ភ្នំពេញ —
គណបក្សសង្គ្រោះជាតិបានខកខានធ្វើការឃោសនាបោះឆ្នោតជ្រើសរើសក្រុមប្រឹក្សាខេត្ត ក្រុងរាជធានី ស្រុក-ខណ្ឌនៅរសៀលថ្ងៃសុក្រនេះនៅទីលានប្រជាធិបតេយ្យ។
នៅថ្ងៃសុក្រទី២ខែឧសភានេះគឺជាថ្ងៃឃោសនាទី១នៃការបោះឆ្នោតអសកលនេះ។
គណបក្សបួនផ្សេងទៀតមានដូចជាគណបក្សប្រជាជនកម្ពុជា គណបក្សហ៊្វុនស៊ិនប៉ិច គណបក្សសាធារណរដ្ឋប្រជាធិបតេយ្យ និងគណបក្សសម្ព័ន្ធដើម្បីប្រជាធិបតេយ្យបានធ្វើការឃោសនាតាមរបៀបជួបជុំជាមួយនឹងសមាជិកក្រុមប្រឹក្សាឃុំសង្កាត់រៀងៗខ្លួននៅតាមមណ្ឌលបោះឆ្នោតដោយសារតែសមាជិកក្រុមប្រឹក្សាទាំងនេះគឺជាអ្នកបោះឆ្នោតជ្រើសរើសក្រុមប្រឹក្សាខេត្ត ក្រុងរាជធានី ស្រុក ខណ្ឌនេះ។
ដោយឡែកគណបក្សសង្គ្រោះជាតិបានធ្វើការឃោសនាប្លែកពីគេនិងទ្រង់ទ្រាយធំនៅក្នុងស្រុកស្អាងខេត្តកណ្តាលនិងដើរជាក្បួនដង្ហែរនៅក្នុងរាជធានីភ្នំពេញក្រោមការដឹកនាំរបស់លោកសម រង្ស៊ី និងលោកកឹមសុខាប្រធាននិងអនុប្រធានគណបក្សសង្គ្រោះជាតិ។
លោកសម រង្ស៊ី បានប្រកាសនៅក្នុងសប្តាហ៍នេះថាលោកនឹងដណ្តើមកាន់កាប់ទីលានប្រជាធិបតេយ្យដើម្បីធ្វើការឃោសនាបោះឆ្នោតនេះ។ក៏ប៉ុន្តែអាជ្ញាធរបានដាក់ពង្រាយកងកម្លាំងប្រដាប់អាវុធ របងលួសជាច្រើនជាន់ និងរថយន្តកាំមីញ៉ុងសម្រាប់រុញច្រានក្រុមបាតុករនិងឡានទឹកសម្រាប់បាញ់បង្រ្កាបរួចជាស្រេច។
នៅទីបំផុតក្រុមអ្នកចូលរួមរាប់ពាន់នាក់បានដើរជាក្បួនតាមដងផ្លូវពីទីស្នាក់ការគណបក្សនៅសង្កាត់ចាក់អង្រែ កាត់តាមផ្លូវព្រះមុនីវង្សមុននឹងបង្វែរទៅកាន់ទីលានមុខព្រះបរមរាជវាំង។
លោកយ៉ែម បុញ្ញឫទ្ធិ អ្នកនាំពាក្យគណបក្សសង្គ្រោះជាតិមានប្រសាសន៍ថាការបង្វែរក្បួនដង្ហែរចេញពីទីលានប្រជាធិបតេយ្យដោយសារតែកងសន្តិសុខរាជធានីភ្នំពេញវាយបង្រ្កាបក្រុមអ្នកគាំទ្របក្សជំទាស់មុននឹងក្បួនដង្ហែរទៅដល់ទីនោះ។
«យើងចេញពីខណ្ឌនិងទីស្នាក់ការកណ្តាលប្រុងទៅជួបគ្នានៅទីលានប្រជាធិបតេយ្យ ហើយមានសកម្មជនមួយចំនួនចេញទៅរង់ចាំនៅទីនោះត្រូវគេវាយបំបែករបួសបី បួននាក់។ ហើយក្រុមយើងបានធ្វើដំណើរទៅជួបជុំនៅជិតនោះហើយបានធ្វើដំណើរតាមផ្លូវនរោត្តមនិងជួបជុំនៅត្រង់រូបសម្តេចជួន ណាត»។
