ភ្ជាប់​ទៅ​គេហទំព័រ​ទាក់ទង

logo-print
ព័ត៌មាន​​ថ្មី

លោក Trump ៖ ​ផល​ប្រយោជន៍​របស់​អាមេរិក​មាន​សារៈសំខាន់​ជាង​​ការ​ដាក់ទណ្ឌកម្ម​អាជ្ញាធរ​​​​អារ៉ាប៊ីសាអូឌីត​អំពី​ការ​ធ្វើឃាត​អ្នក​កាសែត​​ម្នាក់


លោក​ប្រធានាធិបតី​ស.រ.អា Donald Trump និយាយទៅកាន់ក្រុមអ្នកសារព័ត៌មាននៅសេតវិមាន កាលពីថ្ងៃទី២០ ខែវិ​ច្ឆិកា ឆ្នាំ២០១៨។ 

លោក​ Trump បាន​ប្រកាស​ថា​ «យើង​ឈរ​ជាមួយ​ប្រទេស​អារ៉ាប៊ីសាអូឌីត»។

លោក​ប្រធានាធិបតី​ស.រ.អា Donald Trump បាននិយាយ​ថា ​ការ​បែរ​ខ្នង​ដាក់​ប្រទេសអារ៉ាប៊ីសាអូឌីត​ ទោះណា​ជា​អាជ្ញាធរ​នៃ​ប្រទេស​នេះ​មាន​ការ​ទទួល​ខុស​ត្រូវដល់​ការ​សម្លាប់​អ្នកសារព័ត៌មានម្នាក់​មាន​មូលដ្ឋាននៅ​ក្នុង​ស.រ.អា​ក៏​ដោយ​ជា «កំហុស​ដ៏​អាក្រក់​មួយ»។

នៅ​មុនពេល​លោក​ចាក​ចេញ​ដំណើរ​ទៅ​ប្រារព្ធ​ពិធី​បុណ្យ​រំឭក​គុណ​ព្រះអាទិទេព ​ដែល​ភាសា​អង់គ្លេសហៅ​ថា​ពិធី​បុណ្យ Thanksgiving លោក Trump បាន​និយាយ​ប្រាប់​ក្រុមអ្នកកាសែត​នៅ​ឯ​សេតវិមានថា ​សន្តិសុខ​ជាតិ​ និង​ផលប្រយោជន៍​ខាង​សេដ្ឋកិច្ច​មាន​សារៈសំខាន់​ជាង​កង្វល់​ខាង​សិទ្ធិមនុស្ស។​

លោក​ Trump បាន​ប្រកាស​ថា​ «យើង​ឈរ​ជាមួយ​ប្រទេស​អារ៉ាប៊ីសាអូឌីត»។

លោក​បាន​កត់​សម្គាល់​ថា ការ​ដែលព្រះរាជាណាចក្រ​នេះ​ប្រឆាំង​នឹង​ប្រទេស​អ៊ីរ៉ង់ និង​ការដែល​ប្រទេស​នេះ​ទិញ​គ្រឿង​ឧបករណ៍​យោធា​អាមេរិកាំង​ បើ​តាមលោកប្រធានាធិបតី​មានន័យ​ថា​ «ជា​ការ​ធ្វើឱ្យមាន​ការងារ​រាប់សែន​និង ប្រាក់វិនិយោគ​រាប់ពាន់​លាន​ដុល្លារ​ថែមទៀតផង»។

លោក​ Trump បាននិយាយ​ថា ​ប្រទេស​រុស្សី​និង​ប្រទេស​ចិន «នឹង​មិនទទួល​កាដូនេះទេ»។ លោកបានថ្លែង​បន្ថែម​ថា​ ប្រេង​ឥន្ធនៈនឹង​ឡើង​ថ្លៃ​ ប្រសិនបើ​មានការ​បែក​បាក់​ទំនាក់ទំនងរវាង​ស.រ.អា​ និងប្រទេស​អារ៉ាប៊ីសាអូឌីត៕

XS
SM
MD
LG