វ៉ាស៊ីនតោន —
អ្នកបើកនាវាជនជាតិវៀតណាមលោក Dang Van Nhan បានទុកឲ្យនៅឥតការងារធ្វើនៅស្រុកកំណើតរបស់លោកនៅឯប្រទេសវៀតណាមកណ្តាលដោយសារតែទូកនេសាទរបស់លោកស្ថិតនៅឯបាតសមុទ្រចិនខាងត្បូងនោះ។
មិនយូរប៉ុន្មានបន្ទាប់ពីឧបទ្ទវហេតុនៃការប៉ះទង្គិចរវាងទូកនេសាទរបស់លោកនិងនាវាចិនកាលពីខែមុន ជំនួយវិភាគទានចាប់ផ្តើមមកឲ្យលោកពីពាសពេញប្រទេស។ ប៉ុន្តែលុយទាំងនេះមិនមានគ្រប់គ្រាន់ក្នុងការជួយឲ្យគាត់សាងសង់នូវទូកនេសាទថ្មីមួយទៀតដែលមានតម្លៃ ២០០.០០០ដុល្លាររ ដើម្បីឲ្យគាត់ចាប់ផ្តើមដំណើរការជាថ្មីនោះបានទេ។
ខណៈពេលដែលវៀតណាមនិងចិនកំពុងបន្តធ្វើការចោទប្រកាន់គ្នាទៅវិញទៅមក លើអាកប្បកិរិយាដ៏គឃ្លើនរបស់ភាគីនិមួយៗ ភាពតានតឹងទាក់ទិននឹងជម្លោះនេះបានទម្លាក់បន្ទុកធ្ងន់មកលើអ្នកនេសាទដូចមានលោក ញ៉ាន នេះជាដើម។
អ្នកនេសាទវៀតណាមត្រូវបានអាជ្ញាធរជំរុញឲ្យរក្សាវត្តមានរបស់ខ្លួនក្នុងដែនសមុទ្រនេះដើម្បីការពារនូវអធិបតេយ្យភាពនិងបូរណភាពទឹកដីរបស់វៀតណាម។ ប៉ុន្តែអ្នករិះគន់និយាយាថា វាអាចធ្វើឲ្យអ្នកទាំងនោះស្ថិតក្នុងស្ថានភាពគ្រោះថ្នាក់ក្នុងអំឡុងពេលប្រឈមមុខដាក់គ្នាឥតស្រាកស្រាន្តរវាងប្រទេសជិតខាងទាំងពីរនេះ។
អ្នកបញ្ចេញមតិតាមបញ្តាញសង្គមខ្លះបានមានមតិកាន់តែធ្ងន់បន្ថែមពីនេះទៀត ដោយនិយាយថា រដ្ឋាភិបាលទីក្រុងហាណូយកំពុងប្រើប្រាស់អ្នកនេសាទទាំងនេះជាខែលមនុស្ស យ៉ាងណាមិញការចោទប្រកាន់នេះត្រូវបានមន្រ្តីវៀតណាមបដិសេធ។
លោក Tran Van Linh ប្រធានសមាគមនេសាទ Da Nang បានប្រាប់វីអូអេភាសាវៀតណាមថា អាជ្ញាធរមិនដែលបង្ខំញ៉ានឫអ្នកដទៃទៀតឲ្យស្ថិតក្នុងគ្រោះថ្នាក់នោះទេ។
«ពួកគេត្រូវបានស្នើសុំឲ្យការពារទឹកដីដោយបន្តការនេសាទនៅក្នុងទឹកដីរបស់យើង។ ពួកយើងបានប្រាប់ទៅអ្នកទាំងនោះថាឲ្យដកថយប្រសិនបើជួបជាមួយនឹងកងទ័ពចិននោះ។ ពួកគេត្រូវបានប្រាប់មិនឲ្យបង្កហេតុ ឬប្រព្រឹត្តនូវសកម្មភាពគឃ្លើនណាមួយទេ។ អ្វីដែលចិនបានធ្វើគឺដើម្បីបញ្ឈប់យើងមិនឲ្យបន្តនេសាទ ហើយពួកគេនឹងកាន់កាប់ដែនសមុទ្រនោះដោយមិនស្របច្បាប់»។
នៅសប្តាហ៍នេះ សភាជាតិវៀតណាម ចុះហត្ថលេខាផ្តល់នូវទឹកប្រាក់ចំនួន៧៥៦លានដុល្លារដើម្បីគាំទ្រកងទ័ពជើងទឹក និងក្រុមអ្នកនេសាទរបស់វៀតណាម។
សមាជិកសភាលោក Nguyen Si Cuong ដែលជាសមាជិកអចិន្រ្តៃយ៍ម្នាក់នៃគណកម្មាធិការច្បាប់របស់សភាជាតិ បានប្រាប់វីអូអេថា វាជាវិធានការចាំបាច់ណាស់។
