វ៉ាស៊ីនតោន៖ ព្រះបាទ នរោត្តម សីហនុ បានសោយទីវង្គតចំនួន១០៩ថ្ងៃហើយគិតមកត្រឹមថ្ងៃព្រហស្បតិ៍នេះ។ ក្នុងរយៈពេលនេះបើទោះបីជាជីវភាពប្រចាំថ្ងៃរបស់ពលរដ្ឋខ្មែរមានដំណើរការទៅដូចធម្មតា ក៏ប៉ុន្តែផ្នែកមួយក្នុងអារម្មណ៍របស់ពួកគេបានដក់ជាប់នូវស្នាមនៃការបាត់បង់អង្គក្សត្រមួយដែលបានលះបង់ព្រះកាយពលដើម្បីជាតិ ពលរដ្ឋនិងសាសនាតាំងពីព្រះជន្ម១៩ព្រះវស្សារហូតដល់រំលត់ព្រះខន្ធចូលទិវង្គត។ ព្រះអង្គបានបន្សល់ទុកស្នាព្រះហស្ថជាច្រើនក្នុងវិស័យទាំងនេះ។
នៅថ្ងៃនេះលោកស្រី ពុង ឈីវកេក ប្រធានអង្គការសិទ្ធិមនុស្សលីកាដូនឹងពិភាក្សាដើម្បីឆ្លុះបញ្ចាំងពីកេរដំណែលរបស់ព្រះបាទនរោត្តម សីហនុ កាលពីព្រះអង្គនៅមានព្រះជន្មនៅឡើយ៕
ចំពោះអ្នក តើសម្តេចឪបានបន្សល់ស្នាព្រះហស្ថអ្វីសំខាន់ជាងគេ?
