ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

Live blog: ស្ថានភាពនៅ​អាហ្វហ្គានីស្ថាន

ទទួល​បាន​ព័ត៌មាន​ថ្មីៗ​ចុងក្រោយ​បង្អស់​អំពី​ស្ថានភាព​ក្នុង​ប្រទេស​អាហ្វហ្កានីស្ថាន។


យន្ដហោះ​យោធា​មួយ​គ្រឿង​របស់​សហរដ្ឋ​អាមេរិក​ហោះ​ចេញ​ពី​អាកាសយានដ្ឋាន​អន្តរជាតិ Hamid Karzai ក្នុង​រដ្ឋធានី​វ៉ាស៊ីនតោន ប្រទេស​អាហ្វហ្គានីស្ថាន ថ្ងៃទី៣០ ខែសីហា ឆ្នាំ២០២១។ (AP Photo/Wali Sabawoon)
04:46 1.9.2021

ក្រោយ​ការ​ដក​ទ័ព​អស់ លោក Biden នៅ​តែ​ការពារ​ការ​សម្រេច​របស់​លោក​ក្នុង​ការ​បញ្ចប់​សង្គ្រាម​នៅ​អាហ្វហ្គានីស្ថាន

ប្រធានាធិបតី​សហរដ្ឋ​អាមេរិក លោក Joe Biden ថ្លែង​អំពី​ការ​បញ្ចប់​សង្គ្រាម​របស់​សហរដ្ឋ​អាមេរិក​ក្នុង​ប្រទេស​អាហ្វហ្គានីស្ថាន នៅ​សេតវិមាន រដ្ឋធានី​វ៉ាស៊ីនតោន ថ្ងៃទី៣១ ខែសីហា ឆ្នាំ២០២១។ (AP Photo/Evan Vucci)
ប្រធានាធិបតី​សហរដ្ឋ​អាមេរិក លោក Joe Biden ថ្លែង​អំពី​ការ​បញ្ចប់​សង្គ្រាម​របស់​សហរដ្ឋ​អាមេរិក​ក្នុង​ប្រទេស​អាហ្វហ្គានីស្ថាន នៅ​សេតវិមាន រដ្ឋធានី​វ៉ាស៊ីនតោន ថ្ងៃទី៣១ ខែសីហា ឆ្នាំ២០២១។ (AP Photo/Evan Vucci)

ប្រធានាធិបតី​សហរដ្ឋ​អាមេរិក​លោក Joe Biden កាល​ពី​ថ្ងៃ​អង្គារ ​បាន​ថ្លែង​ការពារ​ជា​ថ្មី​នូវ​សេចក្តី​សម្រេច​របស់​លោក​ក្នុង​ការ​បញ្ចប់​សង្គ្រាម​រយៈ​ពេល​ពីរ​ទសវត្សរ៍​របស់​អាមេរិក​នៅ​ក្នុង​ប្រទេស​អាហ្វហ្គានីស្ថាន ដោយ​លោក​ថ្លែង​ថា៖ «ខ្ញុំ​ប្តេជ្ញា​ថា​នឹង​មិនបន្ត​អូសបន្លាយ​សង្គ្រាម​ដែល​មិន​ចេះ​ចប់​នេះ​ទេ ហើយ​ខ្ញុំ​ក៏​នឹងមិន​បន្ត​អូសបន្លាយ​ការ​ដក​[ទ័ព]​ចេញ​ដែល​មិន​ចេះ​ចប់​នេះ​ដែរ»។

ថ្លែងទៅ​កាន់​ប្រទេស​ជាតិ​ពី​សេតវិមាន លោក ​Biden ថា៖ «កាល​ពី​យប់​មិញ សហរដ្ឋ​អាមេរិក​បាន​បញ្ចប់​សង្គ្រាម​រយៈ​ពេល​២០​ឆ្នាំ​នៅ​ក្នុង​ប្រទេស​អាហ្វហ្គានីស្ថាន»។ ​លោក​ថ្លែង​បន្ថែម​ថា នេះ​គឺ​ជា​សង្គ្រាម​យូរ​បំផុត​របស់​សហរដ្ឋ​អាមេរិក។

ព័ត៌មាន​លម្អិត

21:09 31.8.2021

លោក Biden នឹង​ថ្លែង​ទៅ​កាន់​ប្រជាជាតិ​បន្ទាប់ពី​សហរដ្ឋ​អាមេរិក​បញ្ចប់​សង្គ្រាម​ជា​ផ្លូវការ​នៅ​អាហ្វហ្គានីស្ថាន

