ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អ៊ុយក្រែន​ថា រុស្ស៊ី​វាយ​ប្រហារ​លើ​រដ្ឋធានី​កៀវ​ដោយ​ប្រើ​ដ្រូន


មន្ត្រីប៉ូលិស​បាញ់​សំដៅ​ទៅលើ​យន្តហោះ​គ្មាន​មនុស្ស​បើក (ដ្រូន) អំឡុងពេល​ការវាយប្រហារ​ដោយ​ដ្រូន​របស់​រុស្ស៊ី​នៅ​ទីក្រុងកៀវ នៅ​ថ្ងៃទី១៧ ខែតុលា ឆ្នាំ២០២២ ដែល​អាជ្ញាធរ​ក្នុង​តំបន់​ចាត់ទុកថា​ជា​យន្តហោះ​គ្មាន​មនុស្ស​បើក​​ប្រភេទ Shahed-136 ផលិត​ដោយ​អ៊ីរ៉ង់។
មន្ត្រីប៉ូលិស​បាញ់​សំដៅ​ទៅលើ​យន្តហោះ​គ្មាន​មនុស្ស​បើក (ដ្រូន) អំឡុងពេល​ការវាយប្រហារ​ដោយ​ដ្រូន​របស់​រុស្ស៊ី​នៅ​ទីក្រុងកៀវ នៅ​ថ្ងៃទី១៧ ខែតុលា ឆ្នាំ២០២២ ដែល​អាជ្ញាធរ​ក្នុង​តំបន់​ចាត់ទុកថា​ជា​យន្តហោះ​គ្មាន​មនុស្ស​បើក​​ប្រភេទ Shahed-136 ផលិត​ដោយ​អ៊ីរ៉ង់។

រដ្ឋាភិបាល​អ៊ុយក្រែន​បាន​បញ្ជាក់​ថា ប្រទេស​រុស្ស៊ី​បាន​ប្រើ​ដ្រូន​ផ្ទុក​ជាតិ​ផ្ទុះ​ជា​ច្រើន​គ្រឿង​ដើម្បី​វាយ​ប្រហារ​លើ​រដ្ឋធានី​កៀវ​របស់​ប្រទេស​អ៊ុយក្រែន​ក្នុង​អំឡុង​ពេល​មាន​ចរាចរណ៍​កកកុញ​នា​ព្រឹក​ថ្ងៃ​ចន្ទ​នេះ គឺ​ក្នុង​ពេល​មួយ​សប្ដាហ៍​ក្រោយ​មក បន្ទាប់ពី​ប្រទេស​រុស្ស៊ី​បាន​វាយ​ប្រហារ​ដោយ​មីស៊ីល​លើ​រដ្ឋធានី​កៀវ​និង​ទីក្រុង​នានា​របស់​អ៊ុយក្រែន។

មន្ត្រី​អ៊ុយក្រែន​បាន​និយាយ​ថា ដ្រូន​ទាំង​នេះ​គឺ​ជា​ដ្រូន​ប្រភេទ Shahed-136 ដែល​ផលិត​នៅ​ក្នុង​ប្រទេស​អ៊ីរ៉ង់ ដែល​រុស្ស៊ី​បាន​ប្រើ​សម្រាប់​ធ្វើ​ការ​វាយ​ប្រហារ​អត្តឃាត ដែល​នៅ​ក្នុង​ការ​វាយ​ប្រហារ​នោះ ដ្រូន​ទាំង​នេះ​បាន​ហោះ​បំបុក​គោលដៅ​ដោយ​ចេតនា។

ប្រធានាធិបតី​អ៊ុយក្រែន​លោក Volodymyr Zelenskyy បាន​សរសេរ​តាម Telegram ថា៖ «ពេញ​មួយ​យប់​និង​ពេញ​មួយ​ព្រឹក ខ្មាំង​សត្រូវ​បង្ក​ការ​ភ័យខ្លាច​ដល់​ប្រជាពលរដ្ឋ​ស៊ីវិល។ ដ្រូន​អត្តឃាត​និង​មីស៊ីល​កំពុង​វាយ​ប្រហារ​នៅ​ទូទាំង​ប្រទេស​អ៊ុយក្រែន។ សត្រូវ​អាច​វាយ​ប្រហារ​ទីក្រុង​នានា​របស់​យើង​បាន ប៉ុន្តែ​វា​នឹង​មិន​អាច​បំបែក​ស្មារតី​របស់​យើង​បាន​ឡើយ»។

អភិបាល​ក្រុង​កៀវ​លោក Vitali Klichko បាន​និយាយ​ថា ក្នុង​ចំណោម​តំបន់​ដែល​រង​ការ​វាយ​ប្រហារ​គឺ​មាន​សង្កាត់ Shevchenko ដែល​ស្ថិត​នៅ​កណ្តាល​ក្រុង​ផង​ដែរ ដែល​នេះ​ជា​តំបន់​ដដែល​ដែល​មីស៊ីល​រុស្ស៊ី​បាន​វាយ​ប្រហារ​ចំ​កាលពី​សប្តាហ៍​មុន។