លោកថ្លែងថា៖ «អ្នកនេសាទកំពុងតែប្រឈមមុខនឹងបញ្ហាលំបាកជាច្រើននៅឯសមុទ្រ ដូច្នេះហើយពួកយើងត្រូវតែជួយពួកគេធ្វើការរបស់ពួកគេ។ មិនមែនមានន័យថា ពួកយើងគាំទ្រអ្នកទាំងនោះឲ្យប្រថុយប្រថានប្រឈមមុខប្រឆាំងជាមួយកងកម្លាំងចិននោះទេ។
វរសេនីយ៍ឯក Nguyen Quang Trung មេបញ្ជាការប្រចាំនៅកងឆ្មាំសមុទ្រ Coast Guard តំបន់ទី២ ឯវៀតណាមកណ្តាល យល់ស្របនឹងមតិរបស់លោក Cuong ដោយលោកបាននិយាយថា ក្រុមពង្រឹងច្បាប់សមុទ្រ បានត្រូវដំឡើងកម្លាំងដើម្បីធានានូវសុវត្ថិភាពរបស់អ្នកនេសាទ។
រដ្ឋាភិបាលទីក្រុងហាណូយនិងរដ្ឋាភិបាលទីក្រុងប៉េកាំង បានធ្វើការចោទប្រកាន់គ្នាទៅវិញទៅមក ក្នុងការធ្វើឲ្យភាពតានតឹងមានកាន់តែខ្លាំងឡើង ចាប់តាំងពីការដាក់ការដ្ឋានប្រេងកាតរបស់ចិនទៅក្នុងសមុទ្រ ដែលប្រទេសទាំងពីរបានទាមទារ។
ចំណែកឯលោក ញ៉ានវិញបាននិយាយប្រាប់វីអូអេកាលពីសប្តាហ៍មុនថា លោកកំពុងតែរង់ចាំត្រឡប់ទៅសមុទ្រវិញក្នុងពេលឆាប់ៗនេះ។
វៀតណាមបាននិយាយថា ខ្លួនកំពុងត្រៀមផ្លាស់ប្តូរគ្របឈើនៃកងនាវានេសាទដោយដែកថែបជំនួសវិញដើម្បីបង្កើននូវសេចក្តីសង្ឈឹមឲ្យ ញ៉ាន និងអ្នកនេសាទដទៃទៀតដែលរស់នៅពឹងផ្អែកនឹងមហាសមុទ្រ។
ប្រែសម្រួលដោយ ស្រេង លក្ខិណា
មិនយូរប៉ុន្មានបន្ទាប់ពីឧបទ្ទវហេតុនៃការប៉ះទង្គិចរវាងទូកនេសាទរបស់លោកនិងនាវាចិនកាលពីខែមុន ជំនួយវិភាគទានចាប់ផ្តើមមកឲ្យលោកពីពាសពេញប្រទេស។ ប៉ុន្តែលុយទាំងនេះមិនមានគ្រប់គ្រាន់ក្នុងការជួយឲ្យគាត់សាងសង់នូវទូកនេសាទថ្មីមួយទៀតដែលមានតម្លៃ ២០០.០០០ដុល្លាររ ដើម្បីឲ្យគាត់ចាប់ផ្តើមដំណើរការជាថ្មីនោះបានទេ។
ខណៈពេលដែលវៀតណាមនិងចិនកំពុងបន្តធ្វើការចោទប្រកាន់គ្នាទៅវិញទៅមក លើអាកប្បកិរិយាដ៏គឃ្លើនរបស់ភាគីនិមួយៗ ភាពតានតឹងទាក់ទិននឹងជម្លោះនេះបានទម្លាក់បន្ទុកធ្ងន់មកលើអ្នកនេសាទដូចមានលោក ញ៉ាន នេះជាដើម។
អ្នកនេសាទវៀតណាមត្រូវបានអាជ្ញាធរជំរុញឲ្យរក្សាវត្តមានរបស់ខ្លួនក្នុងដែនសមុទ្រនេះដើម្បីការពារនូវអធិបតេយ្យភាពនិងបូរណភាពទឹកដីរបស់វៀតណាម។ ប៉ុន្តែអ្នករិះគន់និយាយាថា វាអាចធ្វើឲ្យអ្នកទាំងនោះស្ថិតក្នុងស្ថានភាពគ្រោះថ្នាក់ក្នុងអំឡុងពេលប្រឈមមុខដាក់គ្នាឥតស្រាកស្រាន្តរវាងប្រទេសជិតខាងទាំងពីរនេះ។