ប្រធានាធិបតី​សហរដ្ឋ​អាមេរិក​លោក Joe Biden គ្រោង​នឹង​ថ្លែង​ទៅកាន់​ប្រជាជាតិ​នៅ​ថ្ងៃ​អង្គារ​នេះ បន្ទាប់ពី​កងទ័ព​អាមេរិក​ចុង​ក្រោយ​បាន​ដក​ចេញ​ពី​ប្រទេស​អាហ្វហ្គានីស្ថាន និង​បន្ទាប់ពី​សហរដ្ឋ​អាមេរិក​បាន​បញ្ចប់​សង្គ្រាម​ពីរ​ទសវត្សរ៍​ជា​ផ្លូវការ​នៅ​ទីនោះ។

ព័ត៌មាន​លម្អិត

09:25 31.8.2021

សហរដ្ឋ​អាមេរិក​បញ្ចប់​បេសកកម្ម​ដក​កង​យោធា​របស់​ខ្លួន​ចេញ​ពី​អាហ្វហ្គានីស្ថាន ក្រោយ​សង្គ្រាម​រយៈពេល ២០ ឆ្នាំ

នៅ​ក្នុង​រូប​ថត​នេះ​ដែល​ផ្ដល់​ដោយ​បញ្ជាការដ្ឋាន​កណ្ដាល​របស់​សហរដ្ឋ​អាមេរិក​នេះ បង្ហាញ​រូប​លោក​ឧត្តមសេនីយ៍ Chris Donahue ដែល​ជា​មេបញ្ជាការ​យោធាផ្លូវ​អាកាស​របស់​សហរដ្ឋ​អាមេរិក កំពុង​ដើរ​ឡើង​លើ​យន្ដហោះ​ប្រភេទ C-17 នៅ​អាកាសយានដ្ឋាន​អន្តរជាតិ Hamid Karzai ក្នុង​រដ្ឋធានី​កាប៊ុល ប្រទេស​អាហ្វហ្គានីស្ថាន កាល​ពី​ថ្ងៃ​ចន្ទ ទី៣០ ខែ​សីហា​។ លោក​គឺ​ជាទាហានសហរដ្ឋ​អាមេរិក​ចុង​ក្រោយ​បង្អស់​ដែល​ចាកចេញ​ពី​ប្រទេស​អាហ្វហ្គានីស្ថាន។ ​ (U.S. Central Command via AP)
នៅ​ក្នុង​រូប​ថត​នេះ​ដែល​ផ្ដល់​ដោយ​បញ្ជាការដ្ឋាន​កណ្ដាល​របស់​សហរដ្ឋ​អាមេរិក​នេះ បង្ហាញ​រូប​លោក​ឧត្តមសេនីយ៍ Chris Donahue ដែល​ជា​មេបញ្ជាការ​យោធាផ្លូវ​អាកាស​របស់​សហរដ្ឋ​អាមេរិក កំពុង​ដើរ​ឡើង​លើ​យន្ដហោះ​ប្រភេទ C-17 នៅ​អាកាសយានដ្ឋាន​អន្តរជាតិ Hamid Karzai ក្នុង​រដ្ឋធានី​កាប៊ុល ប្រទេស​អាហ្វហ្គានីស្ថាន កាល​ពី​ថ្ងៃ​ចន្ទ ទី៣០ ខែ​សីហា​។ លោក​គឺ​ជាទាហានសហរដ្ឋ​អាមេរិក​ចុង​ក្រោយ​បង្អស់​ដែល​ចាកចេញ​ពី​ប្រទេស​អាហ្វហ្គានីស្ថាន។ ​ (U.S. Central Command via AP)
ពន្លឺ​ពី​គ្រាប់​កាំភ្លើង​ដែលត្រូវ​បាន​បាញ់​ឡើង​ទៅ​លើ​នៅ​ពេល​យប់​ដើម្បី​អបអរ​សាទរ ក្រោយ​ពេល​ដែល​យន្ដហោះយោធា​ចុងក្រោយ​របស់​សហរដ្ឋ​អាមេរិក​ហោះ​ចេញ​ពី​រដ្ឋធានី​កាប៊ុល ប្រទេស​អាហ្វហ្គានីស្ថាន នៅ​ថ្ងៃ​ទី​៣១ ខែសីហា ឆ្នាំ២០២១ ម៉ោង​ក្នុង​ប្រទេស​អាហ្វហ្គានីស្ថាន។ (AFP)
ពន្លឺ​ពី​គ្រាប់​កាំភ្លើង​ដែលត្រូវ​បាន​បាញ់​ឡើង​ទៅ​លើ​នៅ​ពេល​យប់​ដើម្បី​អបអរ​សាទរ ក្រោយ​ពេល​ដែល​យន្ដហោះយោធា​ចុងក្រោយ​របស់​សហរដ្ឋ​អាមេរិក​ហោះ​ចេញ​ពី​រដ្ឋធានី​កាប៊ុល ប្រទេស​អាហ្វហ្គានីស្ថាន នៅ​ថ្ងៃ​ទី​៣១ ខែសីហា ឆ្នាំ២០២១ ម៉ោង​ក្នុង​ប្រទេស​អាហ្វហ្គានីស្ថាន។ (AFP)

