លោក Trump បង្ហាញការគាំទ្រខ្លាំងចំពោះការពាក់ម៉ាស
ខណៈសហរដ្ឋអាមេរិក កំពុងបន្តប្រឈមនឹងការកើនឡើងនៃការឆ្លងរាតត្បាតនៃជំងឺកូវីដ១៩ និងស្របពេលដែលការស្ទង់មតិថ្នាក់ជាតិនានាបង្ហាញថា ពលរដ្ឋអាមេរិកាំងជាច្រើនមិនពេញចិត្តនឹងវិធានការរបស់លោកប្រធានាធិបតី Donald Trump នៅក្នុងការដោះស្រាយបញ្ហាឆ្លងរាតត្បាតនេះ លោក Trump កាលពីថ្ងៃអង្គារ បានបង្ហាញវត្តមានសារជាថ្មីនៅក្នុងសន្និសីទកាសែតស្តីពីវីរុសកូរ៉ូណា និងបានថ្លែងគាំទ្រយ៉ាងខ្លាំងចំពោះការពាក់ម៉ាស។ អ្នកឆ្លើយឆ្លងព័ត៌មានរបស់វីអូអេប្រចាំសេតវិមាន អ្នកស្រី Patsy Widakuswara រាយការណ៍អំពីរឿងនេះពីរដ្ឋធានីវ៉ាស៊ីនតោន។ លោក ជឹង ប៉ូជីន ជូនសេចក្តីប្រែសម្រួល៕
