រំដោះ​ស៊ីរី​ ហើយភ្លាមៗ​នឹង​ត្រូវ​ឆ្លង​ចូល​ព្រំដែន​រវាង​តួកគី​និង​ស៊ីរី។

លោក Altun បាន​អំពាវនាវ​ដល់​សហគមន៍​អន្តរជាតិ​ឲ្យ​គាំទ្រ​កិច្ចខំប្រឹងប្រែង​របស់​តួកគីក្នុងការ​ស្តារស្ថេរភាព​ឡើងវិញ​ និង​បាន​និយាយ​ទៀត​ថា​មហិច្ឆតា​តែមួយ​គត់​របស់តួកគី​នៅ​ប្រទេសស៊ីរី​គឺ​បន្សាប​ការគំរាមកំហែង​ដែល​មាន​ជាយូរ​មក​ហើយ​ប្រឆាំង​នឹងពលរដ្ឋ​តួកគី។

កងកម្លាំង​ប្រជាធិបតេយ្យ​ស៊ីរី​ដែល​គាំទ្រ​ដោយ​សហរដ្ឋអាមេរិក​ បាន​ចេញ​ការអំពាវនាវ​របស់​ខ្លួន​ដល់​អ្នក​ជាប់ពាក់ព័ន្ធ​នៅក្នុង​កងកម្លាំង​ចម្រុះ​ឲ្យ​បង្រ្កាប​រដ្ឋឥស្លាម ​និង​អំពាវនាវ​ដល់​ប្រជាជាតិ​ផ្សេងទៀត​នៅក្នុង​ពិភពលោក​ធ្វើ​យ៉ាងណា​ជៀសវាង​កុំ​ឲ្យមាន​គ្រោះ​មហន្តរាយ​មនុស្សធម៌​នៅ​ភាគខាងជើង​ប្រទេសស៊ីរី៕

XS
SM
MD
LG