ភ្ជាប់​ទៅ​គេហទំព័រ​ទាក់ទង

ប្រទេស​រុស្ស៊ី​ បើក​ទ្វារ​ទៅ​រក​ទ្វីប​អាស៊ី​


ព្រះសង្ឃ​ព្រះពុទ្ធសាសនានិមន្តទៅ​ក្បែរព្រះវិហារព្រះ​ពុទ្ធសាសនា​​​មួយ​នៅក្នុង​ទីក្រុង​ អ៊ូឡង់ អ៊ូដេ​ ឋិតនៅចម្ងាយ​៧០​គីឡូម៉ែត្រ​ប៉ែក​អគ្នេយ៍នៃ​បឹង​ បៃខាល​។ រូបថត​នៅថ្ងៃ​ទី៣១​ខែ​​កក្កដា​​ឆ្នាំ​២០០៨។

កាល​ពី​ឆ្នាំ​មុន​ ប្រទេស​ចិន​បាន​ឡើង​ជំនួស​ប្រទេស​អាល្លឺម៉ង់​ជា​អ្នក​ដៃ​គូ​ពាណិជ្ជកម្ម​ដ៏​ធំ​បំផុត​របស់​ប្រទេស​រុស្ស៊ី។​ ឥឡូវ​នេះ​ នៅ​ពេល​ដែល​បំពង់​ប្រេង​និង​ឧស្ម័ន​របស់​រុស្ស៊ី​កំពុង​តែ​បែរ​តម្រង់​ទៅ​ទិស​ខាង​កើត​ វិមាន​ក្រឹមឡិន​ (Kremlin)​ ចង់​ប្តូរ​ទី​ក្រុង​មួយ​ដែល​នៅ​ជាប់​និង​មាត់​ទន្លេ​ នៅ​តាម​ផ្លូវ​អយស្ម័យយាន​ឆ្លង​កាត់​តំបន់​ស៊ីបេរី​ (Siberia)​ ឲ្យ​ទៅ​ជា​ទ្វារ​របស់​ទ្វីប​អាស៊ី​បើក​ចូល​ទៅ​ក្នុង​ប្រទេស​ រុស្ស៊ី។

សម្លេង​តូរ្យ​តន្រ្តី​ របាំ ​មុខ​មាត់​របស់​ជន​ជាតិ​មុងហ្គោលី​ (Mongolian)​ បាន​បង្ហាញ​សញ្ញា​ឲ្យ​ដឹង​ថា​ទី​ក្រុង​ចាស់​មួយ​នេះ​របស់ ប្រទេស​រុស្ស៊ី​ដែល​ស្ថិត​នៅ​តាម​ផ្លូវ​លំ​ដឹក​តែ​ ជា​ទី​ក្រុង​ដែល​មាន​ជន​ជាតិ​អាស៊ី​រស់​នៅ​ច្រើន។ អស់​រយៈ​ពេល​បី​សតវត្សរ៍​ ទី​ក្រុង​ អ៊ូឡង់​ អ៊ូដេ​ ជា​គ្រោះ​ថ្នាក់​មួយ​នៃ​រាជាធិរាជាណាចក្រ។​ ចរកជន​ ប៊ុរីយ៉ាចា​ (Buryat)​ ជា​ជន​ជាតិ​ ម៉ុងហ្គោលី​នៅ​ចុង​ខាង​ជើង​បំផុត​ ដែល​រស់​នៅ​ក្នុង​ព្រំដែន​របស់​ប្រទេស​រុស្ស៊ី។​ឥឡូវ​នេះ​សេដ្ឋកិច្ច​ទ្វីប​អាស៊ី​កំពុង​តែរីក​លូត​លាស់​យ៉ាង​រហ័ស​ ហើយ​វិមាន​ក្រឹមឡិន​កំពុង​បែរ​ងាក​ទៅ​ទិស​ខាង​កើត។

លោក​នាយក​រដ្ឋមន្រ្តី​ វ្លាឌីមារ ព្យូទិន​ (Vladimir Putin)​ បាន​ធ្វើ​ដំណើរ​តាម​យន្តហោះ​ឆ្លង​កាត់​តំបន់​ប្តូរ​ម៉ោង​ប្រាំ​ដង​ ដើម្បី​ទៅ​ជំរាប​មេ​ដឹកនាំ​ជន​ជាតិ​ប៊ុរីយ៉ាចា​ថា​ពួក​គេ​មាន​មុខ​នាទី​យុទ្ធសាស្រ្ត​មួយ​នៅ​ក្នុង​ការ​ស្ថាបនា​ទំនាក់​ទំនង​របស់​ប្រទេស​រុស្ស៊ី​ជា​មួយ​ទ្វីប​អាស៊ី។​ បេសកកម្ម​របស់​ពួក​គេ​គឺ​ត្រូវ​សង់​កំពង់ផែ​ជា​មិត្តភាព​មួយ​សម្រាប់​ឲ្យ​ទ្វីប​អាស៊ី​ចូល​មក​ក្នុង​ប្រទេស​រុស្ស៊ី។

