ភ្ជាប់​ទៅ​គេហទំព័រ​ទាក់ទង

របាការណ៍​បាន​​ឲ្យ​ដឹង​ថា ចំនួន​និស្សិត​អន្តរជាតិ​នៅ​ក្នុង​សហរដ្ឋ​អាមេរិក​កើន​ឡើង​ចំនួន​២​ភាគរយ


រូបឯកសារ៖ និស្សិត​សាលា​ច្បាប់​អបអរ​សាទរ​ពេល​បញ្ចប់​ការ​សិក្សា​និង​ទទួល​សញ្ញាប័ត្រ​នៅ​សាកល​វិទ្យាល័យ Harvard University ក្នុង​រដ្ឋ ​Massachusetts។

ចំនួន​និស្សិត​អន្តរជាតិ​ដែល​កំពុង​ស្វែង​រក​ការ​សិក្សា​ជាន​ខ្ពស់​នៅ​ក្នុង​សហរដ្ឋ​អាមេរិក​បាន​កើន​ឡើង​ទៅ​ដល់​ចំនួន​១លាន​១សែន​៨​ម៉ឺន​នាក់ ​ដោយ​បាន​កើន​ឡើង​ចំនួន​២​ភាគរយ ​បើ​ប្រៀប​ធៀប​ទៅ​នឹង​កាល​ពី​ខែ​មិនា​ឆ្នាំ​ទៅ។

នេះ​យោង​តាម​របាយការណ៍​ថ្មី​មួយ​ស្តី​ពីទិន្នន័យ​និស្សិត​ដែល​បាន​ចេញ​ផ្សាយនៅ​សប្តាហ៍​នេះ​ដោយ​កម្មវិធី​និស្សិត​និង​ការផ្លាស់​ប្តូរ​និស្សិត​ឬ ​SEVP ​ដែល​ជា​អង្គភាព​មួយ​ស្ថិត​នៅ​ក្នុងផ្នែក​អន្តោ​ប្រវេសន៍​និង​គយ។

របាយការណ៍​នោះ​បាន​ប្រាប់​ឲ្យ​ដឹងថា ​និស្សិត​ភាគ​ច្រើន​នៃ​និស្សិត​ទាំង​នោះ​គឺ​ចំនួន​៧០​ភាគរយ​មក​ទ្វីប​អាស៊ី។

  • និស្សិត​អន្តរជាតិ​ច្រើន​ជាង​គេ​បង្អស់​មក​ប្រទេសចិន​មាន​ចំនួន​ច្រើន​ជាង​៣​សែន​៦​ម៉ឺន​២​ពាន់​នាក់ ​ហើយ​និង​និស្សិត​ឥណ្ឌាមាន​ជិត​២​សែន​៧​ពាន់​នាក់។
  • ប្រទេស​នេប៉ាល់​ក៏មាន​និស្សិត​កើន​ឡើង​យ៉ាង​ខ្លាំង​គឺ​កើន​ឡើង​ចំនួន​១៨​ភាគរយ។
  • ប្រទេស​អារ៉ាប៊ី​សាអូឌីត​ដែល​បាន​ធ្លាក់​ចុះ​ចំនួន​១៩​ភាគរយ បន្ត​ស្ថិត​ក្នុង​លំដាប់​ថ្នាក់​ទី៤​ដែល​មាន​ចំនួន​និស្សិត​នៅ​ក្នុង​សហរដ្ឋ​អាមេរិក​ជិត​៥ម៉ឺន​៦​ពាន់​នាក់។
  • និស្សិត​អន្តរជាតិ​ផ្សេង​ទៀត​ចំនួន​៥​សែន​១ម៉ឺន​៤​ពាន់​នាក់​ឬ​ចំនួន​៤៣​ភាគរយ ​បាន​បន្ត​ការ​សិក្សា​ផ្នែក​វិទ្យាសាស្រ្ត បច្ចេក​វិទ្យា ​វិស្វកម្ម​ឬ​គណិតវិទ្យា។
  • និស្សិត​អាស៊ី​ចំនួន​៤៩​ភាគរយ​កំពុង​បន្ត​ការ​សិក្សាយក​សញ្ញាប័ត្រ​ខាង​វិទ្យាសាស្រ្ត។
  • រដ្ឋ​កាលីហ្វ័រញ៉ា ញូវយ៉ក​និង​រដ្ឋ​តិចសាស ​មាន​ចំនួននិស្សិត​អន្តរជាតិ​ច្រើន​ជាង​គេ​បំផុត៕
XS
SM
MD
LG