យ៉ាងហោចណាស់មានមនុស្សចំនួនបីនាក់បានរងរបួសដោយការវាយសំពងដោយកងសន្តិសុខដែលជាភ្នាក់ងារបង្រ្កាបបាតុករយ៉ាងហិង្សា។ នៅក្នុងនោះមានអ្នកកាសែតខ្មែរមួយរូប ជនបរទេសមួយរូប និងព្រះសង្ឃមួយអង្គផងដែរ។
ក្រុមអ្នកគាំទ្រនិងកងសន្តិសុខបង្រ្កាបបាតុកម្មបានគប់ដុំថ្មនិងដំបងឈើដាក់គ្នាទៅវិញទៅមកនិងក្រោយមកកងសន្តិសុខដែលពាក់មួកឃ្លុបបានដេញវាយសំពងមនុស្សដែលទើសមុខទើសមាត់ពួកគេដោយមិនរើសមុខ។
លោកស្រីមូរ សុខហួរ តំណាងរាស្ដ្រគណបក្សសង្គ្រោះជាតិបានហៅទីលានប្រជាធិបតេយ្យថាមិនមែនជាទីតាំងសម្រាប់ការតវ៉ាទៀតទេ។
«យើងឃើញថាទីលានប្រជាធិបតេយ្យនេះក្លាយជាទីលានមួយដែលកាន់កាប់ដោយកងប្រដាប់អាវុធ»។
លោកឡុង ឌីម៉ង់ អ្នកនាំពាក្យសាលារាជធានីភ្នំពេញមិនអាចទាក់ទងបានទេនៅរសៀលនេះ។
នៅរសៀលថ្ងៃនេះដែរលោកស្រី Flavia Pansieri ឧត្តមស្នងការរងអង្គការសហប្រជាជាតិទទួលបន្ទុកសិទ្ធិមនុស្សបានទទូចឲ្យរដ្ឋាភិបាលកម្ពុជាលើកបម្រាមការប្រមូលផ្តុំនិងបាតុកម្មនៅលើសួនប្រជាធិបតេយ្យចេញ។
ក្រុមអ្នកគាំទ្រគណបក្សជំទាស់បានបំបែកគ្នាទៅវិញដោយសន្តិវិធីនៅមុខព្រះបរមរាជវាំងក្រោយពីពួកគេបានជួបជុំគ្នាមួយរយៈនៅទីនេះ៕
នៅថ្ងៃសុក្រទី២ខែឧសភានេះគឺជាថ្ងៃឃោសនាទី១នៃការបោះឆ្នោតអសកលនេះ។
គណបក្សបួនផ្សេងទៀតមានដូចជាគណបក្សប្រជាជនកម្ពុជា គណបក្សហ៊្វុនស៊ិនប៉ិច គណបក្សសាធារណរដ្ឋប្រជាធិបតេយ្យ និងគណបក្សសម្ព័ន្ធដើម្បីប្រជាធិបតេយ្យបានធ្វើការឃោសនាតាមរបៀបជួបជុំជាមួយនឹងសមាជិកក្រុមប្រឹក្សាឃុំសង្កាត់រៀងៗខ្លួននៅតាមមណ្ឌលបោះឆ្នោតដោយសារតែសមាជិកក្រុមប្រឹក្សាទាំងនេះគឺជាអ្នកបោះឆ្នោតជ្រើសរើសក្រុមប្រឹក្សាខេត្ត ក្រុងរាជធានី ស្រុក ខណ្ឌនេះ។
ដោយឡែកគណបក្សសង្គ្រោះជាតិបានធ្វើការឃោសនាប្លែកពីគេនិងទ្រង់ទ្រាយធំនៅក្នុងស្រុកស្អាងខេត្តកណ្តាលនិងដើរជាក្បួនដង្ហែរនៅក្នុងរាជធានីភ្នំពេញក្រោមការដឹកនាំរបស់លោកសម រង្ស៊ី និងលោកកឹមសុខាប្រធាននិងអនុប្រធានគណបក្សសង្គ្រោះជាតិ។
លោកសម រង្ស៊ី បានប្រកាសនៅក្នុងសប្តាហ៍នេះថាលោកនឹងដណ្តើមកាន់កាប់ទីលានប្រជាធិបតេយ្យដើម្បីធ្វើការឃោសនាបោះឆ្នោតនេះ។ក៏ប៉ុន្តែអាជ្ញាធរបានដាក់ពង្រាយកងកម្លាំងប្រដាប់អាវុធ របងលួសជាច្រើនជាន់ និងរថយន្តកាំមីញ៉ុងសម្រាប់រុញច្រានក្រុមបាតុករនិងឡានទឹកសម្រាប់បាញ់បង្រ្កាបរួចជាស្រេច។
