លោកប្រធានាធិបតីសហរដ្ឋអាមេរិកបារ៉ាក់ អូបាម៉ាបានធ្វើបសំសកថានៅថ្ងៃសុក្រនេះនៅឯពិធីបុណ្យសពរបស់សមាជិកព្រឹទ្ធសភាClementa Pinckneyរដ្ឋSouth Carolinaដែលជាជនជាតិស្បែកខ្មៅម្នាក់ដែលត្រូវបានសម្លាប់ដោយខ្មាន់កាំភ្លើងស្បែកសម្នាក់នៅឯព្រះវិហារគ្រឹស្តសាសនាជាប្រវត្តិសាស្រ្តរបស់ជនជាតិអាហ្វ្រិកកាលពីសប្តាហ៍មុន។
សពរបស់ព្រះតេជគុណPinckney ត្រូវបានដឹកចេញពីផ្ទះកាលពីល្ងាចថ្ងៃព្រហស្បតិ៍ទៅកាន់ព្រះវិហារ Emanuel AMEនៅក្នុងទីក្រុង Charlestonដែលនៅទីនោះលោក បានធ្វើជាអាចារ្យអស់រយៈពេល៥ឆ្នាំកន្លងមក។ ពិធីបុណ្យសពបានធ្វើឡើងនៅឯព្រះវិហារ ដើម្បីឲ្យសមាជិករបស់លោកអាចធ្វើការគោរពសពរបស់លោកជាលើកចុងក្រោយ។
មនុស្សរាប់ពាន់នាក់ បានដើរជាជួរឆ្លងកាត់ក្តាមឈូសបើកគំរបរបស់លោក Pinckney នៅឯអង្គការនីតិបញ្ញត្តិរបស់រដ្ឋ South Carolina នៅក្នុងទីក្រុង Columbia កាលពីថ្ងៃពុធ ដែលនៅទីនោះលោកបានធ្វើជាសមាជិកព្រឹទ្ធសភាចាប់តាំងពីឆ្នាំ២០០០មក។ បុរសអាយុ៤១ឆ្នាំ ជាជនជាតិអាមេរិកាំងដើមកំណើតអាហ្វ្រិកដ៏ក្មេងបំផុតដែលត្រូវបានជាប់ឆ្នោតជាសមាជិកព្រឹទ្ធសភារដ្ឋ។
លោកប្រធានាធិបតី អូបាម៉ា ដែលជាមិត្តភក្តិរបស់លោកPinckneyនឹងធ្វើបសំសកថា។ លោកស្រី Michelle Obama លោកអនុប្រធានាធិបតី Joe Biden និងភរិយារបស់លោកគឺ លោកស្រី Jill Biden ក៏នឹងចូលរួមក្នុងពិធីបុណ្យសពនោះផងដែរ។ ពិធីនេះដែលប្រារព្ធឡើងនៅឯពហុកីឡាដ្ឋានក្នុងស្រុក នឹងត្រូវបើកឲ្យសាធារណជចូលរួម៕
