ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក​អូបាម៉ា ចាប់ផ្តើម​លុបចោល​ការដាក់​ទណ្ឌកម្ម​ប្រឆាំង​ប្រទេស​គុយបា


លោក​ប្រធានា​ធិបតី​ បារ៉ាក់ ​អូបាម៉ា ​បាន​ប្រកាស​ពី​ការ​ផ្លាស់​ប្តូរ​គោល​នយោបាយដ៏​សំ​ខាន់​​មួយ​របស់​សហរដ្ឋ​អាមេរិក​​ឆ្ពោះ​ទៅ​កាន់​ប្រទេស​គុយបា នៅថ្ងៃទី១៧ ខែធ្នូ ឆ្នាំ២០១៤ នៅ​សេតវិមាន ក្នុង​រដ្ឋធានី​វ៉ាស៊ីនតោន។
លោក​ប្រធានា​ធិបតី​ បារ៉ាក់ ​អូបាម៉ា ​បាន​ប្រកាស​ពី​ការ​ផ្លាស់​ប្តូរ​គោល​នយោបាយដ៏​សំ​ខាន់​​មួយ​របស់​សហរដ្ឋ​អាមេរិក​​ឆ្ពោះ​ទៅ​កាន់​ប្រទេស​គុយបា នៅថ្ងៃទី១៧ ខែធ្នូ ឆ្នាំ២០១៤ នៅ​សេតវិមាន ក្នុង​រដ្ឋធានី​វ៉ាស៊ីនតោន។

លោក​ប្រធានា​ធិបតី​ បារ៉ាក់ ​អូបាម៉ា ​បាន​ប្រកាស​ពី​ការ​ផ្លាស់​ប្តូរ​គោល​នយោបាយដ៏​សំ​ខាន់មួយ​របស់​សហរដ្ឋ​អាមេរិកឆ្ពោះ​ទៅ​កាន់​ប្រទេស​គុយបា ហើយ​បាន​ចាប់ផ្តើមលុប​ចោល​ការដាក់​ទណ្ឌកម្ម​រយៈ​ពេលរាប់​ទសវត្សរ៍​ប្រឆាំង​នឹង​ប្រទេស​កុម្មុនីស្ត​មួយ​នេះ។

សករាជ​ថ្មី​មួយ​ក្នុង​ទំនាក់​ទំនង​រវាង​សហរដ្ឋ​អាមេរិក ​និង​ប្រទេស​គុយបា។

លោក​ប្រធានា​ធិបតី អូបាម៉ា ​បាន​ប្រកាស​ថា ​បន្ទាប់​ពីបាន​បញ្ឈប់​អស់​រយៈ​ពេល​កន្លះ​សតវត្សរ៍​ ​ទំនាក់​ទំនង​ជាមួយ​គុយបា​ កំពុង​មាន​ភាព​កក់​ក្តៅ​ឡើង​វិញ។

«​ខ្ញុំ ​បាន​បញ្ជារ​ឲ្យ​លោករដ្ឋ​មន្រ្តី​ការបរទេស John Kerry ​ចាប់​ផ្តើម​ពិភាក្សា​ជា​បន្ទាន់ជាមួយ​ប្រទេស​គុយបាដើម្បី​បង្កើត​ទំនាក់​ទំនង​ខាង​ការទូត​ឡើង​វិញដែល​ត្រូវ​បាន​កាត់​ផ្តាច់​ចាប់​តាំង​ពី​ខែ​មក​រា ​ឆ្នាំ​១៩៦១មក»។

ការ​ផ្លាស់​ប្តូរ​នេះ ​នឹង​មាន​ការ​ចរចា​ដែល​នឹង​ចាប់​ផ្តើម​បើកស្ថានទូត​សហរដ្ឋ​អា​មេ​រិកនៅ​ក្នុង​ទីក្រុង​ឡាហាវ៉ាន​ឡើង​វិញ​ ​ហើយ​ការរឹតត្បិត​ ​នឹងត្រូវ​បន្ធូ​បន្ថយលើ​ផ្នែកធនាគារ ​ពាណិជ្ជកម្មនិងការ​ធ្វើ​ដំណើរ​ទៅ​កាន់​កោះនោះ ​ដែល​នៅពេល​ឥឡូវនេះ ​មានការ​កម្រិតភាគ​ច្រើន​ដល់​ជន​ជាតិ​អាមេរិកាំង។​