នៅទីបំផុតក្រុមអ្នកចូលរួមរាប់ពាន់នាក់បានដើរជាក្បួនតាមដងផ្លូវពីទីស្នាក់ការគណបក្សនៅសង្កាត់ចាក់អង្រែ កាត់តាមផ្លូវព្រះមុនីវង្សមុននឹងបង្វែរទៅកាន់ទីលានមុខព្រះបរមរាជវាំង។
លោកយ៉ែម បុញ្ញឫទ្ធិ អ្នកនាំពាក្យគណបក្សសង្គ្រោះជាតិមានប្រសាសន៍ថាការបង្វែរក្បួនដង្ហែរចេញពីទីលានប្រជាធិបតេយ្យដោយសារតែកងសន្តិសុខរាជធានីភ្នំពេញវាយបង្រ្កាបក្រុមអ្នកគាំទ្របក្សជំទាស់មុននឹងក្បួនដង្ហែរទៅដល់ទីនោះ។
«យើងចេញពីខណ្ឌនិងទីស្នាក់ការកណ្តាលប្រុងទៅជួបគ្នានៅទីលានប្រជាធិបតេយ្យ ហើយមានសកម្មជនមួយចំនួនចេញទៅរង់ចាំនៅទីនោះត្រូវគេវាយបំបែករបួសបី បួននាក់។ ហើយក្រុមយើងបានធ្វើដំណើរទៅជួបជុំនៅជិតនោះហើយបានធ្វើដំណើរតាមផ្លូវនរោត្តមនិងជួបជុំនៅត្រង់រូបសម្តេចជួន ណាត»។
យ៉ាងហោចណាស់មានមនុស្សចំនួនបីនាក់បានរងរបួសដោយការវាយសំពងដោយកងសន្តិសុខដែលជាភ្នាក់ងារបង្រ្កាបបាតុករយ៉ាងហិង្សា។ នៅក្នុងនោះមានអ្នកកាសែតខ្មែរមួយរូប ជនបរទេសមួយរូប និងព្រះសង្ឃមួយអង្គផងដែរ។
ក្រុមអ្នកគាំទ្រនិងកងសន្តិសុខបង្រ្កាបបាតុកម្មបានគប់ដុំថ្មនិងដំបងឈើដាក់គ្នាទៅវិញទៅមកនិងក្រោយមកកងសន្តិសុខដែលពាក់មួកឃ្លុបបានដេញវាយសំពងមនុស្សដែលទើសមុខទើសមាត់ពួកគេដោយមិនរើសមុខ។
លោកស្រីមូរ សុខហួរ តំណាងរាស្ដ្រគណបក្សសង្គ្រោះជាតិបានហៅទីលានប្រជាធិបតេយ្យថាមិនមែនជាទីតាំងសម្រាប់ការតវ៉ាទៀតទេ។
«យើងឃើញថាទីលានប្រជាធិបតេយ្យនេះក្លាយជាទីលានមួយដែលកាន់កាប់ដោយកងប្រដាប់អាវុធ»។
លោកឡុង ឌីម៉ង់ អ្នកនាំពាក្យសាលារាជធានីភ្នំពេញមិនអាចទាក់ទងបានទេនៅរសៀលនេះ។
នៅរសៀលថ្ងៃនេះដែរលោកស្រី Flavia Pansieri ឧត្តមស្នងការរងអង្គការសហប្រជាជាតិទទួលបន្ទុកសិទ្ធិមនុស្សបានទទូចឲ្យរដ្ឋាភិបាលកម្ពុជាលើកបម្រាមការប្រមូលផ្តុំនិងបាតុកម្មនៅលើសួនប្រជាធិបតេយ្យចេញ។
ក្រុមអ្នកគាំទ្រគណបក្សជំទាស់បានបំបែកគ្នាទៅវិញដោយសន្តិវិធីនៅមុខព្រះបរមរាជវាំងក្រោយពីពួកគេបានជួបជុំគ្នាមួយរយៈនៅទីនេះ៕