សហរដ្ឋ​អាមេរិក​បាន​បញ្ចប់​ការ​ដក​កង​យោធា​របស់​ខ្លួន​ចេញ​ពី​ប្រទេស​អាហ្វហ្គានីស្ថាន​កាល​ពី​ថ្ងៃ​ចន្ទ ទី៣០ ខែ​សីហា ដែល​នេះ​ជា​ការ​បញ្ចប់​សង្គ្រាម​រយៈពេល​២០​ឆ្នាំ​នៅ​ក្នុង​ប្រទេស​នេះ ហើយ​ក្រុម​សកម្មប្រយុទ្ធ​តាលីបង់​ត្រឡប់​មក​កាន់​អំណាច​នៅ​អាហ្វហ្គានីស្ថាន​ជាថ្មី​ទៀត។

មាន​ការ​បាញ់​កាំភ្លើង​ឡើង​ទៅ​លើ​មេឃ​នៅ​ក្នុង​រដ្ឋធានី​កាប៊ុល បន្ទាប់​ពីសហរដ្ឋ​អាមេរិក​បាន​ដក​កង​យោធា​ចុង​ក្រោយ​របស់​ខ្លួន​ចេញ​ពី​ប្រទេស​អាហ្វហ្គានីស្ថាន ដោយ​បញ្ចប់​នូវ​សង្គ្រាម​រយៈពេល​យូរ​បំផុត​របស់​សហរដ្ឋ​អាមេរិក​នៅ​ក្នុង​ប្រទេស​នេះ៕

05:26 31.8.2021

មន្ត្រី​អាមេរិក​និង​តាលីបង់៖ យោធា​អាមេរិក​ចុង​ក្រោយ​នៅ​អាហ្វហ្គានីស្ថាន​ត្រូវ​បាន​ដក​ចេញ​អស់​ហើយ

យោធា​របស់​សហរដ្ឋ​អាមេរិក​ដែល​ត្រូវ​បាន​ដាក់​បញ្ឈរជើង​រយៈ​ពេល​ពីរ​ទសវត្សរ៍​កន្លង​មក​នេះ​នៅ​ក្នុង​ប្រទេស​អាហ្វហ្គានីស្ថានត្រូវ​បាន​ដក​ចេញ​អស់​ហើយ។ នេះ​បើ​យោង​តាម​ការ​បញ្ជាក់​របស់​មន្ត្រី​សហរដ្ឋ​អាមេរិក​និង​ក្រុម​តាលីបង់។

លោក​ឧត្តម​សេនីយ៍ Frank McKenzie​ មេ​បញ្ជាការ​បញ្ជាការដ្ឋាន​កណ្តាល​សហរដ្ឋ​អាមេរិក ថ្លែង​ថា នៅ​មាន​ពលរដ្ឋ​អាមេរិកាំង​ក្នុង​ចំនួន​ប៉ុន្មាន​រយ​នាក់​ទៀត​កំពុង​ស្ថិត​នៅ​ក្នុង​ប្រទេស​អាហ្វហ្គានីស្ថាន​នៅ​ឡើយ ហើយលោក​ជឿ​ថា​ពួក​គេ​នឹង​នៅ​អាច​ចាក​ចេញ​ពី​ប្រទេស​នេះ​បាន។

ព័ត៌មាន​លម្អិត

ព័ត៌មាន​​​​​​ផ្សេង​​​ទៀត

XS
SM
MD
LG