ភ្នំពេញ —
ប្រទេសកម្ពុជានិងប្រទេសថៃបានចាប់ផ្តើមរិតបន្តឹងសន្តិសុខនៅតាមក្រវ៉ាត់ព្រំដែនដែលមានប្រវែងជាង៨០០គីឡូម៉ែត្ររវាងប្រទេសទាំងពីរ បន្ទាប់ពីមានរដ្ឋប្រហារដោយយោធានៅក្នុងប្រទេសថៃ។
ខេត្តនៅតាមក្រវ៉ាត់ព្រំដែនកម្ពុជា និងប្រទេសថៃទាំងអស់ ដែលរួមមានខេត្តកោះកុង ខេត្តប៉ៃលិន ខេត្តបាត់ដំបង ខេត្តបន្ទាយមានជ័យ និងខេត្តឧត្តរមានជ័យ ត្រូវបានមន្ត្រីរដ្ឋាភិបាលបញ្ជាក់ថា មានសភាពស្ងប់ស្ងាត់តែមិនសូវមានចរាចរណ៍មរមាញឹកដូចមុនព្រឹត្តិការណ៍រដ្ឋប្រហារដោយយោធាទេ។
លោក សំឃីត វៀន ស្នងការប៉ូលិសខេត្តកោះកុង មានប្រសាសន៍ថា នៅតាមបណ្តោយព្រំដែនខេត្តកោះកុង ការចេញចូលរបស់ប្រជាពលរដ្ឋដែលឆ្លងដែនទៅប្រទេសថៃមានសភាពជាធម្មតា ក៏ប៉ុន្តែអាជ្ញាធរថៃបានតម្រូវឲ្យពលរដ្ឋខ្មែរដែលឆ្លងដែនត្រូវមានលិខិតឆ្លងដែនត្រឹមត្រូវ ដោយសារតែសន្តិសុខនៅតាមព្រំដែនត្រូវបានរិតបន្តឹង។
ខេត្តកោះកុងមានច្រកអន្តរជាតិតែមួយគត់គឺច្រកចាំយាម ដែលមានព្រំប្រទល់ជាប់នឹងប្រទេសថៃ។
លោកសំឃីត វៀន មានប្រសាសន៍ថា កងកម្លាំងប្រដាប់អាវុធទាំងអស់ត្រូវបានណែនាំមិនឲ្យមានការចល័តកងទ័ព ដោយតម្រូវឲ្យឈរនៅលើទីតាំងរបស់ខ្លួនដដែល និងត្រូវបង្កើនកិច្ចសហប្រតិបត្តិការជាមួយភាគីថៃ។
លោកនិយាយថា៖ «កន្លងមក យើងបានទទួលការណែនាំពីអគ្គស្នងការចំពោះបញ្ហាតាមព្រំដែនគឺយើងនៅតែរក្សាភាពស្ងប់ស្ងាត់ដដែល ហើយនៅតែបង្កើនការពង្រឹងទំនាក់ទំនងជាមួយភាគីថៃជាធម្មតាទេ»។
មួយថ្ងៃៗ ពលរដ្ឋកម្ពុជាជាច្រើនរាប់រយនាក់តែងតែឆ្លងដែនទៅធ្វើការនិងលក់ដូរនៅផ្សារតាមក្រវ៉ាត់ព្រំដែននិងនៅក្នុងប្រទេសថៃ។
នៅថ្ងៃអង្គារនេះ ក្នុងពិធីចែកសញ្ញាប័ត្រដល់និសិ្សតនៅក្នុងទីក្រុងភ្នំពេញ លោកនាយករដ្ឋមន្ត្រីហ៊ុន សែនបានអំពាវនាវឲ្យប្រជាពលរដ្ឋ ដែលកំពុងរស់នៅក្នុងប្រទេសថៃ ត្រូវគោរពច្បាប់នៅក្នុងប្រទេសថៃ មិនត្រូវចូលរួមក្នុងសកម្មភាពគាំទ្រដល់ភាគីណាមួយទេ។
លោកនិយាយថា៖ «ហើយក៏កុំចូលរួមជាមួយ នឹងក្រុមណាមួយប្រឆាំងនឹងក្រុមណាមួយ។ កុំចូលរួមបាតុកម្មស្អីៗ រដ្ឋប្រហារ ឬមិនរដ្ឋប្រហារ ធ្វើបាតុកម្មស្អីៗ កុំ!។ យើងគិតពីការងាររបស់យើងទៅ»។
លោកគោ ស៊ុំសារឿត អភិបាលខេត្តបន្ទាយមានជ័យ ដែលមានព្រំដែនជាប់នឹងខេត្តស្រះកែវ ប្រទេសថៃ មានប្រសាសន៍ថា នៅក្នុងខេត្តបន្ទាយមានជ័យមានច្រកទ្វារព្រំដែនអន្តរជាតិប៉ោយប៉ែត្រមួយ និងច្រកតំបន់មានពីរ ហើយច្រកទាំងបីនេះមិនទាន់បានបិទនៅឡើយទេ។ ក៏ប៉ុន្តែគ្រាន់ការចេញចូលរបស់ពលរដ្ឋខ្មែរមានសភាពស្ងប់ស្ងាត់ជាងពេលធម្មតា។
