ភ្ជាប់​ទៅ​គេហទំព័រ​ទាក់ទង

logo-print
ព័ត៌មាន​​ថ្មី

លោក​ Trump ហាក់ដូចជា​ដក​ថយ​ពី​ការ​គំរាម​កំហែង​បិទ​រដ្ឋាភិបាល


រូបឯកសារ៖ ប្រធានាធិបតីអាមេរិកលោក Donald Trump

លោក​ Trump បាននិយាយ​ប្រាប់ពួក​អ្នកកាសែត​កាលពី​ថ្ងៃ​អង្គារ​ថា​ «យើង​នឹង​ឃើញ​អ្វី​ដែល​កើតមាន​ឡើង។ វា​ជា​ការ​ឆាប់រហ័ស​ពេកដោយ​និយាយ​អំពី​រឿងនេះ។ ​យើង​ត្រូវការ​ឱ្យមាន​សន្តិសុខព្រំដែន»។

ក្រុម​មេដឹកនាំ​សភា​ស.រ.អាខាង​គណបក្ស​សាធារណរដ្ឋ​និង​គណបក្ស​ប្រជាធិបតេយ្យ​ប្រមូល​ផ្តុំ​គ្នា​នៅ​ក្នុង​វិមានសភា​ Capitol Hill ដើម្បី​ស្វះស្វែង​ឱ្យមាន​ការ​សម្រប​សម្រួល​គ្នា​មួយ​នៅពេល​ដែលលោកប្រធានាធិបតី Donald Trump ហាក់​ដូចជា​ដក​ថយ​ពីការ​គំរាម​កំហែង​របស់លោក​ក្នុងការ​បង្ខិតបង្ខំ​បិទ​រដ្ឋាភិបាល​នៅ​ពេល​បន្ទាប់​មក​ទៀត​ក្នុង​សប្តាហ៍នេះ។

នៅ​ក្រោយ​លោក​បាននិយាយ​កាល​ពី​សប្តាហ៍​មុន​ថា​ លោក«មានមោទនភាព» ក្នុង​ការ​បិទផ្នែក​ខ្លះ​នៃ​រដ្ឋាភិបាល​ដោយសារ​មានការ​ទាមទារ​របស់​លោក​ឱ្យមាន​ជញ្ជាំង​ព្រំដែនមួយ។

លោក​ Trump បាននិយាយ​ប្រាប់ពួក​អ្នកកាសែត​កាលពី​ថ្ងៃ​អង្គារ​ថា​ «យើង​នឹង​ឃើញ​អ្វី​ដែល​កើតមាន​ឡើង។ វា​ជា​ការ​ឆាប់រហ័ស​ពេកដោយ​និយាយ​អំពី​រឿងនេះ។ ​យើង​ត្រូវការ​ឱ្យមាន​សន្តិសុខព្រំដែន»។

រដ្ឋាភិបាល​សហព័ន្ធ​នឹង​ចាប់ផ្តើម​កាត់បន្ថយកិច្ចប្រតិបត្តិការ​មិន​ចាំបាច់នៅ​ថ្ងៃ​សុក្រ ប្រសិនបើ​សភា​និង​សេតវិមាន​មិនអាច​យល់ស្រប​គ្នា​បានអំពី​សេចក្តី​ព្រៀង​ច្បាប់​ចំណាយ​សម្រាប់​រយៈពេល​យូរ ឬ​សម្រាប់រយៈពេល​ខ្លី។​

បុគ្គលិករដ្ឋការ​សហព័ន្ធ​ជាង ៨សែន​នាក់នឹង​ត្រូវឱ្យ​ឈប់​ធ្វើការ​ជា​បណ្តោះអាសន្ន ឬ​មួយ​ធ្វើការ​ដោយ​មិន​បានទទួល​ប្រាក់ខែទេ ដែល​ជា​អ្វី​ដែល​គ្មាន​នរណា​ម្នាក់​ចង់ឱ្យមានទេ​ក្នុង​ពេលមួយអាទិត្យ​មុន​បុណ្យណូអែល។​

លោក​ Trump ចង់​បាន​ប្រាក់៥ពាន់លាន​ដុល្លារដើម្បី​ស្ថាបនាជញ្ជាំង​មួយ​តាមព្រំដែន​រវាង​ស.រ.អា​ និងប្រទេស​ម៉ិចស៊ិក​ក៏​ប៉ុន្តែ​មេដឹកនាំ​គណបក្សប្រជាធិបតេយ្យ​នៅ​ក្នុង​សភា​តំណាង​រាស្ត្រ​អាមេរិកាំង​ និង​ព្រឹទ្ធសភា​ស.រ.អា​បាន​ប្រកែក​។​

កាលពី​ថ្ងៃ​អង្គារ​ លោក​ Mitch McConnell មេដឹកនាំ​ក្រុមភាគ​ច្រើន​ខាង​គណបក្សសាធារណរដ្ឋ​នៅក្នុង​ព្រឹទ្ធសភា​បាន​ស្នើ​ប្រាក់១ពាន់៦រយ​លាន​ដុល្លារ​សម្រាប់​ការស្ថាបនារបងព្រំដែន ដែល​ជា​ទឹកប្រាក់​បានត្រូវ​យល់ព្រម​រួចហើយ​នៅក្នុងសេចក្តីព្រៀង​ច្បាប់មួយ​របស់គណបក្សទាំងពីរអំពី​សន្តិសុខ​មាតុភូមិ និងប្រាក់បន្ថែមចំនួន១ពាន់លានដុល្លារទៀត​ ដែល​លោក Trump អាចប្រើប្រាស់នៅ​តាមព្រំដែន។

លោក McConnell បានហៅសំណើនេះថា ​«សមហេតុផល»។ ក៏ប៉ុន្តែ​មេដឹកនាំគណបក្ស​ប្រជាធិបតេយ្យ​ថា​ ទេ៕

XS
SM
MD
LG