ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ខ្មាន់​កាំភ្លើង​ជាប់​សង្ស័យ​នៅ​ក្នុង​ការ​បាញ់​ប្រហារ​លើ​វិហារ​នឹង​បង្ហាញ​ខ្លួន​នៅ​តុលាការ


Dylann Roof ​អាយុ២១​ឆ្នាំ​ ដែល​បាន​ស្ថិត​នៅ​ក្នុង​ការ​ឃុំ​ឃាំង​របស់​ទីភ្នាក់​ងារ FBI បាន​ត្រូវ​ដឹកតាម​យន្តហោះ​​ទៅ​កាន់រដ្ឋ South Carolinaវិញ​កាល​ពី​ថ្ងៃ​ព្រហស្បតិ៍។
Dylann Roof ​អាយុ២១​ឆ្នាំ​ ដែល​បាន​ស្ថិត​នៅ​ក្នុង​ការ​ឃុំ​ឃាំង​របស់​ទីភ្នាក់​ងារ FBI បាន​ត្រូវ​ដឹកតាម​យន្តហោះ​​ទៅ​កាន់រដ្ឋ South Carolinaវិញ​កាល​ពី​ថ្ងៃ​ព្រហស្បតិ៍។

ជនសង្ស័យ​ស្បែក​សម្នាក់​នៅក្នុង​ការ​សម្លាប់​រង្គាល​នៅ​ព្រះ​វិហារ​គ្រឹស្តសាសនា​ជា​ប្រវត្តិសាស្រ្ត​របស់​ជន​ជាតិ​ស្បែក​ខ្មៅ ​មាន​គម្រោង​បង្ហាញ​ខ្លួន​នៅ​តុលាការ​នៅ​ថ្ងៃសុក្រ​នេះ​ដើម្បី​ធ្វើ​សវនាការ​ដាក់​ប្រាក់​ធានា​ក្រៅ​ឃុំឃាំង​ ​នៅពេល​ដែល​ក្រុម​អា​ជ្ញាធរ​សហព័ន្ធ ​បន្តស៊ើប​អង្កេត​ពី​ការ​សម្លាប់​នោះ​ដែល​អាច​ជា​ឧក្រិដ្ឋកម្ម​សម្អប់។

Dylann Roof ​អាយុ២១​ឆ្នាំ​ ដែល​បាន​ស្ថិត​នៅ​ក្នុង​ការ​ឃុំ​ឃាំង​របស់​ទីភ្នាក់​ងារ FBI បាន​ត្រូវ​ដឹកតាម​យន្តហោះទៅ​កាន់រដ្ឋ South Carolinaវិញ​កាល​ពី​ថ្ងៃ​ព្រហស្បតិ៍។ ជន​នោះ ​បាន​បើក​រថយន្ត​ទៅ​កាន់​រដ្ឋ North Carolina ដែល​ស្ថិត​នៅ​ផ្នែក​ខាង​ត្បូង​ស.រ.អា​ ​បន្ទាប់​ពី​រង​ការ​ចោទ​ប្រកាន់​ពី​ការ​ធ្វើ​ឃាត​អ្នកសូត្រ​ធម៌​៩​នាក់ ​ដែល​រួម​មាន​ស្រ្តី​អាយុ​៨៧​ឆ្នាំ​ម្នាក់ ​ហើយ​៣​នាក់​ទៀត​បាន​រង​របួស​នៅ​ខាង​ក្នុង​ព្រះ​វិហារ​គ្រឹស្តសាសនា Emanuel African Methodist Episcopal ​នៅ​ក្នុង​ទីក្រុង Charleston​កាល​ពី​ថ្ងៃ​ពុធ។

ប៉ូលិស​បាន​និយាយ​ថា Roof ​បាន​ដើរចូល​ក្នុង​ព្រះ​វិហារ​គ្រឹស្តសាសនា ​ហើយ​បាន​អង្គុយ​យ៉ាង​ស្ងាត់​ស្ងៀម​អស់​រយៈ​ពេល​មួយ​ម៉ោង​ក្នុង​អំឡុងពេល​នៃការ​សិក្សា​ព្រះគម្ពីរ​ ប៊ីប (Bible) មុន​ពេល​ក្រោក​ឈរ​ហើយ​និយាយ​ថា ​ខ្លួន​ត្រូវ​តែ​សម្លាប់​ពួក​ស្បែក​ខ្មៅ។

សាច់ញាតិ​ម្នាក់​របស់​ជន​រង​គ្រោះ​បាន​ប្រាប់​ទូរទស្សន៍​ខ្សែ​កាប CNNថា ​អ្នក​នៅ​រស់​រាន​មាន​ជីវិត​ម្នាក់​បាន​ប្រាប់​អ្នកស្រី​ថាRoof ​បាន​ប្រាប់​ក្រុម​សិក្សា​ព្រះ​គម្ពីរ​ប៊ីប នោះដែលសុទ្ធ​តែ​ជាជន​ជាតិ​ស្បែក​ខ្មៅ​ទាំងអស់ថា «ពួក​អ្នក​ឯង​បានចាប់​រំលោភ​ស្រ្តី​របស់​យើង ​ហើយ​ពួក​អ្នក​ឯង​កំពុង​កាន់​កាប់​ប្រទេស​របស់​យើង។ ខ្ញុំ​ត្រូវ​តែ​ធ្វើ​អ្វីដែល​ខ្ញុំ ​ត្រូវ​ធ្វើ»។

ទីភ្នាក់​ងារ​ព័ត៌មាន Associated Press បាន​ដកស្រង់សម្តី​របស់​មិត្តភក្តិ​ម្នាក់​របស់ Roof ដែលមាន​ទំនាក់​ទំនង​ឡើងវិញ​កាល​ពី​ពេល​ថ្មី​ៗ​នេះ​ជាមួយ​ជន​នោះ មក​ចុះ​ផ្សាយថា ​ជន​សង្ស័យ​បាន​ត្អូញត្អែរ​ថា ​ពួក​ស្បែក​ខ្មៅ​កំពុង​កាន់​កាប់​ពិភពលោក ​ហើយ​ថា​គេ ​ចាំបាច់​ធ្វើ​អ្វី​មួយ​សម្រាប់​ជាតិ​សាសន៍​ស្បែក​ស៕

XS
SM
MD
LG