​ហើយ ក៏​មាន​ការ​ផ្លាស់​ប្តូរអ្នក​ទោសដែល​រួមមានសហរដ្ឋ​អាមេរិកដោះលែង​ចារ​បុរស​ជាតិ​គុយ​បា​៣​នាក់នៅ​ក្នុង​ការ​ដោះ​ដូរ​ជាមួយ​មន្រ្តី​ស៊ើបការណ៍​សម្ងាត់​អាមេរិក​ម្នាក់​ដែល​បាន​ឃុំ​ខ្លួន​អស់​រយៈ​ពេល​ជិត​២០ឆ្នាំ។

លោក​ប្រធានា​ធិបតី អូបាម៉ា ​បាន​មាន​ប្រសាសន៍​ថា ​លោក ​បាន​ទទួលការ​អំពាវ​នាវ​ដោយ​ផ្ទាល់​សម្តេច​រ៉ូម៉ង់​កាតូលិក Pope Francis។ក៏ប៉ុន្តែ ​ការ​ដោះ​លែង​លោក Alan Gross ​អ្នក​ធ្វើ​ការ​តាម​កិច្ច​សន្យា​របស់​ទីភ្នាក់​ងារ​អភិវឌ្ឍន៍​អន្តរជាតិ​សហរដ្ឋ​អាមេរិកពី​គុក​គុយបា​ហើយ​ជាការតប​ត​វិញ​ដល់សហរដ្ឋ​អាមេរិក ​កាល​ពី​ថ្ងៃ​ពុធ​ដែល​បាន​ធ្វើ​ឲ្យ​លោក​ប្រធានា​ធិបតី ប្រកាស​កាល​ផ្លាស់​ប្តូរ​នេះ។

ការ​ដាក់​ទ័ណ្ឌកម្ម​សេដ្ឋ​កិច្ច​ ​បាន​ស្ថិតនៅ​យ៉ាង​យូរដូច​នេះ​បណ្តាល​មក​ពី​ការ​គៀប​សង្កត់​ពី​ប្រជា​ពលរដ្ឋ​អាមេរិកាំង​ដើម​កំណើត​គុយបា។ការរឹះគន់ពីលោក Marco Rubio សមាជិក​ព្រឹទ្ធ​សភា​រដ្ឋ Florida ​ បាន​ធ្វើ​ឡើង​យ៉ាងឆាប់​រហ័ស​និង​ខ្លាំង​ៗ។

«ប្រធានា​ធិបតី​នេះ ​ជាអ្នក​ចរចា​ដ៏​អាក្រក់​បំផុត​តែ​ម្នាក់​គត់​ដែល​យើង ​មាន​នៅ​ក្នុង​សេតវិមានក្នុង​មួយ​ជីវិត​របស់​ខ្ញុំ​ដែល​លោក​ប្រធានា​ធិបតី​ ​បាន​ផ្តល់​អ្វី​ៗទាំងអស់​ទៅ​ឲ្យ​រដ្ឋាភិបាល​គុយបា​ដែល​រដ្ឋាភិបាលនោះ ​បាន​សុំ​ហើយ​បាន​ទទួលមក​វិញ​ដោយ​គ្មាន​ការ​ធានាពីការ​ជឿន​លឿននៃ​លទ្ធិ​ប្រជា​ធិបតេយ្យ​និងសេរីភាព​ជាការ​ដោះ​ដូរ​វិញ»។

ក៏ប៉ុន្តែ ​ការ​សរសើរ ​បាន​ចេញ​មក​ពីលោក Raul Castro មេដឹកនាំ​គុយបានៅ​ក្នុង​សន្ទរកថា​មួយ​ទៅ​កាន់​ប្រជា​ពលរដ្ឋ​គុយបា។

«ការ​សម្រេចចិត្ត​នេះ​ដោយ​លោក​ប្រធានា​ធិបតី​អូបាម៉ា សម្យ​បាន​ទទួល​ការ​គោរពនិង​ការ​ទទួល​ស្គាល់ពី​ប្រជា​ពលរដ្ឋ​របស់​យើង»។

ជាការពិត ​ការ​លប់​ចោល​ការ​ដាក់​ទ័ណ្ឌកម្មសេដ្ឋ​កិច្ចនេះ លោក​ប្រធានា​ធិបតី​ អូបាម៉ា ​ត្រូវការ​ការយល់​ព្រមពីសភា​ដែល​ត្រួតត្រា​ដោយ​គណបក្ស​សាធារណរដ្ឋ​នៅពេល​ឆាប់​ៗ​នេះ។​ការ​ពិភាក្សា​ទាំង​នេះ ​ត្រូវ​ចាប់​ផ្តើម​នៅពេល​ឆាប់​ៗ​នេះ៕​

ប្រែ​សម្រួល​ដោយ ​ជឹង ​ប៉ូជីន​

XS
SM
MD
LG