លោកមានប្រសាសន៍ថា៖ «អ្នកឆ្លងទៅថៃ ឧទាហរណ៍ ទេសចរណ៍ ឬក៏ទៅទិញទំនិញស្អីៗ យើងតែងតែបញ្ជាក់ថា ឥឡូវប្រទេសគេស្ថិតនៅក្នុងច្បាប់អាជ្ញាសឹក ហើយគេបានប្រាប់យើង បើទៅត្រូវមានឯកសារធ្វើដំណើរ»។
ចំណែកលោកជិន វីរយុទ្ធ នាយករដ្ឋបាលសាលាខេត្តឧត្តរមានជ័យវិញ មានប្រសាសន៍ថា ច្រកទ្វារអន្តរជាតិអូរស្មាច់ និងច្រកជាំ ដែលមានព្រំដែនជាប់នឹងប្រទេសថៃ មិនបានបិទទេ ដោយឡែកការឆែកឆេរមានសភាពតឹងរឹងជាងពេលធម្មតា។ ចំណែកឯកងកម្លាំងប្រដាប់អាវុធគ្រាន់តែដាក់ឲ្យមានការឃ្លាំមើលតែប៉ុណ្ណោះ។
លោកមានប្រសាសន៍ថា៖ «ចំពោះបញ្ហាកងទ័ព យើងគ្រាន់តែមានការប្រុងប្រយ័ត្ន ហើយគ្រាន់តែមានការឃ្លាំមើលតែប៉ុណ្ណឹង។ យើងអត់មានអ្វីណាស់ណាទេ។ យើងមិនមានអីជាការកត់សម្គាល់ផង។ បញ្ហាហ្នឹងអត់មានអ្វីសម្រាប់យើងទេ»។
កាលពីថ្ងៃព្រហស្បតិ៍សប្តាហ៍មុន ប្រទេសថៃបានពើបប្រទះនឹងរដ្ឋប្រហារដោយយោធាសារជាថ្មីទៀត ដោយរំសាយរដ្ឋាភិបាលរបស់លោកស្រីយីង ឡាក់ស៊ីណាវ៉ាត់ ហើយក្រុមយោធា ដោយមានការគាំទ្រពីព្រះមហាក្សត្រ បានប្រកាសដាក់ប្រទេសថៃក្នុងច្បាប់អាជ្ញាសឹក និងគ្រប់គ្រងដោយយោធារហូតដល់មានការបង្កើតរដ្ឋាភិបាលថ្មីមួយ៕
ខេត្តនៅតាមក្រវ៉ាត់ព្រំដែនកម្ពុជា និងប្រទេសថៃទាំងអស់ ដែលរួមមានខេត្តកោះកុង ខេត្តប៉ៃលិន ខេត្តបាត់ដំបង ខេត្តបន្ទាយមានជ័យ និងខេត្តឧត្តរមានជ័យ ត្រូវបានមន្ត្រីរដ្ឋាភិបាលបញ្ជាក់ថា មានសភាពស្ងប់ស្ងាត់តែមិនសូវមានចរាចរណ៍មរមាញឹកដូចមុនព្រឹត្តិការណ៍រដ្ឋប្រហារដោយយោធាទេ។
លោក សំឃីត វៀន ស្នងការប៉ូលិសខេត្តកោះកុង មានប្រសាសន៍ថា នៅតាមបណ្តោយព្រំដែនខេត្តកោះកុង ការចេញចូលរបស់ប្រជាពលរដ្ឋដែលឆ្លងដែនទៅប្រទេសថៃមានសភាពជាធម្មតា ក៏ប៉ុន្តែអាជ្ញាធរថៃបានតម្រូវឲ្យពលរដ្ឋខ្មែរដែលឆ្លងដែនត្រូវមានលិខិតឆ្លងដែនត្រឹមត្រូវ ដោយសារតែសន្តិសុខនៅតាមព្រំដែនត្រូវបានរិតបន្តឹង។
ខេត្តកោះកុងមានច្រកអន្តរជាតិតែមួយគត់គឺច្រកចាំយាម ដែលមានព្រំប្រទល់ជាប់នឹងប្រទេសថៃ។
លោកសំឃីត វៀន មានប្រសាសន៍ថា កងកម្លាំងប្រដាប់អាវុធទាំងអស់ត្រូវបានណែនាំមិនឲ្យមានការចល័តកងទ័ព ដោយតម្រូវឲ្យឈរនៅលើទីតាំងរបស់ខ្លួនដដែល និងត្រូវបង្កើនកិច្ចសហប្រតិបត្តិការជាមួយភាគីថៃ។