លោក​មាន​ប្រសាសន៍​ថា​ ការ​បញ្ចូល​សាធារណរដ្ឋ​ ប៊ុរីយ៉ាចា​ មក​ក្នុង​ប្រទេស​រុស្ស៊ី​គឺ​ពិត​ជា​មាន​សារៈសំខាន់​ខាង​ភូមិសាស្រ្ត​នយោបាយ​ដ៏​ធំ​មួយ​ ដោយ​ឥត​សង្ស័យ​ឡើយ។ សាធារណរដ្ឋ​នេះ​ជួយ​ពង្រឹង​ព្រំដែន​ភាគ​ខាង​កើត​របស់​ប្រទេស​ និង​វត្តមាន​របស់​រុស្ស៊ី​នៅ​ក្នុងទ្វីប​អាស៊ី។​ មេ​ដឹក​នាំ​ទាំង​នេះ​បាន​ជួប​ប្រជុំ​គ្នា​ដើម្បី​ធ្វើ​ពិធី​បុណ្យ​ខួប​ឆ្នាំ​ទី​ ៣៥០​ នៃ​ការ​ចូល​រួម​របស់​សាធារណរដ្ឋ​ ប៊ុរីយ៉ាចា​ជា​មួយ​ប្រទេស​រុស្ស៊ី។​នៅ​ខាង​ក្រោយ​ការ​ច្រៀង​រាំ​នេះ​ មាន​ភូមិសាស្រ្ត​នយោបាយ។

លោក​ អាឡិចស៊ៃ​ គូឌ្រិន​ (Alexei Kudrin)​ រដ្ឋមន្រ្តី​ហិរញ្ញវត្ថុ​ប្រទេស​រុស្ស៊ី​ បាន​មក​និយាយ​ថា​ វិមាន​ក្រឹមឡិន​កំពុង​ចំណាយ​ប្រាក់​ចំនួន​ ៥០០​លាន​ដុល្លារ​ ដើម្បី​ពង្រីក​ផ្លូវ​ថ្នល់​ ចំណត​យន្ត​ហោះ​ និង​សណ្ឋាគារ​ ដើម្បី​ទទួល​ទេសចរ​អាស៊ី​ឲ្យ​ចូល​មក​លេង​កំសាន្ត​ឲ្យ​បាន​ស្មើ​និង​បទដ្ឋាន​អន្តរជាតិ​ នៅ​បឹង​ បៃខាល​ (Lake Baikal)។

ខណៈ​ដែល​ទស្សនិកជន​អ្នក​រាយការណ៍​ព័ត៌មាន​ចិន​បាន​ធ្វើ​ការ​កត់​ហេតុ​ លោក​ គូឌ្រិន​ និយាយ​ថា​ ទី​ក្រុង​ អ៊ូឡង់​ អ៊ូដេ​ នឹង​ធ្វើ​ជា​អ្នក​ទទួល​ភ្ញៀវ​ដល់​រដ្ឋមន្រ្តី​ហិរញ្ញវត្ថុ​ពី​ប្រទេស​ឆ្នេរ​មហាសមុទ្រ​ប៉ាស៊ីហ្វិក​ចំនួន​ ២១​ នៅ​ក្នុង​កិច្ច​ប្រជុំ​ សហប្រតិបត្តិការ​សេដ្ឋកិច្ច​អាស៊ី-ប៉ាស៊ីហ្វិក​ (Asia-Pacific​ Economic​ Cooperation)​ នៅ​ឆ្នាំ​ក្រោយ។​ លោក​និយាយ​ថា​ រួម​ជា​មួយ​រដ្ឋមន្រ្តី​ទាំង​នេះ​ នឹង​មាន​អ្នក​សារព័ត៌មាន​អាស៊ី​ជា​ច្រើន​រយ​នាក់​ ហើយ​សង្ឃឹម​ថា​នឹង​មាន​ទេសចរណ៍​និង​វិនិយោគ​អាស៊ី​ផង​ដែរ។

