បើតាមការស្ទង់មតិថ្មីមួយដោយក្រុមហ៊ុន Gallup ចេញផ្សាយកាលពីថ្ងៃអង្គារថាផ្អែកលើការស្ទង់មតិក្នុងប្រទេស១៣៣ ប្រទេសអាល្លឺម៉ង់ជាប្រទេសមានការគាំទ្រខ្ពស់បំផុតសម្រាប់ភាពជាមេដឹកនាំសាកល។
អត្រាគាំទ្រប្រទេសអាល្លឺម៉ង់មាន៤៦%ក្នុងឆ្នាំ២០២៣ ចំណែកឯសហរដ្ឋអាមេរិកវិញនៅក្រោយបន្ទាប់ដោយមានការគាំទ្រ៤១%។
ក្នុងឋានៈជាប្រទេសមានសេដ្ឋកិច្ចធំបំផុតនៅទ្វីបអឺរ៉ុប ប្រទេសអាល្លឺម៉ង់មានការគាំទ្រខាងភាពជាមេដឹកនាំចំនួន៦០%នៅលើទ្វីបអឺរ៉ុប ដោយលើសការគាំទ្រអាមេរិកដោយតួលេខពីរខ្ទង់។
សហរដ្ឋអាមេរិកដែលជាប្រទេសមហាអំណាចធំជាងគេជាប្រវត្តិសាស្ត្រ មានការចុះថយបន្តិចក្នុងការគាំទ្រខាងភាពជាមេដឹកនាំនៅក្នុងប្រទេសអាហ្វ្រិកខ្លះនិងប្រទេសឥណ្ឌាដែលជាប្រទេសមានមនុស្សច្រើនជាងគេក្នុងពិភពលោក។
ការមិនគាំទ្រដល់ភាពជាមេដឹកនាំរបស់សហរដ្ឋអាមេរិកបានកើនឡើងដល់៣៦% ដោយមានកំណើន១%ពីឆ្នាំ២០២២។
សង្គ្រាមនៅតំបន់ហ្កាហ្សាហាក់ដូចជាមានឥទ្ធិពលលើអត្រាគាំទ្រសហរដ្ឋអាមេរិកក្នុងប្រទេសខ្លះ។ ក្រុមហ៊ុន Gallup កត់សម្គាល់អំពីការចុះថយការគាំទ្របន្តិចនៅក្នុងបណ្តាពួកប្រទេសត្រូវស្ទង់មតិនៅក្រោយសង្ក្រាមនេះចាប់ផ្តើម។
ការគាំទ្រគ្មានងាករេរបស់សហរដ្ឋអាមេរិកដល់ប្រទេសអ៊ីស្រាអែលហាក់ដូចជាបង្កើនការគាំទ្រអាមេរិកនៅក្នុងប្រទេសអ៊ីស្រាអែលដល់៨១% តែការគាំទ្រអាមេរិកបានចុះថយនៅត្រឹម១១%«ក្នុងរដ្ឋប៉ាឡេស្ទីន»៕
វេទិកាបញ្ចេញមតិ