ភ្ជាប់​ទៅ​គេហទំព័រ​ទាក់ទង

logo-print
ព័ត៌មាន​​ថ្មី

ការ​ចាប់​ខ្លួនជន​សង្ស័យថាជាក្រុម​ប្រឆាំ​ងតវ៉ា​ antifa​ ទំនង​ជាប៉ះចំ​ពលរដ្ឋ​អាមេរិក​ធម្មតា​


រូបឯកសារ៖ អ្នកតវ៉ាប្រឆាំង​ហ្វាស៊ីស​ឆ្វេងនិយមម្នាក់កាន់ទង់ នៅមុខមណ្ឌល Christian Science Plaza នៅទីក្រុង Boston រដ្ឋ Massachusetts កាលពីថ្ងៃទី១១ ខែកក្កដា ឆ្នាំ២០២០។

ចៅ​ក្រម​តុលាការ​នៅ​មិន​ទាន់​ជឿ​ជាក់​នៅ​ឡើយ​ទេ នៅ​ពេល​ដែល​ព្រះ​រាជអាជ្ញា​របស់រដ្ឋាភិបាល​សហព័ន្ធ​មួយ​រូប​ បាន​ចោទ​ប្រកាន់​ និង​ឃុំ​ខ្លួនបុរស ​អាយុ​ ២៥ ​ឆ្នាំ​ម្នាក់ ​រហូត​ដល់​ពេល​មាន​សវនា​កាត់​ក្តី​លោក​ ពី​បទ​មាន​គ្រាប់បែក​សាំង​ក្នុង​ដៃ​ នៅពេលបុរសនោះចូលរួមការ​ប្រឆាំង​តវ៉ា​មួយ ​កាល​ពី​ខែ​ឧសភា​កន្លងទៅ។

ចៅ​ក្រម​នៅ​មិនទាន់​យល់​ពី​ការ​បក​ស្រាយ​របស់​រដ្ឋាភិបាល​ដែលថា ​ការ​ដោះលែង​បុរស​រូប​នោះនឹងនាំឲ្យ​មាន​គ្រោះ​ថ្នាក់​ ដោយផ្អែកលើប្រវត្តិផ្លូវច្បាប់របស់បុរសរូបនោះ។ បុគ្គលនោះ ​ត្រូវ​គេ​អះអាងថា ​មិនធ្លាប់​មាន​ប្រវត្តិរំលោភបំពាន​ច្បាប់ក្នុង​ពេល​កន្លង​មក​ ហើយ​ក៏​មិនមែន​ជា​សមាជិក​នៃ​ក្រុម​បង្ក​អំពើ​ហិង្សា​នោះ​ទេ​ ព្រោះ​លោក​រស់​នៅ​ជា​មួយ​ឪពុក​ម្តាយ​ក្នុង​ជាយ​ក្រុង​ Austin រដ្ឋ​តិច​សាស​។

ទោះ​បី​ជា​យ៉ាង​នេះ​ក្តី​ ព្រះ​រាជ​អាជ្ញាបាន​ជំរុញសំណុំ​រឿងនេះ​ ដោយ​បាន​ការពារ​ចំណាត់​ការ​របស់​រដ្ឋាភិបាល​ ហើយ​បន្ត​ឃុំ​ខ្លួន​បុរស​រូប​នោះ។ ពន្ធនាគារ​ទូទាំងសហរដ្ឋ​អាមេរិក​ បាន​ដោះ​លែង​បុគ្គល​ជាប់​ចោទ​មួយ​ចំនួន ដែលអាច​បង្ក​គ្រោះ​ថ្នាក់ ដោយ​យោង​ទៅ​លើ​ស្ថាន​ភា​ព​នៃ​ជំងឺ​រាត​ត្បាតកូវីដ​១៩​។​ព្រះរាជ​អាជ្ញា​ត្រូវ​បាន​លើកទឹកចិត្ត​ឲ្យ​ពិចារណា​អំពី​ហានិភ័យ នៅ​ពេល​ចាប់​ឃុំ​ខ្លួន​មនុស្ស ​ក្នុង​អំឡុង​ពេល​នៃ​ជំងឺរាត​ត្បាត​នេះ។​

ករណីនេះ​បង្ហាញ​ផ្ទុយពី​គោល​ការណ៍ ​ដែល​ដាក់​ចេញ​ដោយ​ក្រសួង​យុត្តិធម៌​អាមេរិក ​ដែល​ថា ​មិន​ត្រូវ​ចាប់​ខ្លួន​អ្នក​ប្រឆាំង​តវ៉ា​ នៅ​ក្នុងការធ្វើ​បាតុកម្ម​របស់ពលរដ្ឋ។ សំណុំ​រឿង​នេះ​ផ្តោត​ទៅ​លើ​វិធាន​ការ​របស់​រដ្ឋាភិបាល​សហព័ន្ធ​ និងភាព​ស្ទាក់​ស្ទើរ​ក្នុង​ការ​ដោះ​លែង​បុគ្គល​ដែល​ត្រូវចាប់​ខ្លួន៕

XS
SM
MD
LG