លោក​ គូឌ្រិន​ បាន​សរសើរ​ទីក្រុង​ អ៊ូឡង់ អ៊ូដេ​ ថា​ជា​មជ្ឈ​មណ្ឌល​នៃ​ពុទ្ធសាសនា​នៅ​ក្នុង​ប្រទេស​រុស្ស៊ី។​ លោក​និយាយ​ថា​ ដើម្បី​ឲ្យ​មាន​ការ​ដឹក​នាំ​ការ​អភិវឌ្ឍន៍​ពី​ទ្វីប​អាស៊ី​មក​ចូល​ក្នុង​ប្រទេស​រុស្ស៊ី​ ក្រុម​មេ​ដឹកនាំ​ត្រូវការ​បង្ហាញ​ថា​មាន​ប្រពៃណី​ដ៏​ខ្លាំង​ ដែល​ភ្ជាប់​ប្រទេស​រុស្ស៊ី​ជា​មួយ​តំបន់​ដែទៃ​ទៀត​នៅ​ក្នុង​អង្គការ​ អេប៉ិក​ (APEC)​ និង​សំខាន់​ជាង​គេ​បំផុត​ជា​មួយ​ភូមិភាគ​អាស៊ី​អាគ្នេយ៍។

សាធារណរដ្ឋ​ ប៊ុរីយ៉ាចា​ មិន​គ្រាន់​តែ​ស្ថិត​នៅ​ក្នុង​តំបន់​ត្រូវ​ម៉ោង​គ្នា​ជា​មួយ ប្រទេស​ជប៉ុន​និង​កូរ៉េ​ប៉ុណ្ណោះ​ទេ​ តែ​ក្នុង​តំបន់​ជឿ​សាសនា​ដូច​គ្នា​ដែរ គឺ​សេចក្តី​អត់​អោន​ខាង​ផ្នែក​សាសនា។

សេចក្តី​អត់​អោន​បែប​នេះ​មិន​ដែល​មាន​ទេ​នៅ​ក្នុង​ប្រទេស​រុស្ស៊ី​របស់​ជន​ជាតិ​អឺរ៉ុប​ នៅ​កន្លែង​ដែល​ក្រុម​អ្នក​ប្រកាន់​ពូជ​សាសន៍​បាន​ធ្វើ​ការ​វាយ​ប្រហារ​ទៅ​លើ​បុរស​ជាតិ​អាស៊ី​ក្នុង​ពេល​ប៉ុន្មាន​ឆ្នាំ​កន្លង​ទៅ​នេះ។​ កាល​ពី​ថ្ងៃ​ចន្ទ​ តុលាការ​មួយ​នៅ​ក្រុង​ មូស្គូ​ បាន​កាត់​ទោស​ឲ្យ​ចាប់​គុក​មួយ​ជីវិត​ដល់​ពួក​ ណាត់ស៊ី​ (Nazi)​ ក្នុង​តំបន់​ ចំនួន​៥​នាក់​ ដែល​ត្រូវ​ជាប់​ទោស​ក្នុង​បទ​ឃាតកម្ម​មនុស្ស​ដែល​មិន​មែន​ជា​ជាតិ​រុស្ស៊ី​ ចំនួន​២៧​នាក់​ នៅ​ក្នុង​តំបន់​ក្រុង​ មូស្គូ​ ក្នុង​រយៈ​ពេល​ពីរ​ឆ្នាំ។

ផ្ទុយ​ពី​នេះ​ទៅ​វិញ​ ចាប់​តាំង​ពី​មាន​ការ​រលំ​ដួល​សហភាព​សូវៀត​ កាល​ពី​ ២០​ឆ្នាំ​មុន​មក​ ជនជាតិ​ចិន​ប្រហែល​ ១​ម៉ឺន​នាក់​ បាន​ចូល​ទៅ​រស់​នៅ​និង​ធ្វើ​ការ​នៅ​ក្នុង​សាធារណរដ្ឋ​ ប៊ុរីយ៉ាចា។​ ជន​ទាំង​នេះ​ជា​ច្រើន​នាក់​និយាយ​ថា​ ពួក​គេ​មើល​ឃើញ​ថា​ទី​ក្រុង​ អ៊ូឡង់ អ៊ូដេ​ មាន​ការ​រាក់​ទាក់​ជា​មួយ​ជន​ជាតិ​អាស៊ី៕

ប្រែ​សម្រួល​ដោយ​ កែរ យ៉ាន

XS
SM
MD
LG