ភ្ជាប់​ទៅ​គេហទំព័រ​ទាក់ទង

ព្រះ​អដ្ឋិធាតុ​​របស់​អតីត​ព្រះមហាក្សត្រ​ថៃ​ត្រូវ​បាន​យក​ទៅ​តម្កល់


ស្តេច Maha Vajiralongkorn របស់​ព្រះ​រាជាណាចក្រ​ថៃ​ចូលរួម​ក្នុង​ពិធិ​បុណ្យ​សព​នៃ​ស្តេច Bhumibol Adulyadej នៅ​ក្នុង​ក្រុង​បាងកក កាលពី​ថ្ងៃទី២៦ ខែតុលា ឆ្នាំ២០១៧។

ឆ្អឹង ​និងអដ្ឋិធាតុ​ដែល​នៅ​សេសសល់​ក្រោយ​ពី​បូជា​សព​របស់​អតីត​ព្រះមហាក្សត្រ​ថៃ Bhumibol Adulyedaj ត្រូវ​បាន​យក​ទៅ​តម្កល់​កាល​ពី​ថ្ងៃ​អាទិត្យ ដើម្បី​បញ្ចប់​ពិធី​បុណ្យ​សព​រយៈពេល​៥​ថ្ងៃ បន្ទាប់​ពី​កាន់​ទុក្ខ​ជា​ផ្លូវការ​អស់​រយៈពេល​មួយ​ឆ្នាំ​រួច​មក។ ​

ពិធី​បុណ្យសព​នេះ​មាន​ការ​ចូលរួម​ពី​មនុស្ស​រាប់សែន​នាក់​ដែល​បាន​ទៅ​កាន់​ដងផ្លូវ​នានា​ក្នុង​ទីក្រុង បាងកក ហើយ​មនុស្ស​រាប់លាន​នាក់​ទៀត​បាន​នាំ​គ្នា​ទៅ​កាន់​ទី​សក្ការៈបូជានានា​នៅ​ទូទាំង​ប្រទេស​ថៃ។

ព្រះនាង Sirivannavari Nariratana បាននាំមុខការដង្ហែរក្បួនចុងក្រោយបង្អស់ដោយជិះសេះទៅកាន់វត្ត Rajabopidh និងវត្ត Bovoranives ដែលប្រារព្ធពិធីលក្ខណៈសាសនា ដើម្បីដាក់តម្កល់ព្រះអដ្ឋិធាតុរបស់សម្តេចតារបស់ព្រះនាង។

ស្តេច Bhumibol បាន​ឡើង​កាន់​អំណាច​កាល​ពី​ឆ្នាំ​ ១៩៤៦ បន្ទាប់​ពី​ម្ចាស់​បង​របស់​ទ្រង់​ព្រះនាម Ananda Mahidol បាន​សោយទិវង្គត ហើយ​ទ្រង់​បាន​ក្លាយ​ជា​ស្តេច​មួយ​អង្គ ដែល​កាន់​តំណែង​បាន​យូរ​បំផុត នៅ​ពេល​ដែល​ទ្រង់​សោយទិវង្គត។ ទ្រង់​ត្រូវ​បាន​ចាត់​ទុក​ថា​ជា​អាទិទេព ចំពោះ​ការ​ដឹកនាំ​របស់​ទ្រង់។ ​

មនុស្ស​រាប់​រយ​នាក់​បាន​សំរាក​នៅ​ក្នុង​តង់​អស់​រយៈពេល​រហូត​ដល់​មួយ​សប្តាហ៍ ដោយ​សង្ឃឹម​ថា នឹង​អាច​មើល​ពិធី​ដង្ហែ​សព​របស់​ទ្រង់​ដែល​បាន​ប្រព្រឹត្ត​ទៅ​ជាមួយ​នឹង​បរិយាកាស​ដែល​មាន​ពពក​ពណ៌ប្រផេះ​និង​មាន​ថ្ងៃ​រះ​ខ្លះៗ។ ពិធី​បុណ្យសព​នោះបាន​ប្រព្រឹត្ត​ទៅ​ដោយ​មាន​ការ​ចូលរួម​ពី​គណៈប្រតិភូ​មក​ពី​តំបន់​អាស៊ី អឺរ៉ុប អាហ្វ្រិក អូស្ត្រាលី និង​សហរដ្ឋអាមេរិក​ផង​ដែរ។ ​ទ្រង់​បាន​កើត​នៅ​ក្នុង​ទីក្រុង Cambridge រដ្ឋ Massachusetts សហរដ្ឋអាមេរិក៕

XS
SM
MD
LG