អ្នកបញ្ចេញមតិតាមបញ្តាញសង្គមខ្លះបានមានមតិកាន់តែធ្ងន់បន្ថែមពីនេះទៀត ដោយនិយាយថា រដ្ឋាភិបាលទីក្រុងហាណូយកំពុងប្រើប្រាស់អ្នកនេសាទទាំងនេះជាខែលមនុស្ស យ៉ាងណាមិញការចោទប្រកាន់នេះត្រូវបានមន្រ្តីវៀតណាមបដិសេធ។
លោក Tran Van Linh ប្រធានសមាគមនេសាទ Da Nang បានប្រាប់វីអូអេភាសាវៀតណាមថា អាជ្ញាធរមិនដែលបង្ខំញ៉ានឫអ្នកដទៃទៀតឲ្យស្ថិតក្នុងគ្រោះថ្នាក់នោះទេ។
«ពួកគេត្រូវបានស្នើសុំឲ្យការពារទឹកដីដោយបន្តការនេសាទនៅក្នុងទឹកដីរបស់យើង។ ពួកយើងបានប្រាប់ទៅអ្នកទាំងនោះថាឲ្យដកថយប្រសិនបើជួបជាមួយនឹងកងទ័ពចិននោះ។ ពួកគេត្រូវបានប្រាប់មិនឲ្យបង្កហេតុ ឬប្រព្រឹត្តនូវសកម្មភាពគឃ្លើនណាមួយទេ។ អ្វីដែលចិនបានធ្វើគឺដើម្បីបញ្ឈប់យើងមិនឲ្យបន្តនេសាទ ហើយពួកគេនឹងកាន់កាប់ដែនសមុទ្រនោះដោយមិនស្របច្បាប់»។
នៅសប្តាហ៍នេះ សភាជាតិវៀតណាម ចុះហត្ថលេខាផ្តល់នូវទឹកប្រាក់ចំនួន៧៥៦លានដុល្លារដើម្បីគាំទ្រកងទ័ពជើងទឹក និងក្រុមអ្នកនេសាទរបស់វៀតណាម។
សមាជិកសភាលោក Nguyen Si Cuong ដែលជាសមាជិកអចិន្រ្តៃយ៍ម្នាក់នៃគណកម្មាធិការច្បាប់របស់សភាជាតិ បានប្រាប់វីអូអេថា វាជាវិធានការចាំបាច់ណាស់។
លោកថ្លែងថា៖ «អ្នកនេសាទកំពុងតែប្រឈមមុខនឹងបញ្ហាលំបាកជាច្រើននៅឯសមុទ្រ ដូច្នេះហើយពួកយើងត្រូវតែជួយពួកគេធ្វើការរបស់ពួកគេ។ មិនមែនមានន័យថា ពួកយើងគាំទ្រអ្នកទាំងនោះឲ្យប្រថុយប្រថានប្រឈមមុខប្រឆាំងជាមួយកងកម្លាំងចិននោះទេ។
វរសេនីយ៍ឯក Nguyen Quang Trung មេបញ្ជាការប្រចាំនៅកងឆ្មាំសមុទ្រ Coast Guard តំបន់ទី២ ឯវៀតណាមកណ្តាល យល់ស្របនឹងមតិរបស់លោក Cuong ដោយលោកបាននិយាយថា ក្រុមពង្រឹងច្បាប់សមុទ្រ បានត្រូវដំឡើងកម្លាំងដើម្បីធានានូវសុវត្ថិភាពរបស់អ្នកនេសាទ។
រដ្ឋាភិបាលទីក្រុងហាណូយនិងរដ្ឋាភិបាលទីក្រុងប៉េកាំង បានធ្វើការចោទប្រកាន់គ្នាទៅវិញទៅមក ក្នុងការធ្វើឲ្យភាពតានតឹងមានកាន់តែខ្លាំងឡើង ចាប់តាំងពីការដាក់ការដ្ឋានប្រេងកាតរបស់ចិនទៅក្នុងសមុទ្រ ដែលប្រទេសទាំងពីរបានទាមទារ។
ចំណែកឯលោក ញ៉ានវិញបាននិយាយប្រាប់វីអូអេកាលពីសប្តាហ៍មុនថា លោកកំពុងតែរង់ចាំត្រឡប់ទៅសមុទ្រវិញក្នុងពេលឆាប់ៗនេះ។
វៀតណាមបាននិយាយថា ខ្លួនកំពុងត្រៀមផ្លាស់ប្តូរគ្របឈើនៃកងនាវានេសាទដោយដែកថែបជំនួសវិញដើម្បីបង្កើននូវសេចក្តីសង្ឈឹមឲ្យ ញ៉ាន និងអ្នកនេសាទដទៃទៀតដែលរស់នៅពឹងផ្អែកនឹងមហាសមុទ្រ។
ប្រែសម្រួលដោយ ស្រេង លក្ខិណា