លោក Klichko បាន​បន្ថែម​ថា ការ​វាយ​ប្រហារ​នៅ​ថ្ងៃ​ចន្ទ​នេះ​បាន​សម្លាប់​មនុស្ស​យ៉ាង​ហោច​ណាស់​ម្នាក់ ខណៈ​បាន​បំផ្លាញ​អគារ​ផ្ទះ apartment ជា​ច្រើន​និង​បង្ក​ជា​អគ្គិភ័យ​នៅ​ក្នុង​អគារ​ដែល​មិនមែន​ជា​លំនៅដ្ឋាន។ លោក​បាន​និយាយ​ថា ក្រុម​អ្នក​ជួយ​សង្គ្រោះ​បាន​ទាញ​មនុស្ស ១៨ នាក់​ចេញ​ពី​គំនរ​បាក់បែក​នៃ​អគារ apartment មួយ​កន្លែង ហើយ​មនុស្ស ២ នាក់​ទៀត​នៅ​ជាប់​នៅ​ក្នុង​គំនរ​បាក់បែក​នោះ​នៅ​ឡើយ។

លោក Andrii Yermak នាយក​ខុទ្ទកាល័យ​របស់​លោក Zelenskyy បាន​និយាយ​ថា អ៊ុយក្រែន​ត្រូវការ​ប្រព័ន្ធ​ការពារ​ដែន​អាកាស​បន្ថែម​ទៀត​ឱ្យ​បាន​ឆាប់​តាម​ដែល​អាច​ធ្វើ​ទៅ​បាន។

អ្នកពន្លត់ អគ្គិភ័យ​ជួយស្ត្រី​ក្នុងស្រុកម្នាក់​ឱ្យជម្លៀសចេញពី​អគារលំនៅដ្ឋាន​ដែលត្រូវបាន​បំផ្លាញ​ដោយការវាយប្រហារ​ដោយ​យន្តហោះគ្មានមនុស្សបើក(ដ្រូន)​របស់​រុស្ស៊ីនៅ​ទីក្រុងកៀវ នៅ​ថ្ងៃទី១៧ ខែតុលា ឆ្នាំ២០២២ ដែល​អាជ្ញាធរ​ក្នុង​តំបន់​ចាត់ទុកថា​ជា​យន្តហោះ​គ្មាន​មនុស្ស​បើកប្រភេទ Shahed-136 ផលិត​ដោយ​អ៊ីរ៉ង់។
អ្នកពន្លត់ អគ្គិភ័យ​ជួយស្ត្រី​ក្នុងស្រុកម្នាក់​ឱ្យជម្លៀសចេញពី​អគារលំនៅដ្ឋាន​ដែលត្រូវបាន​បំផ្លាញ​ដោយការវាយប្រហារ​ដោយ​យន្តហោះគ្មានមនុស្សបើក(ដ្រូន)​របស់​រុស្ស៊ីនៅ​ទីក្រុងកៀវ នៅ​ថ្ងៃទី១៧ ខែតុលា ឆ្នាំ២០២២ ដែល​អាជ្ញាធរ​ក្នុង​តំបន់​ចាត់ទុកថា​ជា​យន្តហោះ​គ្មាន​មនុស្ស​បើកប្រភេទ Shahed-136 ផលិត​ដោយ​អ៊ីរ៉ង់។

លោក Yermak បាន​សរសេរ​នៅ​លើ Twitter ថា៖ «[អ៊ុយក្រែន​ត្រូវការ] អាវុធ​បន្ថែម​ទៀត​ដើម្បី​ការពារ​ដែន​អាកាស​និង​បំផ្លាញ​សត្រូវ»។

ស្ថានទូត​សហរដ្ឋ​អាមេរិក​ប្រចាំ​ទីក្រុង​កៀវ​បាន​ហៅ​ការ​វាយ​ប្រហារ​កាលពី​ថ្ងៃ​ចន្ទ​លើ​ជន​ស៊ីវិល​នេះ​ថា​ជា​សកម្មភាព «ដ៏​គ្រោះថ្នាក់​ធ្ងន់ធ្ងរ​និង​គួរ​ឱ្យ​ថ្កោលទោស​ខ្លាំងក្លា»។

អ្នកពន្លត់​អគ្គិភ័យ​ធ្វើកិច្ចការ​របស់ខ្លួន​បន្ទាប់ពី​ការវាយប្រហារ​ដោយ​យន្តហោះ​គ្មាន​មនុស្ស​បើក​(ដ្រូន)​របស់​រុស្ស៊ីនៅ​ទីក្រុងកៀវ នៅ​ថ្ងៃទី១៧ ខែតុលា ឆ្នាំ២០២២។
អ្នកពន្លត់​អគ្គិភ័យ​ធ្វើកិច្ចការ​របស់ខ្លួន​បន្ទាប់ពី​ការវាយប្រហារ​ដោយ​យន្តហោះ​គ្មាន​មនុស្ស​បើក​(ដ្រូន)​របស់​រុស្ស៊ីនៅ​ទីក្រុងកៀវ នៅ​ថ្ងៃទី១៧ ខែតុលា ឆ្នាំ២០២២។

ស្ថានទូត​នេះ​បាន​បញ្ជាក់​នៅ​លើ Twitter ថា៖ «យើង​កោត​សរសើរ​ចំពោះ​ភាព​រឹងមាំ​និង​ភាព​ធន់​របស់​ប្រជាពលរដ្ឋ​អ៊ុយក្រែន។ យើង​នឹង​ឈរ​នៅ​ជាមួយ​អ្នក​ជា​រៀង​រហូត​មិន​ថា​យូរ​ប៉ុណ្ណា​នោះ​ទេ»៕

ព័ត៌មាន​ខ្លះ​នៅ​ក្នុង​សេចក្ដី​រាយការណ៍​នេះ​ត្រូវ​បាន​ដកស្រង់​មកពី​ទីភ្នាក់ងារ​ព័ត៌មាន Associated Press ទីភ្នាក់ងារ​ព័ត៌មាន AFP និង​ទីភ្នាក់ងារ​ព័ត៌មាន Reuters។

XS
SM
MD
LG