លោកនិយាយថា៖ «កន្លងមក យើងបានទទួលការណែនាំពីអគ្គស្នងការចំពោះបញ្ហាតាមព្រំដែនគឺយើងនៅតែរក្សាភាពស្ងប់ស្ងាត់ដដែល ហើយនៅតែបង្កើនការពង្រឹងទំនាក់ទំនងជាមួយភាគីថៃជាធម្មតាទេ»។
មួយថ្ងៃៗ ពលរដ្ឋកម្ពុជាជាច្រើនរាប់រយនាក់តែងតែឆ្លងដែនទៅធ្វើការនិងលក់ដូរនៅផ្សារតាមក្រវ៉ាត់ព្រំដែននិងនៅក្នុងប្រទេសថៃ។
នៅថ្ងៃអង្គារនេះ ក្នុងពិធីចែកសញ្ញាប័ត្រដល់និសិ្សតនៅក្នុងទីក្រុងភ្នំពេញ លោកនាយករដ្ឋមន្ត្រីហ៊ុន សែនបានអំពាវនាវឲ្យប្រជាពលរដ្ឋ ដែលកំពុងរស់នៅក្នុងប្រទេសថៃ ត្រូវគោរពច្បាប់នៅក្នុងប្រទេសថៃ មិនត្រូវចូលរួមក្នុងសកម្មភាពគាំទ្រដល់ភាគីណាមួយទេ។
លោកនិយាយថា៖ «ហើយក៏កុំចូលរួមជាមួយ នឹងក្រុមណាមួយប្រឆាំងនឹងក្រុមណាមួយ។ កុំចូលរួមបាតុកម្មស្អីៗ រដ្ឋប្រហារ ឬមិនរដ្ឋប្រហារ ធ្វើបាតុកម្មស្អីៗ កុំ!។ យើងគិតពីការងាររបស់យើងទៅ»។
លោកគោ ស៊ុំសារឿត អភិបាលខេត្តបន្ទាយមានជ័យ ដែលមានព្រំដែនជាប់នឹងខេត្តស្រះកែវ ប្រទេសថៃ មានប្រសាសន៍ថា នៅក្នុងខេត្តបន្ទាយមានជ័យមានច្រកទ្វារព្រំដែនអន្តរជាតិប៉ោយប៉ែត្រមួយ និងច្រកតំបន់មានពីរ ហើយច្រកទាំងបីនេះមិនទាន់បានបិទនៅឡើយទេ។ ក៏ប៉ុន្តែគ្រាន់ការចេញចូលរបស់ពលរដ្ឋខ្មែរមានសភាពស្ងប់ស្ងាត់ជាងពេលធម្មតា។
លោកមានប្រសាសន៍ថា៖ «អ្នកឆ្លងទៅថៃ ឧទាហរណ៍ ទេសចរណ៍ ឬក៏ទៅទិញទំនិញស្អីៗ យើងតែងតែបញ្ជាក់ថា ឥឡូវប្រទេសគេស្ថិតនៅក្នុងច្បាប់អាជ្ញាសឹក ហើយគេបានប្រាប់យើង បើទៅត្រូវមានឯកសារធ្វើដំណើរ»។
ចំណែកលោកជិន វីរយុទ្ធ នាយករដ្ឋបាលសាលាខេត្តឧត្តរមានជ័យវិញ មានប្រសាសន៍ថា ច្រកទ្វារអន្តរជាតិអូរស្មាច់ និងច្រកជាំ ដែលមានព្រំដែនជាប់នឹងប្រទេសថៃ មិនបានបិទទេ ដោយឡែកការឆែកឆេរមានសភាពតឹងរឹងជាងពេលធម្មតា។ ចំណែកឯកងកម្លាំងប្រដាប់អាវុធគ្រាន់តែដាក់ឲ្យមានការឃ្លាំមើលតែប៉ុណ្ណោះ។
លោកមានប្រសាសន៍ថា៖ «ចំពោះបញ្ហាកងទ័ព យើងគ្រាន់តែមានការប្រុងប្រយ័ត្ន ហើយគ្រាន់តែមានការឃ្លាំមើលតែប៉ុណ្ណឹង។ យើងអត់មានអ្វីណាស់ណាទេ។ យើងមិនមានអីជាការកត់សម្គាល់ផង។ បញ្ហាហ្នឹងអត់មានអ្វីសម្រាប់យើងទេ»។
កាលពីថ្ងៃព្រហស្បតិ៍សប្តាហ៍មុន ប្រទេសថៃបានពើបប្រទះនឹងរដ្ឋប្រហារដោយយោធាសារជាថ្មីទៀត ដោយរំសាយរដ្ឋាភិបាលរបស់លោកស្រីយីង ឡាក់ស៊ីណាវ៉ាត់ ហើយក្រុមយោធា ដោយមានការគាំទ្រពីព្រះមហាក្សត្រ បានប្រកាសដាក់ប្រទេសថៃក្នុងច្បាប់អាជ្ញាសឹក និងគ្រប់គ្រងដោយយោធារហូតដល់មានការបង្កើតរដ្ឋាភិបាលថ្មីមួយ៕
